عملت صيانة الالف لجنتي انا فرحان وزعلان بس الحمد الله

الحمد الله عملت صيانة الالف النهردة وابتدا اليوم من 10ونص الصبح وانتهي الساعة 4 ونص تقريبا

لحظة الوصول

اول ما دخلت قبلت يسري مساعد الاستقبال في فرع الصحراوي بس وزي ما انتو عرفين اخد المفتاح
وعلق الرقم واتكلمنا شوية مفيش 10 دقايق لقيت باشمهندس محمد عبد الهادي مهندس الاستقبال وصل
وبصراحة وشة البشوش طمني وسئلني علي ملاحظاتيالي ابتدتها بي ان الدركسيون بيزيق لما بلفة الصبح وانا طالع بيها الصبح قلي الصبح بس قلتلة لا و سعات في اوقات تنية لما بركنها فترة دة واحد اتنين الطارة عندي مش مظبوطة علي النص ( يعني تحس انك لافف الدركسيون نحية الشمال حبة ) تلاتة سنتر الباب اليمين سعات بيعلق اربعة مرة وانا بجري بيها علي الدائري حسيت انها بتحدف يمين بس مش عارف من العربية ولا من الطريق وهية دي كانت المشكلة

المهم مهندس محمد استلم العربية وقلي اتفضل في الاستراحة الساعة 2 ان شاء الله تمشي المهم رحت سلمت علي استاذ محسن صالح ورجعت قعدت في الاستراحة ودار نقاش مبين الناس البرو تونية كلة بيتكلم علي عربيتة واية الحجات المشتركة واية الجديد المهم لحظت عربيتين جيين من شرم علشان الصيانة واتكلمت مع اصحبهم المهم ما علينا علي الساعة 12 ونص وانا واقف برة بلصدفة لقيت عم ابراهيم الي في الصيانة خارج بيها وبيقلي اركب علشان موضوع الدركسيون قلت الحمد الله هانت سئلتة علي الزيت والعفشة قلي كلة تمام نظبط الدركسيون وتمشي المهم لفينا برة شوية وكان فاكك وش الدركسيون علشان يظبطة علي النص المهم سعتها بدات اركز علي موضوع ان العربية فعلا بترمي علي اليمين رجعنا التوكيل وقلتلهم شوفو الموضوع دة.

منتصف اليوم :
المهم طلعنا تاني نشوف الموضوع
والمرة دي انا الي سقت سبت الدركسيون من ايدي لقتها فعلا بتحدف وبينا جدا انها بترمي علي اليمين المهم عم ابراهيم قلي ممكن يكون ضغط الهوا ( انا واثق انو لا مش الضغط خالص ) المهم قلي هنكشف علي ضغط الهوا لو مش هوة نروح ظبط الزوايا المهم رجعنا علي معاد استراحة الغدا .
:brn:
اخر اليوم
قلي قدامك عربيتين قلت هانت واستنيت واستنيت واستنيت لحد ما اخيرا علي 3 ونص لقتها دخلت علي ظبط الزوايا المهم دخلت ظبط الزويا وسئلت قلولي لا بسيطة حجات بسيطة في الزوايا وهنبدل مكان العجلة اليمين مكان الشمال وهتتظبط قلت كويس يااااااااااارب :11: ومشكلتي الكبري اني شكاك وتقريبا من الساعة وحدة وانا داخل خارج لحد محسيت ان الشمس برة مع التكيف جوة جبولي هبل :I_angr1[1]:المهم خلصت الزويا علي الساعة 4 قلت لي باشمهندس محمد يارب تكون اظبطت قلي اكيد المهم قلتلة اجرب ولا ملوش لزمة المهم اقنعني انو خلاص وكلة تمام وخلاص هستلم المهم علي 4 ونص استلمت وانا ماشي مقلق يبقا لسة فيها حاجة
المهم استلمت ومشيت وجربت جنب القرية الزكية حسيت كلة تمام رحت متجهة فوراااااا علي البيت ... والحمد الله

المهمد انا هقول ملاحظات بدون ذكر اسماء بعد ازنكم

1 عامل الوقت ( حسيت في فترة ان الوقت ملوش اهمية واني ممكن اجي بكرة دة عادي ) ربنا يعلم انا غبت النهردة من شغلي ازاي .

