ارجو توضيح تأثير زياده زيت الموتور عن علامه ال max
حيث يوجد عندى زياده بنسبه ضئيله فوق علامه الmax
وماهو العلاج
شــــــــــــــــــــــــ ــــــكره
:majd(4):
عرض للطباعة
ارجو توضيح تأثير زياده زيت الموتور عن علامه ال max
حيث يوجد عندى زياده بنسبه ضئيله فوق علامه الmax
وماهو العلاج
شــــــــــــــــــــــــ ــــــكره
:majd(4):
مفيش أضرار إن شاء الله, لو زياده عن اللزوم الاويلسهات ممكن ترشح زيت, او الفايز بتاع الموتور يجيب بخر زيت, بس مفيش خطورة عامة, و ممكن تقلل الزيت بإستخدام سفنجة نظيفة من عند فتحة التزويد
متابع باهتمام
+11111111اقتباس:
المشاركة الأصلية كتبت بواسطة khaled_rafea
لو الموتور سليم وكبسه تمام
يبقي خد عندك
اويل سيلات الكرنك
اويل سيلات التقسيمه
جوان الكرتيرة
وده حصل لي شخصيا علشان الاسطي الميكانيكا حط نص كيلو زيت زياده فى الكورولا الله يسامحه بقه
بس لو الموتور مشي حالك
يبقي حبه دخنه زياده وخلاص
يحدث ما يسمي بظاهرة التكهف
لو نسبة ضئيلة ان شاء الله مفيش مشاكل...لو الزيادة كبيرة أنصحك تفتح طابة الكارتيرة وتقوم بتسريب كمية من الزيت وتقفل وتقيس المنسوب وهكذا الى ان تصل للمستوى المطلوب...من مخاطر زيادة زيت الموتور ...بالاضافه لماذكره الاخوة الافاضل...ان فى ماده زيتية رغوية يتتكون داخل الموتور والرغوة دى طلمبة الزيت مبتقدرش تضخها والعمليه دى ممكن تبوظ طلمبة الزيت نفسهالاقدر الله.. حتى لوماباظتش..قدرتها على ضخ الزيت بتقل جدا وطبعا حرارة الموتور بتعلى..والاضرار معروفه.
والله اعلم
واحب انبه حضرتك ان اللون الاحمر مخصص لادارة المنتدى فقط
غير كدا كمان ممكن ترشح زيت على البوجيها لو مش مربوطة كويس .. وبالتالى مفيش حرق ومفيش سحب ... وهتلاقى كل واحد يفتى فى العربية ويقولك الطرمبة ولا الموبينة وفى الاخر يطلع شوية زيت زيادة ..
الافضل ليك , تشيل الزيت الزيادة وعندك طريقتين ..
1-2- تفتح صامولة الكارتيرة من تحت وتنزل نص كيلو ... وتسيب العربية واقفة من بليل للصبح لغاية لما الزيت يتراكم ... بعدها تشوف الموشر وصل لفين ... لو قليل زود حبه صغيرة ..اقتباس:
ممكن تقلل الزيت بإستخدام سفنجة نظيفة من عند فتحة التزويد
او ممكن يروح بنزينة امارات مصر و يشفط الزيت الزياده .عندهم مكن شفط من غير ما تفك حاجه
جميل ... ردود هايله .
موضوع على درجه عاليه جدا من الاهميه ..
انا غيرت زيت في كالتكس المعادي ..
ربنا يسامحه العامل حط زيت زياده ..
لكن بسيط ..
فكان فيه آثار زيت طالع من فتحة الفايظ اعلى الموتور لكن بقوه شويه لدرجة انها ضاربه في الكبوت من الداخل ..
جاري المتبعه وربنا يستر ..
اسهل طريقة انك تجيب خرطوم رفيع وسرنجة وتسحب الزيادة من فتحة المقاس بتاعت الزيت ترفع المقاس وتنزل الخرطوم الرفيع مكانة وتسحب بالسرنجة بس يفضل تكون السرنجة من الحجم الكبير
بمناسبة الكلام عن مستور الزيت ممكن اسال ماتور النوبيرا 1500 سى سى بياخد كام لتر علشان لما غيرت الزيت والفلتر الراجل بتاع البنزينة قالى 4 لتر بالفلتر ومقاس الزيت اعلى من الشرطة بتاعت max وهو تقريبا واصل لاخر كلمة max نفسها فكدة زيادة ولا اية مع الشكر
متابع
Valvoline Lubricant Advisor - Valvolineاقتباس:
المشاركة الأصلية كتبت بواسطة هيثم الشرقاوى
LIQUI MOLY - Motor Oils, Additives, Car Care - Oil Guide
النوبيرا المكنة ال 1500 بتاخد بالفلتر 3.75
خلى العامل يحط 3.5 و انت مغير الفلتر و الباقى زوده براحتك عشان جوان غطا التاكيهات ميضربش
طبعا في خطورة على المحركات جديدة.
الزيت في المحرك يتجمع في حوض اسفل المحرك تحت عمود الكرنك (كارتيرة الزيت)
حجم الزيت الموصوف من الصانع في الحوض محسوب له حجم معين من الفراغ فعند زيادة الزيت يتم انتقاص هذا الفراغ.
هذا الفراغ يسمح بالوصول للضغط المناسب داخل المحرك الناتج من حركة عمود الكرنك وبقية اجزاء المحرك وبالتالي عند انتقاص حجم الفراغ يرتفع الضغط داخل المحرك اسفل عمود الكرنك مما يؤثر بالسلب على قدرة تحمل عوازل الزيت (Oil seals) وتثبيت الاجزاء الدوراة داخل نفس المنطقة. بالإضافة لزيادة المقاومة على شنابر البساتم (Piston Rings)وهي في حركة البستم لأسفل فيدخل الزيت بنسبة زائدة داخل غرفة الحريق فتظهر دخنة زرقاء من ماسورة العادم.
وطبعا ارتفاع الضغط يصاحبه ارتفاع في درجة حرارة المحرك
كل الاعراض التي ذكرها المشاركون الافاضل صحيحة وطرق العلاج بسيطة وهي التخلص من كمية الزيت الزائد وذلك بالذهاب لمكان تغيير الزيت وتفريغ الزيت في إناء نظيف - يفضل لو جركن زيت من نفس النوع ثم إعادة الزيت بالكمية المناسبة للمحرك
او ممكن تطلع جدع مع المحرك بتاعك وتحت زيت جديد وتبقى كانك عملت حمام زيت للمحرك بتاعك (Flushing)
هتروح بنزينه فيها جهاز شفط هتشيل نصف لتر المقاس هيبقى مظبوط و لو اقل نص سم من الماكس مفيش اى مشاكل خااااالص
انا بقى العلامة فى الحر فوق الفل و الصبح قبل الحر على الثلثين
لكن الزيت ماشاء الله طافح على البوجيهات و المكنه و حتى فلتر الهواء فيه زيت
و هذا بسبب ان الراجل شاف الزيت اقل من النص فقرر يزود علبه كامله فاصبحت سيارتى الالتو واخده 4 لتر زيت بينما صاحبى الريو واخده ثلاثه
شكلى هاغير زيت
للاسف انت فكرتنى بمصيبتى
مره واحد كان فى محطه شل كنت بحط شل الاحمر 20.50 الباشا كان فاكر انه كل مايزود انه كده بيتوصى بيا حط بتاع لتر زياده و ماخدتش بالى الا بعد يومين كانت العربيه بقت عامله زى عربيه الرش دخاااااان ابيض سحابه يلا هنعمل ايه بهايم و ماشيه