ياراجل مش تقولي أنك بتحب طبقة القشطة دا انا كل مرة بشيلها بس لو كدة انا خلاص هبعتهالك كل مرة :satelite: .
عرض للطباعة
هو بالتأكيد مزارع دينا مختلف عن بقية الانواع بس حد يعرف هل فيه منه خالي الدسم
عشان انا متعود اجيب للاولاد حليب سايب من محل مضمون جدا جدا لاني انا متربي عليه من صغري و اسمه البان الخطيب و ده بصراحة منتجاته كلها مالهاش حل يعني بصراحة تاكل من عنده احلي زبادي في اسكندرية و دي مش مبالغة
و انا و زوجتي بنشرب جهينة او بيتي خالي الدسم لكن لو فيه دينا خالي الدسم لن اتردد في التعامل معه لان اللبن في بيتنا حاجة اساسية جدا و لايمكن الاستغناء عنها و بصراحة دينا شكله لبن
في لبن خالي الدسم مزارع دينا حاليا بجيب للجماعة مزارع دينا لو مفيش سايب وده عشان فتره صلاحيته قليلة وده شيء يطمن ولبن بودرة بجيب ميلجرو ارخص من نيدو وبرده عاجبهم في البيت
جهينة فيه نسبة عالية من اللبن البودرة
سواء لبن او زبادى
أحسن لبن حاليا فى السوق هو المراعى ومزارع دينا و ايزيس أورجانيك...لمار برضه مش وحش..وأحسن علب جبنة بيضا هى بريزيدنت
عندك المراعى ممتاز
ومزارع دينا
المراعى ثم جهينه ...
سايب من عند اللبان او المراعى او بيتى
بيتي
لعبه اللبن دى كبيره اوى
البودره اللاعب الاساسى فى اللعبه
المراعى
بيتى او مراعى
و دانو بودرة
للعلم فقط: ألبان جهينه و انجوي و بيتي كلهم تابعين لنفس الشركه ومعمولهم قضيه احتكار من فتره معرفش وصلت لحد فين.
أقولك القول الفصل
بصراحة مش عارف اذكر اسماء ولا لأ ؟؟؟
بس اللي هقوله ده كلام متأكد منه 100% ومسؤول عنه كمان ومن سياق كلامي هتفهم حضرتك ببساطة...
طبعا طبعا بيزنس الألبان ده شبكة كبيرة وقصة طويلة جدا
القصة تبدأ من: قطيع > محلب > مصنع > بيع
بعض الشركات دي بتكون مالكة للمزارع اللي فيها القطيع خاصة بها مكتفيه بالمزارع بتاعتها وبالإنتاج بتاعها، وبيكون المحلب في نفس المكان وغالبا المصنع كمان ودي أفضل أنواع الشركات، بس لاحظ إن الانتاج ككمية وانتشار مش كبير بس الجودة أفضل من النوع الثاني
النوع التاني هو شركات ليها مزرعة او ملهاش بس المهم إنها متعاقدة مع مزارع كتييييير لتوريد الحليب لمصنعها وبالتالي يبقى عندنا مزرعة ومحلب في مكان والمصنع في مكان تاني (ودي نقطة مهمة في الجودة) بالإضافة إلى إنها بتستلم الحليب من مزارع متنوعة (موردين) وده برضه بيفرق في الجودة، ودي منتجاتها منخفضة الجودة وواسعة الانتشار وكبيرة الانتاج، بعضها متعاقد مع 85 مورد!!!
كل ده لو بنتكلم في حالة المثالية واتباع المعايير ووجود الرقابة الصارمة (الله يرحمها ويحسن لها)
كوم تاني ألا وهو اللبن البودر اللي بيجي من الدنمارك وهولندا ونيوزلاندا وغيرهم في عبوات سعة 1طن وبيتم التصنيع منه مع محسنات قوام ومواد حافظة وغيره.