2 س من الناس في الصيانة حاول يقني ان العربيات الجديدة بترمي يمين او شمال عادي واني اكيد وانا ماشي مش هسيب الدركسيون من ايدي (الي اعرفة انها بتمشي في خط مستقيم لو الطريق ناعم انا بسوق من 10 سنين تقريبا وجديد الموضوع دة عليا ؟؟؟ !!!! )

3 س من الناس حاول يقنعني ان سنتر الباب اليمين تمام وان الدركسيون مبيزيقش انا عارف انهم اتجربو ومعلموش حاجة قدمهم علشان يكسفوني بس ( طيب دي لو حجات محصلتش معيا هشتكي منها لية ) المهم اني كبرت دماغي وكنت مهتم بموضوع ان العربية بتحدف علي اليمين الله اعلم يمكن اكون انا حسيت الحجات دي غلط

4 دي من عندي انا انا حسيت انها مسئلت حظ يعني انت ودورك يعني مش شرط ان اي حد يقعد الفترة دي كلها ممكن واحد يمشي في ساعة :B4_007:وممكن حد يمشي في 5 سعات :fun_36_3_4[1]:
5 عدم توافر بعض قطع الغيار ( ملحوظة من عربية جت من شرم وملاقاش دراع المسحات )

المجمل اني فرحان اني عملت العربية وزعلان وتعبان من اليوم الطويل والانتظار وان كل الي موجود ومعاة جين بعيد عن اي عيوب واعطال انو فرحان بعربيتة وحاسس انها فعلا عربية مش زي اي عربية تنية .

و اسف اني طولت في الكلام بس بجد حسيت اني لازم احكي

وربنا يوفق الجميع ويكفينا شر الطريق الحمد الله علي كل حال ربنا يرزقني خيرها ويكفيني شرها

اسف علي الاطالة ....

شكرا على نقلك للتجربة
بس انت مقولتلناش مشكلة السنتر والدريكسيون اللى بيزيق اتحلت ولا لسه ؟

مليوووووووووووون مبروك على صيانة الالف واعقبال صيانة ال 1000000000000000000000000000
بس مقلتليش الصيانة كلفتك كام ودفعت فى الزواية حاجة ؟؟؟
حطيت زيت 5000 ولا 10000
تحياتى وبالتوفيق ومتزعلش المهم ان العربية اتظبطت دة يهون عليك طووووووول اليوم وتعبة
ربنا يباركلك فيها ويحميهالك من كل شر ويبعد عنك العين ويبعدها عننا جميعا
ملحوظة ::
انا زعلان فعلا انى مجبتش سيراتووووو عارفين لية ؟؟؟
بجد والله انا ببقى سايق وخايف جدا (انا موسوس)
السيراتو من كتر انتشارها بتبقى عربيات لسة بلزقة السقف ماشية ولا حد بيبص عليها
ويجى الغلبان(العبد لله) وعربيتة الغلبانة (جيجي) وفى اى حتة اركنها تلاقى الناس عايزة تدخل من البرابريز الامامى (بحس ان البصة بتخترقنى :( واعد اقرا المعوذتين لو لقيت اى حد باصص عليا واقول ياريتنى جبت سيراتو وكنت زى كل الناس دى ماشية بعربيات زيرو ومحدش بيبص عليهم :((( (طبعا من ورا قلبى بس ببقى قلقان لان مش كل واحد بيبص بيقول بسم الله ما شاء الله ولا حول ولا قوة الا بالله ولا انتوا مش معايا ؟؟))

مبروك يا ريس بس لو مكنتش حاجز قبلها بمده فا دا الطبيعي اما لو حاجز فيبقي ليك حق تزعل ...و في كل الاحوال هو التوكيل سيء بس انا سمعت ان امير و جوزيف اللي في مكرم كويس و كان في عضو هنا شكر فيه

انا كان عندي نفس مشكله الزوايا و لما ظبطوا الزوايا في التوكيل العربيه متظبطتش 100% الا لما غيرت الكوتش اليمين مكان الشمال لان احتمال ان يكون عيب الزوايا اثر علي العجله علي العموم متقلقش انشاء الله محلوله بس اظبط الزوايا في بردجستون احسن من التوكيل و ارخص كتير

