الموضوع: بتشرب مياه من الحنفيه ؟؟!!

العغو ان شاء الله تلاقيه بسعر معقول

المشاركة الأصلية كتبت بواسطة ahmed a rahman

حضرتك لو عايز خلاصة الكلام ويكون كلام دكاتره

وتاخدها من واحد في دبلومة مكافحة العدوى ومسئول عن تأمين المنشآت الصحية وما بها من مرضى مناعتهم في الارض

تعالى نحط كذا قاعدة عشان نتكلم عليها
1. لا يوجد شيء اسمه تعقيم للمياه : كلمة تعقيم معناها القضاء على كافة اشكال الحياة الميكروبية بما فيها حويصلات البكتيريا وهذا مستحيل

2. ابنك الصغير لو شرب ميا معقمة (جدلا) في بقه الميا باظت تعقيمها (يعني فم ابنك هو اللي بوظ تعقيم الميا لان بق اي بني ادم فيه ملايين البكتيريات)

3. المياه المعدنية كارثة من كوارث الزمن
- مياه راكدة غير جارية : ومن ايام المقريزي عارفين ان الماء الجاري اذا وقف اصبح ماء آسن (معفن يعني)

- مياه تحتوي على املاح اعلى من المسموح (الحد الآمن)

لسه النهارده في معهد التدريب التابع لوزارة الصحة كنا بنجري تجربة على ملوحة الميا , وجبنا ميا معدنية بيعبيها الجيش (اللي بيتقال عليها انضف ميا) وعملنا لها اختبار ملوحة عن طريق وضع كام نقطة من محلول معين ونشوف لون الميا حيتغير بعد اد ايه

الدكتور ادامنا قعد يحط نقطة نقطة لحاد ما حاط الازازة كلها وقال لنا معلش يا دكاتره واضح ان الميا دي مفيش حاجه تغلبها

حضرتك متخيل يعني ايه
كمية من الاملاح المعدنة تعمل حمل على اي كلية بني آدم

4. في فرق بين كلمتين potable & palatable
الاولى معناها ان الميا طعمها حلو يعني طعم الميا اللي احنا متعودين عليه (اللي هو المفروض تكون بلا طعم)

الثانية معناها مياه صالحة للشرب بغض النظر عن طعمها

العلاقة اللي بينهم : لا توجد علاقة
يعني ممكن ميا تكون طعمها مقبول وحلو عشان نسبة الحمضيات مثلا تساوي نسبة القلويات انما هما الاثنين نسبتهم عاليا والميا دي كده تبقى مضرة وغير صالحة للشرب


5. الطرق التي تستخدم (لمعالجة المياه) مش تعقيمها
* الكلور : افضل طريقة للقضاء على الميكروبات في المياه يعني من الآخر الميا جايه اصلا من المواسير بالكلور بتاعها ......

* الفلتره : ودي طريقة جيدة مع مراعاة الفلاتر الجيدة
من احسن الفلاتر اللي في مصر الفلتر الكربوني باناسونيك سيبك من الفلاتر بتاعة الخيط والشمعة البيضا

* استخدام التأين والاوزون (الموضة اللي طالعين لنا فيها) العيب الكبير لها لا توجد مفعول ممتد بمعنى لو مليت ازازة ميا من الفلتر وحطيتها في التلاجة بعد نص ساعة الميا بقت ملوثة ثاني

* استخدام الاشعة فوق البنفسجية (ثاني موضة) نفس العيب الكبير
+ عيب ثاني ان الاشعة دي كتر استخدامها مسرطن
+ عيب ثالث البكتيريا ممكن يتعمل لها reactivation

6. خلاصة الكلام

اشتري فلتر باناسونيك كربوني ب 300 جنيه
تغيره كل 3 شهور
انا بغير فلاتر الميا كل اول 3 شهور : اول يناير, ابريل, يوليو, أكتوبر
ازارة الميا تبقى قاعدة في التلاجة مش اكتر من 24 ساعة بلاش حكاية المصريين ان الازازة اللي عليها الدور او الاسقع هي التي تشتغل النبطشية دي والثانية تستنى
ازازة الميا متقعدش برا التلاجة اكتر من ساعتين تلاتة وبعد كده تترمي