كوم تالت هو طبيعة البودر وجودته وطبيعة المواد الحافظة ... إلخ
لو كملت محدش هيشرب لبن تاني، إنما عندنا حالتين أفضلهم هو النوع الأول من حيث الجودة والسلامة للمنتج، ولو عاوز تفاصيل انا تحت أمرك
شوف لومخذة حد عن زريبة واشترى اللبن طازة
دة احنا كنا نشترى بجنية ونشرب من الكيس منغير غلى اياااام
بحكم شغلى فى التسويق
عندى نصحتين
عايز لبن فى مصر اتفق مع اى فلاح عندو جموسه و خد منو بلشهر و حطو فى الفرزير
الحل تانى اشرب المراعى و ده مضمون بنسبه 75 % فى مصر هنا فى السعوديه 200% طبهان
لاكن لا جهينه و لا بيتى ولا العفريت
البان مزارع دينا وبص على تاريخ الصلاحيه
لبن جهينه ده مش لبن اصلا ، وهم نفسهم معترفين بكده ، لو قريت اللي مكتوب على علبته هاتلاقيهم كاتبين ٥٠ ٪ بودره وده باعترافهم عشان كده لا يمكن اشتريه ولو ببلاش
الانواع الكويسه دينا طبعا احسن حاجه ، بعده لامار والمراعي ، غير كده مابشتريش
انا فى ىقريه فبشترى من الفلاحين طاظه كل يوم الصبح
او المراعى او بيتى
انا بتجيلي فلاحة ف الشغل ومعاها ازايز بلاستيك فيها لبن فلاحى وبشتري منها وبيطلع بعد غاليه قشطة كتيرة فبحس بطعم اللبن فيه بعكس العلب والبودرة بس والله انا مبقتش عارف هو كده صحى اللبن الفلاحى ده ولا لا
عمرى ماحبيت اللبن المعلب ابدااا ولا بطيق طعمه ولا ريحته حتى .. وبشرب اللبن السايب
وجربت اشرب مزارع دينا ولقيت طعمه زى السايب وممكن اشربه عادى
ويمكن هو أحسن حاجة معلبة فى السوق وتقريبا فى اجماع على كده من مشاركات الأعضاء
اضمن سلامة الازايز
يعنى مش مثلا ازايز مياه مستعملة تجيبها
وممكن تديها جركن مخصوص ليك وبس
وتغليه كويس فى البيت
الغلى بيكون
اثناء وضعه على النار تقلبه وتشيل اى شوائب
اول ما يبتدى يغلى وطى عليه وسيبه يغلى
وتحرك الاناء بحيث يكون طرف فقط على النار ويستمر فى الغلى شوية وتحركه لطرف تانى
ولو عايز ممكن تقوم واضع الاناء فى الحوض فى مياه بارده
كدة عمليه بسترة
بدون ما شوف المشاركات
وبعد تجربة كل انواع اللبان
مزارع دينا
فى الخليج فيه نوعين من الألبان بتنتجه الشركات
نوع اسمه طويل الاجل وده بيبقى فى علب كرتون زى اللى فى مصر وكتوب عليه انه متصنع من حليب بودرة وبيقعد فترة طويلة 6 شهور فى حال عدم الفتح وتستهلكه فى اسبوعين لو فتحت العلبه ويبقى فى التلاجة
النوع التانى وهو قصير الامد اللى هوا الفريش وصلاحيته من 3 أيام ل 5 أيام ولازم يبقى مبرد على طول
فى مصر مافيش لبن فريش من الشركات غير على استحياء اللى هوا مزارع دينا
اما باقى علب الكرتون فاعرف انها طويل الامد مضاف اليها مواد حافظة
النصيحة الدهبية اشترى الفريش اللى صلاحيته من 3 ل 5 ايام لانه افضل شىء
وربنا يرحم المصريين برحمته
لان عدم النضافة والاستسهال وعدم الاتقان والاستهانة بمتطلبات الصحة اصبح من الصفات اللاصيقة لشعبنا الحبيب
معلومه صغيره المراعي هو بيتي و بيتي هو المراعي
لاكتيل ولبنيتا صلاحيتهم أسبوعين على ما أظن وأعتقد ده دليل على إنهم أفضل من جهينة وباقي الأنواع التانية اللي بتقعد 6 شهور
مزارع دينا كنت بجيبه للأولاد علطول بس أحيانا كان لازم يتشرب في نفس اليوم اللي بيتفتح فيه ولو اتساب لتاني يوم كان أحيانا طعمه وريحته بتتغير فعلشان كده بطلت أجيبه وبقيت أجيب لاكتيل أو لبنيتا
لبنيتا عبارة عن بودرة سيراميك لايصلح نهائي طعمه زفت
لبنيتا ولاكتيل العلبة بتاعتهم بلاستيك مش الكرتون ... عشان كدة صلاحيتهم إسبوعين فقط ... وكمان لما بيتفتحوا مش بيكملوا يوم على بعضه وتلاقي ريحتهم اتغيرت
وبالمناسبة بقى أنا برضه لما جبت مزارع دينا كذا مرة مجرد ما افتح الزجاجة مش بتكمل يوم بداخل الثلاجة وأبص ألاقي ريحتها اتغيرت ... وكذا مرة أرمي الزجاجة كلها بسبب رحتها الوحشة برغم إنها لسة بتكون مفتوحة ... عشان كدة بطلت أجيبه برضه
إذا كان اللبن اللى بيكون طالع من الجاموسة ممكن يقعد في التلاجة بدون غلي خمس أيام مثلا أو إسبوع حتى بدون ما يجراله حاجة ... إشمعنى يعني مزراع دينا مش بيقعد يوم مجرد ما يتفتح ... حسيت إنه برضه مش طبيعي
وجهينة طبعا بقى بيحط لبن بودرة بنسبة 50 % ... وبرضه بطلت أجيبه
أفضل حاجة حاليا بالنسبة لى لامار ... طعمه حلو ومافيهوش لبن بودرة (حسب المكتوب عليه) ... وفي الآخر كله محصل بعضه
كده احنا نبطل نشتري لبن أحسن بأه !
بس معتقدش إن في علاقة بين تاريخ الصلاحية وبين العلبة ، يعني مثلا عندك لبن بيتي بيتحط في علبة بلاستيك وصلاحيته 6 شهور برده على ما أعتقد لكن دايما تلاقي أصحاب السوبر ماركتس بيحطوا لبن لاكتيل ولبنيتا في التلاجة وبيتي وجهينة وخلافه برة عادي
http://www.ba2al.com/image/cache/dat...lk-500x500.JPG
ربنا يخليلنا بقرتنا حبيبتنا
.....
بس لو انا مستعجل على الغلى بجيب جهينا اضمن حاجة