اقتباس:

---

المشاركة الأصلية كتبت بواسطة mido_soliman

مليوووووووووووون مبروك على صيانة الالف واعقبال صيانة ال 1000000000000000000000000000
بس مقلتليش الصيانة كلفتك كام ودفعت فى الزواية حاجة ؟؟؟
حطيت زيت 5000 ولا 10000
تحياتى وبالتوفيق ومتزعلش المهم ان العربية اتظبطت دة يهون عليك طووووووول اليوم وتعبة
ربنا يباركلك فيها ويحميهالك من كل شر ويبعد عنك العين ويبعدها عننا جميعا
ملحوظة ::
انا زعلان فعلا انى مجبتش سيراتووووو عارفين لية ؟؟؟
بجد والله انا ببقى سايق وخايف جدا (انا موسوس)
السيراتو من كتر انتشارها بتبقى عربيات لسة بلزقة السقف ماشية ولا حد بيبص عليها
ويجى الغلبان(العبد لله) وعربيتة الغلبانة (جيجي) وفى اى حتة اركنها تلاقى الناس عايزة تدخل من البرابريز الامامى (بحس ان البصة بتخترقنى :( واعد اقرا المعوذتين لو لقيت اى حد باصص عليا واقول ياريتنى جبت سيراتو وكنت زى كل الناس دى ماشية بعربيات زيرو ومحدش بيبص عليهم :((( (طبعا من ورا قلبى بس ببقى قلقان لان مش كل واحد بيبص بيقول بسم الله ما شاء الله ولا حول ولا قوة الا بالله ولا انتوا مش معايا ؟؟))

---

[OVERLINE]انا معايا الاتنين سيراتو :fdsa: و جين :3mla:
و بقولك انت اختارت صح :B4_237:[/OVERLINE]

اقتباس:

---

المشاركة الأصلية كتبت بواسطة tarek gen 2

[overline]انا معايا الاتنين سيراتو :fdsa: و جين :3mla:
و بقولك انت اختارت صح :b4_237:[/overline]

---

اوعى تكون زعلت منى انا مقصدش حاجة والله انا بحب شكل السيراتو جدا بس انا بتكلم على نظرة الناس بتختلف بين عربيتين زيرو الاتنين شكلا حلوين جدا بس واحدة من كتر انتشارها فقدت بريقها فنظرة الناس ليها قلت والتانية لندرتها وجمالها الشديد تبهر المارين وتدفعهم للنظر والتساؤل عنها
تحياتى ليك ومرة تانية اتمنى ان كلامى يكون وصل بصورة طيبة

اقتباس:

---

المشاركة الأصلية كتبت بواسطة x512

مبروك يا ريس بس لو مكنتش حاجز قبلها بمده فا دا الطبيعي اما لو حاجز فيبقي ليك حق تزعل ...و في كل الاحوال هو التوكيل سيء بس انا سمعت ان امير و جوزيف اللي في مكرم كويس و كان في عضو هنا شكر فيه

---

اولا امير و جوزيف غالى زى التوكيل بالظبط ثانيا اى عيب فى العربية كبير عليه و بيقولك روح التوكيل ثالثا يفضل فى الصيانة بس وانا جربته فى السيراتو و معجبنيش

اقتباس:

---

المشاركة الأصلية كتبت بواسطة Ahmed.Ali

انا كان عندي نفس مشكله الزوايا و لما ظبطوا الزوايا في التوكيل العربيه متظبطتش 100% الا لما غيرت الكوتش اليمين مكان الشمال لان احتمال ان يكون عيب الزوايا اثر علي العجله علي العموم متقلقش انشاء الله محلوله بس اظبط الزوايا في بردجستون احسن من التوكيل و ارخص كتير

---

+111111111111
وخد بالك 90% من الطرق فى مصر فيها ميل يمين و شمال و هتلاقى حتى بعد ظبط الزوايا بتحدف برضه

اقتباس:

---

المشاركة الأصلية كتبت بواسطة be7ee

الحمد الله عملت صيانة الالف النهردة وابتدا اليوم من 10ونص الصبح وانتهي الساعة 4 ونص تقريبا