وعيش حياتك

سلام

+1111111111111

بالتجربة العملية, اخو مراتي عندة فلتر باناسونيك و انا عندي فلتر 6 مراحل ريفرس اسموزيس, و الاتنين في نفس البيت في التجمع, من شهر جبت الفني اغير شمعه الميمبرين علشان فات عليها اكتر من 4 سنين, و شمعه كاربون بلوك, الفني معاه قلم ديجيتال بيتحط فية عينة مياة و بيقولك نسبة الاملاح فيها كام على شاشة ديجيتال انا قلت لة بعد اذنك و بعت جبت كوباية مياة من فلتر اخو مراتي و قستها بنفسي و قمت بقياس مياة الفلتر عندي قبل تغيير الممبرين و مرة اخري فور تغييرة ايضا بنفسي (علشان اشيل اي شك ان الفني بيعمل اي حركات في المقياس فرضاً او جدلاً)

و اليكم النتايج (و التلات عينات مياة من نفس البيت نفس الدور نفس المنطقة

مياة الحنفية نسبة الاملاح 236
مياة الفلتر الباناسونيك 236
مياة الفلتر ال6مراحل قبل تغيير الممبرين المستهلك 168
مياة الفلتر ال6 مراحل بعد تغيير الممبرين باخر جديد 27

و بعد عمل فلاش للتانك (لانة مخزن شوية مياة فيها املاح من قبل تغيير الممبرين التالف) و تشغيل الممبرين الجديد مفروض ان تنقص هذة النسبة, و على ما اذكر وصلت ل 16 تقريبا اول ما ركبت الفلتر في مدينة نصر و هو جديد

من المعلوم ان نسبة الاملاح العالية في المياة هي ما يسبب ترسيبات ملحية تؤدي لتكون الحصوات على الكلى
و ايضا من المعلوم ان اخر شمعه في الفلتر بعد التانك تضيف للمياة نسبة الاملاح المعدنية المطلوبة للجسم ليس أكثر

سأكتفى بهذا و لا تعليق

أنا عندي الفلتر الإنجليزي، شمعة سيراميك بداخلها كربون، الشمعة بحوالي ٧٠ أو ٨٠ جنيه وفي منها صيني ٣٥ جنيه (لاأنصح بيها) بيتنظف بفرشاة كل أسبوعين وتتغير الشمعة كل ٦ شهور أو أقل حسب الظروف (أول مرة قعدت عندي ٣ سنين ههه). وممكن كل شهرين ثلاثة أجيب كرتونة أزايز نستلة، بس مش بإنتظام، حاجة كده زي منظف دورة البنزين هههه.

المشاركة الأصلية كتبت بواسطة mazagngi2010

شاريه من سنه ونص من كارفور وكان عليه شمعات تكفى 6 شهور تقريبا وشغال زى الفل وسهل جدا فى تنضيفه ولما بغير شمعاته بتبقى زى الزفت وانا شايف انه احسن من ابو 7 مراحل والكلام الفارغ بتاع ال nro والتناضح العكسي والنصب ده لان اللى انا جايبه 3 شمعات منهم 2 كربونى يعنى مفيش لعب فى نسبه الاملاح ولا مكونات الميه ولا الكلام ده
وكمان رخيص كان ب 250 تقريبا او 180 مش فاكر
وانا صورته لك
الشمعه الاولى كل 3 شهور وبتطلع منيله وساعات بغيرها كل شهرين وقطر المسام بتاعها 5 ميكرون للرمل والوساخه اللى فى الميه والحشرات


التانيه كل 6 شهور


التالته 6 شهور برضه ولما تهزها بتشخشخ فيها حاجات ن جوه تقريبا زلط بيمتص الكلام ده


ده وهو راكب والشمعه الاولانيه باين انها سودا مكملتش شهر ونص .مخلينها شفافه علشان يقولك شوف كنتوا بتشربوا ايه من غيرنا


اغبى حته فى الفلتر تركيبه فى زور الحنفيه ويفضل يكون له محبس لوحده


ودى كرتونته ياسيدى

بالنسبة لتركيب الفلتر، فيه حاجة إسمها "نطرة خلاط"، ودي عباره عن قطعتية زي إمتداد لوصلتين الخلاط بيركبو بين الخلاط والحيطة (لازم يكون خلاط حائطي). السباك بيفك الخلاط ويركبهم وبعدين يركب الخلاط فيهم. والناحية اليمين (البارد) بيكون فيها محبس زاوية عشان الفلتر أو غسالة أطباق صغيرة مثلا (زي فريش كده). بس خد بالك عشان بتنطر الخلاط حوالي ٤ سم لبره، فإتأكد إن عمق الحوض عندك يسمح.

