ممكن تساعدونى

**hamo12** · 12-06-2010 07:35 PM

السلام عليكم جميعا
يا اعضاء نايل موتورز
كان عندى كام سؤال لو سمحتم
انا معايا ماروتى 2010بس جبتها من غير كاسيت ولاسماعات كنت عايز اعرف سعر ونوع
1- كاسيت شرايط ويكون فيه مكان للفلاشة
2 -2سماعات كويسين
3-فرش للعربية جلد كامل بالتابلوه هيكلف كام
4-طاره سبور
5-طقم دواسات
6-ملمع للتابلوه بس نوع نظيف
وشكرا لكل الاعضاء

**Electric** · 12-06-2010 07:47 PM

هات cd احسن و فرش بس بلاش جلد علشان في الصيف ممل جدا و برضو الملمع في مصر ملوش اي لازمه

**hamo12** · 13-06-2010 02:32 PM

شكرا على الرد يا Electric

**hamo12** · 13-06-2010 02:33 PM

فين الاعضاء راحو يصيفوا ولا ايه

**dr.hazem** · 13-06-2010 10:24 PM

انا متابع باهتمام

انا معايا ماروتي برضو
انا اشتريتها مستعمله بس كان راكب فيها كاسيت جنب الساعه وكان نوع زباله بشرايط

والله رحت اشيله الكاسيتات النضيفه كانت هتحتاج اني اقص في التابلوه شويه ومش بعيد كمان اخسر الساعه والمنظر هيبقى مش عاطفي

فسبته مكانه وفكيت الكونصول اللي قدام الفتيس وركبت علبة تسجيل 128 وركبت فيها كاسيت شرايط برضو لاني بحتاج الشرابط ومش محتاج السي دي خصوصا ان بالشريط ممكن توصل الموبايل عليه وخلاص

اما بالنسبه للسماعات فأنا برضو عايز لان اللي راكبين فيها واحده محروقه وانا شغال حاليا بسماعه واحده فمنتظر رد الخبراء برضو

مع مراعاة ان العربية مش محتاجه حاجه جامده تهز الارض دي يادوبك ماروتي :-)

الفرش انا برضو عايز معلومات اكتر سمعت عن ناس في وسط البلد وانه مش غالي اطلاقا فانا منتظر معاك :-d

الطاره السبور مش هتفرق كتير يعني اما عن الدواسات فكل محلات الاكسسوار عندهم ولو مش عايز تروح محل اكسسوار كارفور او سبينيز مليان عندهم وكان فكارفور عليها عروض من قيمة اسبوعين كده...
اما عن ملمع التابلوه
ففي حاجه انا بعملها جامده جدا

السفنجه اللي بتلمع الجزم دي ممكن تجيبلك واحده تسيبها في العربية للتابلوه فقط والنتايج ممتازه

تحياتي