لحظة الوصول

اول ما دخلت قبلت يسري مساعد الاستقبال في فرع الصحراوي بس وزي ما انتو عرفين اخد المفتاح
وعلق الرقم واتكلمنا شوية مفيش 10 دقايق لقيت باشمهندس محمد عبد الهادي مهندس الاستقبال وصل
وبصراحة وشة البشوش طمني وسئلني علي ملاحظاتيالي ابتدتها بي ان الدركسيون بيزيق لما بلفة الصبح وانا طالع بيها الصبح قلي الصبح بس قلتلة لا و سعات في اوقات تنية لما بركنها فترة دة واحد اتنين الطارة عندي مش مظبوطة علي النص ( يعني تحس انك لافف الدركسيون نحية الشمال حبة ) تلاتة سنتر الباب اليمين سعات بيعلق اربعة مرة وانا بجري بيها علي الدائري حسيت انها بتحدف يمين بس مش عارف من العربية ولا من الطريق وهية دي كانت المشكلة

المهم مهندس محمد استلم العربية وقلي اتفضل في الاستراحة الساعة 2 ان شاء الله تمشي المهم رحت سلمت علي استاذ محسن صالح ورجعت قعدت في الاستراحة ودار نقاش مبين الناس البرو تونية كلة بيتكلم علي عربيتة واية الحجات المشتركة واية الجديد المهم لحظت عربيتين جيين من شرم علشان الصيانة واتكلمت مع اصحبهم المهم ما علينا علي الساعة 12 ونص وانا واقف برة بلصدفة لقيت عم ابراهيم الي في الصيانة خارج بيها وبيقلي اركب علشان موضوع الدركسيون قلت الحمد الله هانت سئلتة علي الزيت والعفشة قلي كلة تمام نظبط الدركسيون وتمشي المهم لفينا برة شوية وكان فاكك وش الدركسيون علشان يظبطة علي النص المهم سعتها بدات اركز علي موضوع ان العربية فعلا بترمي علي اليمين رجعنا التوكيل وقلتلهم شوفو الموضوع دة.

منتصف اليوم :
المهم طلعنا تاني نشوف الموضوع
والمرة دي انا الي سقت سبت الدركسيون من ايدي لقتها فعلا بتحدف وبينا جدا انها بترمي علي اليمين المهم عم ابراهيم قلي ممكن يكون ضغط الهوا ( انا واثق انو لا مش الضغط خالص ) المهم قلي هنكشف علي ضغط الهوا لو مش هوة نروح ظبط الزوايا المهم رجعنا علي معاد استراحة الغدا .
:brn:
اخر اليوم
قلي قدامك عربيتين قلت هانت واستنيت واستنيت واستنيت لحد ما اخيرا علي 3 ونص لقتها دخلت علي ظبط الزوايا المهم دخلت ظبط الزويا وسئلت قلولي لا بسيطة حجات بسيطة في الزوايا وهنبدل مكان العجلة اليمين مكان الشمال وهتتظبط قلت كويس يااااااااااارب :11: ومشكلتي الكبري اني شكاك وتقريبا من الساعة وحدة وانا داخل خارج لحد محسيت ان الشمس برة مع التكيف جوة جبولي هبل :I_angr1[1]:المهم خلصت الزويا علي الساعة 4 قلت لي باشمهندس محمد يارب تكون اظبطت قلي اكيد المهم قلتلة اجرب ولا ملوش لزمة المهم اقنعني انو خلاص وكلة تمام وخلاص هستلم المهم علي 4 ونص استلمت وانا ماشي مقلق يبقا لسة فيها حاجة
المهم استلمت ومشيت وجربت جنب القرية الزكية حسيت كلة تمام رحت متجهة فوراااااا علي البيت ... والحمد الله

المهمد انا هقول ملاحظات بدون ذكر اسماء بعد ازنكم

1 عامل الوقت ( حسيت في فترة ان الوقت ملوش اهمية واني ممكن اجي بكرة دة عادي ) ربنا يعلم انا غبت النهردة من شغلي ازاي .