المشاركة الأصلية كتبت بواسطة ahmed a rahman

حضرتك لو عايز خلاصة الكلام ويكون كلام دكاتره

وتاخدها من واحد في دبلومة مكافحة العدوى ومسئول عن تأمين المنشآت الصحية وما بها من مرضى مناعتهم في الارض

تعالى نحط كذا قاعدة عشان نتكلم عليها
1. لا يوجد شيء اسمه تعقيم للمياه : كلمة تعقيم معناها القضاء على كافة اشكال الحياة الميكروبية بما فيها حويصلات البكتيريا وهذا مستحيل

2. ابنك الصغير لو شرب ميا معقمة (جدلا) في بقه الميا باظت تعقيمها (يعني فم ابنك هو اللي بوظ تعقيم الميا لان بق اي بني ادم فيه ملايين البكتيريات)

3. المياه المعدنية كارثة من كوارث الزمن
- مياه راكدة غير جارية : ومن ايام المقريزي عارفين ان الماء الجاري اذا وقف اصبح ماء آسن (معفن يعني)

- مياه تحتوي على املاح اعلى من المسموح (الحد الآمن)

لسه النهارده في معهد التدريب التابع لوزارة الصحة كنا بنجري تجربة على ملوحة الميا , وجبنا ميا معدنية بيعبيها الجيش (اللي بيتقال عليها انضف ميا) وعملنا لها اختبار ملوحة عن طريق وضع كام نقطة من محلول معين ونشوف لون الميا حيتغير بعد اد ايه

الدكتور ادامنا قعد يحط نقطة نقطة لحاد ما حاط الازازة كلها وقال لنا معلش يا دكاتره واضح ان الميا دي مفيش حاجه تغلبها

حضرتك متخيل يعني ايه
كمية من الاملاح المعدنة تعمل حمل على اي كلية بني آدم

4. في فرق بين كلمتين potable & palatable
الاولى معناها ان الميا طعمها حلو يعني طعم الميا اللي احنا متعودين عليه (اللي هو المفروض تكون بلا طعم)

الثانية معناها مياه صالحة للشرب بغض النظر عن طعمها

العلاقة اللي بينهم : لا توجد علاقة
يعني ممكن ميا تكون طعمها مقبول وحلو عشان نسبة الحمضيات مثلا تساوي نسبة القلويات انما هما الاثنين نسبتهم عاليا والميا دي كده تبقى مضرة وغير صالحة للشرب


5. الطرق التي تستخدم (لمعالجة المياه) مش تعقيمها
* الكلور : افضل طريقة للقضاء على الميكروبات في المياه يعني من الآخر الميا جايه اصلا من المواسير بالكلور بتاعها ......

* الفلتره : ودي طريقة جيدة مع مراعاة الفلاتر الجيدة
من احسن الفلاتر اللي في مصر الفلتر الكربوني باناسونيك سيبك من الفلاتر بتاعة الخيط والشمعة البيضا

* استخدام التأين والاوزون (الموضة اللي طالعين لنا فيها) العيب الكبير لها لا توجد مفعول ممتد بمعنى لو مليت ازازة ميا من الفلتر وحطيتها في التلاجة بعد نص ساعة الميا بقت ملوثة ثاني

* استخدام الاشعة فوق البنفسجية (ثاني موضة) نفس العيب الكبير
+ عيب ثاني ان الاشعة دي كتر استخدامها مسرطن
+ عيب ثالث البكتيريا ممكن يتعمل لها reactivation

6. خلاصة الكلام

اشتري فلتر باناسونيك كربوني ب 300 جنيه
تغيره كل 3 شهور
انا بغير فلاتر الميا كل اول 3 شهور : اول يناير, ابريل, يوليو, أكتوبر
ازارة الميا تبقى قاعدة في التلاجة مش اكتر من 24 ساعة بلاش حكاية المصريين ان الازازة اللي عليها الدور او الاسقع هي التي تشتغل النبطشية دي والثانية تستنى
ازازة الميا متقعدش برا التلاجة اكتر من ساعتين تلاتة وبعد كده تترمي

وعيش حياتك

سلام

راى حضرتك فى جهاز اكوا مصر بيقوم بغلى المياه وتكثيفها