الف شكر
عرض للطباعة
العغو ان شاء الله تلاقيه بسعر معقول
بالتجربة العملية, اخو مراتي عندة فلتر باناسونيك و انا عندي فلتر 6 مراحل ريفرس اسموزيس, و الاتنين في نفس البيت في التجمع, من شهر جبت الفني اغير شمعه الميمبرين علشان فات عليها اكتر من 4 سنين, و شمعه كاربون بلوك, الفني معاه قلم ديجيتال بيتحط فية عينة مياة و بيقولك نسبة الاملاح فيها كام على شاشة ديجيتال انا قلت لة بعد اذنك و بعت جبت كوباية مياة من فلتر اخو مراتي و قستها بنفسي و قمت بقياس مياة الفلتر عندي قبل تغيير الممبرين و مرة اخري فور تغييرة ايضا بنفسي (علشان اشيل اي شك ان الفني بيعمل اي حركات في المقياس فرضاً او جدلاً)
و اليكم النتايج (و التلات عينات مياة من نفس البيت نفس الدور نفس المنطقة
مياة الحنفية نسبة الاملاح 236
مياة الفلتر الباناسونيك 236
مياة الفلتر ال6مراحل قبل تغيير الممبرين المستهلك 168
مياة الفلتر ال6 مراحل بعد تغيير الممبرين باخر جديد 27
و بعد عمل فلاش للتانك (لانة مخزن شوية مياة فيها املاح من قبل تغيير الممبرين التالف) و تشغيل الممبرين الجديد مفروض ان تنقص هذة النسبة, و على ما اذكر وصلت ل 16 تقريبا اول ما ركبت الفلتر في مدينة نصر و هو جديد
من المعلوم ان نسبة الاملاح العالية في المياة هي ما يسبب ترسيبات ملحية تؤدي لتكون الحصوات على الكلى
و ايضا من المعلوم ان اخر شمعه في الفلتر بعد التانك تضيف للمياة نسبة الاملاح المعدنية المطلوبة للجسم ليس أكثر
سأكتفى بهذا و لا تعليق
أنا عندي الفلتر الإنجليزي، شمعة سيراميك بداخلها كربون، الشمعة بحوالي ٧٠ أو ٨٠ جنيه وفي منها صيني ٣٥ جنيه (لاأنصح بيها) بيتنظف بفرشاة كل أسبوعين وتتغير الشمعة كل ٦ شهور أو أقل حسب الظروف (أول مرة قعدت عندي ٣ سنين ههه). وممكن كل شهرين ثلاثة أجيب كرتونة أزايز نستلة، بس مش بإنتظام، حاجة كده زي منظف دورة البنزين هههه.
بالنسبة لتركيب الفلتر، فيه حاجة إسمها "نطرة خلاط"، ودي عباره عن قطعتية زي إمتداد لوصلتين الخلاط بيركبو بين الخلاط والحيطة (لازم يكون خلاط حائطي). السباك بيفك الخلاط ويركبهم وبعدين يركب الخلاط فيهم. والناحية اليمين (البارد) بيكون فيها محبس زاوية عشان الفلتر أو غسالة أطباق صغيرة مثلا (زي فريش كده). بس خد بالك عشان بتنطر الخلاط حوالي ٤ سم لبره، فإتأكد إن عمق الحوض عندك يسمح.
نسبة الأملاح الصحية في المياه من 200 الى 300 وبالتالي مياه الفلتر هي الغير صحية
Does Tap Water Have More Minerals Than Filtered Water? | LIVESTRONG.COM