2 س من الناس في الصيانة حاول يقني ان العربيات الجديدة بترمي يمين او شمال عادي واني اكيد وانا ماشي مش هسيب الدركسيون من ايدي (الي اعرفة انها بتمشي في خط مستقيم لو الطريق ناعم انا بسوق من 10 سنين تقريبا وجديد الموضوع دة عليا ؟؟؟ !!!! )

3 س من الناس حاول يقنعني ان سنتر الباب اليمين تمام وان الدركسيون مبيزيقش انا عارف انهم اتجربو ومعلموش حاجة قدمهم علشان يكسفوني بس ( طيب دي لو حجات محصلتش معيا هشتكي منها لية ) المهم اني كبرت دماغي وكنت مهتم بموضوع ان العربية بتحدف علي اليمين الله اعلم يمكن اكون انا حسيت الحجات دي غلط

4 دي من عندي انا انا حسيت انها مسئلت حظ يعني انت ودورك يعني مش شرط ان اي حد يقعد الفترة دي كلها ممكن واحد يمشي في ساعة :B4_007:وممكن حد يمشي في 5 سعات :fun_36_3_4[1]:
5 عدم توافر بعض قطع الغيار ( ملحوظة من عربية جت من شرم وملاقاش دراع المسحات )

المجمل اني فرحان اني عملت العربية وزعلان وتعبان من اليوم الطويل والانتظار وان كل الي موجود ومعاة جين بعيد عن اي عيوب واعطال انو فرحان بعربيتة وحاسس انها فعلا عربية مش زي اي عربية تنية .

و اسف اني طولت في الكلام بس بجد حسيت اني لازم احكي

وربنا يوفق الجميع ويكفينا شر الطريق الحمد الله علي كل حال ربنا يرزقني خيرها ويكفيني شرها

اسف علي الاطالة ....

---

اولا الف مبروك
و ثانيا مش عايز احبطك بس بكرة تتعود و مالوش لازما س دى كلنا عارفين هنا مين سين ده :36_1_1[1]:
كلهم سين باستثناء م\ أمر بس :colsmil:7
و ربنا يكرمك يا باشا و ان شاء الله خير و متحتاجش التوكيل غير فى الصيانات

اقتباس:

---

المشاركة الأصلية كتبت بواسطة mido_soliman

اوعى تكون زعلت منى انا مقصدش حاجة والله انا بحب شكل السيراتو جدا بس انا بتكلم على نظرة الناس بتختلف بين عربيتين زيرو الاتنين شكلا حلوين جدا بس واحدة من كتر انتشارها فقدت بريقها فنظرة الناس ليها قلت والتانية لندرتها وجمالها الشديد تبهر المارين وتدفعهم للنظر والتساؤل عنها
تحياتى ليك ومرة تانية اتمنى ان كلامى يكون وصل بصورة طيبة

---

يا حبيبى انا اصلا متفق معاك و بقولك انت اختارت صح عشان جين احسن من السيراتو اصلا باستثناء بعض الحاجات
واللى انت قولته صح طبعا
و تحياتى ليك برضه :36_3_18[1]:

اقتباس:

---

المشاركة الأصلية كتبت بواسطة tarek gen 2

يا حبيبى انا اصلا متفق معاك و بقولك انت اختارت صح عشان جين احسن من السيراتو اصلا باستثناء بعض الحاجات
واللى انت قولته صح طبعا
و تحياتى ليك برضه :36_3_18[1]:

---

ربنا يبارك لك فى الجين والسيراتو يا طارق باشا
تقبل مرورى

ألف مبروك الصيانة و الحمد لله إن مشكلة الزاوية اتحلت.

و عقبال صيانة ال 100,000 إن شاء الله.

شكر كبييييييييييير لكل الجناوية وكل الي شارك في الموضوع

انا دفعت 160 جنية تمن الفلاتر بس علشان اول صيانة ليها وعرفتة اني هدفع بعد كدة زيت والشغل العادي بس عني اول الف مجانا

انا حطيط زيت 5000 علشان تقريبا مفيش غيرة في التوكيل وسمعت ان فية زيت 50.0000 بس في شرم

بلنسبة لموضوع الحجز انا فعلا كنت حاجز من يوم الاربع

بلنسبة للسنتر و تزيقة الدركسيون اقنعوني انهم جربهوم والسنتر والدركسيون تمام لا دة علق ولا التاني زيق وحسيت بلحظة من الهبل بس عادي

mido soliman انت لو اسمك محمد يبقا رب صدفة خير انشاء الله انا اسمي محمد سليمان بردو وكان نفسي في سيراتو بس بجد
عز العرب لو عمل دعاية للبروتون زي ما بيتعمل دعيا للكيا البروتون هتعمل اكتساح للسوق المصري بس في ميزة انك راكب عربية مميزة ومش منتشرة انتشار الرطرطة بس مع عيب غلو قطع الغيار وان مش اي حد بيفهم فيها

الف مبروك علي الصيانه
الحمد لله انك خلصتها

1000 مبروك و عقبال صيانة المليون

ألف مبروك يا سيدي
أنابرضو لسه مستلم العربيه الخميس قبل اللي فات و عامل لحد دلوقتي حوالي 500 كم و على فكره انا استلمت العربيه من الصحراوي و أنا رايح بيها اسكندريه أول ما استلمتها لاحظت موضوع الحدفه الشمال
بس مش عارف الصيانه أعملها في اسكندريه أحسن ولا اروح ابو رواش؟؟
و عموما ربنا يباركلك فيها و يحميهالك انت و كل الجيييناوية2

مبروك و عقبال صيانه المليون كيلو
انا لسه شارى العربيه الأسبوع الفات من محسن صالح فرع الصحراوى و عملت 500 كيلو لحد دلوقتى
بالنسبه لتزيقه الدركسيون بتاعت الصبح و أنا طالع من البارك أيه حلها فى التوكيل
و سعات مبسمعهاش
و ممكن تكسفنى فى التوكيل و مسمعهاش
أعمل أيه يا رجاله و أقولهم أيه و أيه تفسير المشكله

ألف مليون مبروك يا ريس و عقبال صيانة ال 100000 إن شاء الله

معلش على العلقة، هو انا مش فاهم هي ليه عربيات بروتون بتحدف يمين(كان عندي نفس المشكلة و عند ابن خالتي اللي برده معاه ساجا) بس انا دحكو عليا فى التوكيل و غرموني 88 جنيه ضبط زوايا مع اني كنت ايلهم فى صيانة الالف، و العربية باتت يومين فى التوكيل و بعد ما اتظباتيت كان الدركسيون ثقيل زي ماكو سايق لوري موديل 47، و مره العامل ماجاش و تضيع وقت، و اجارة 3 ايم من الشغل، بس الحمدلله العربية اتظباتيت و باقيت تامام، و الايمون كلمني يطمأن , المهندس آمر كلمني يطمأن (جازاهم الله خيرا) و يا سلام لو كل الناس فى التوكيل يكونو زيهم.

اقتباس:

---

المشاركة الأصلية كتبت بواسطة Tayer

مبروك و عقبال صيانه المليون كيلو
انا لسه شارى العربيه الأسبوع الفات من محسن صالح فرع الصحراوى و عملت 500 كيلو لحد دلوقتى
بالنسبه لتزيقه الدركسيون بتاعت الصبح و أنا طالع من البارك أيه حلها فى التوكيل
و سعات مبسمعهاش
و ممكن تكسفنى فى التوكيل و مسمعهاش
أعمل أيه يا رجاله و أقولهم أيه و أيه تفسير المشكله

---

المشكلة انا مش عارف تفسرها اية علشان سعات بتظهر وسعات لا

الي غيظني ان في التوكيل سعات تقول ان بيحصل معاك كذا وهما لو جربو ومحصلش معها الكذا دة
يحسسوك انك بتفتي وان مفيش مشكلة

وزي ما شرحت قبل كدة السنتر الباب اليمين بيعلق حسسوني انها مشكلة مش موجودة رغم انها بتحصل معيا
وحسيت ان مينفعش اقلهم علي الحاجة الا لما تكون بايظة قدمهم

والحمد الله انها عيوب بسيطة

وربنا ما يحوجنا لحد في عيب خطير علشان توقعاتي :beatdeadhorse5::36_7_4[1]::120146b:_Alshmokh08[1]: