الموضوع: رابع مره اشحن التكييف ويبوظ بعد اقل من شهر

المشاركة الأصلية كتبت بواسطة shaddadfalcon1

كل مره اشحن التكييف الفقري بتاع العربيه اللانوس 1 بتاعتي يفضل شغال اسبوعين تلاته وبعدين يفصل وابقي سامع صوت تنفيس من جوه ومفيش اي هواء ساقع اخر مره كان من حوالي 3 اسابيع وكان شغال فله والراجل ملقاش حاجه بتنافس خالص وقاللي انه هيشحنه بس مش مسئول لو باظ عشان مفيش حاجه بتنافس خالص انا قلت ماشي او حتي اعدي بيه الصيف فضل شغال كويس لمدة اسبوعين لحد ماقلت كده خلاص مش هيبوظ تاني المهم مشغلتهوش الأسبوع اللي فات خالص وبعدين جيب يوم الخميس بشغله لقيت العربيه سحبها حلو ومفيش اي تاثير وفي صوت تنفيس كالعاده ومفيش هواء ساقع انا بجد احترت المهندس بيقولي عشان اعرف العيب لازوم احل كل حاجه خاصه بالتكييف واحطها في مياه عشان اعرف العيب منين مش طالبه معايا كل شهر 150 جنيه عشان اشحن التكييف افيدوني انا مش عايز اعدي الصيف من غير تكييف

انا هاقول لحضرتك على التجربة المريرة الى طلع عين اهلى فيها فى عربية صاحبى لانوس 1 97
كانت بتعمل زى عربيتك بالظبط
تشحن شوية ويبقى زى الفل وبعد فترة شهر ولا حاجة هوب تلاقية فى الطراوة ولا الهوا ولا ريحة تكييف خالص
طب الحل اية
قعد حوالى سنة مشغلوش خالص
وبعد اول كشف على الدايرة لاقيناها منفسة من كل حتة وحتى الكمبروسر بينفس من الجوانات
حلينا الكمبروسر وغيرنالة جوانات ب60 جنية كلة بالمصنعية
وشحنا مرة بعد تغيير الابرة وحاجة تانية كدة بيقولو عليها العدسة برضة كانت بتنفس
والحساب 130 جنية تمام يا حاج .........تمام كام درجة الحرارة الى خارجة من الهوايات بعد قياسها وصلت تحت الصفر طيب حلو قوى تمام
تانى يوم التكييف ضعف تانى طب وبعدين الراجل قالى هية التلاجة اكيد فيها تسريب
طب ودى تتخلع ازاى قالى ماعرفش
رحت جايب العدة وهاتك يا حل فى التابلو لحد ما طلعنا التلاجة وحطيناها فى المية وضغطناها هوا لاقيناها بتسرب
طب الحل اية قالك هاتترمى وتجيب جديد او مستعمل
طب بكام يا عم الحاج
الجديدة ب600 والمستعمل ب 250
كاااااااااااااااااااام يالهوى 600
وشوية كدة لاقيناها بتنفس من عند الجوانات بتاعت الاكسبنشن فالف طب حلو قوى غير يا عم الحاج الجوانات دى وجرب اضغط تانى وحط فى المية طلع مافيش تسريب
الحمد لله
طبعا بقى ركبنا التلاجة تانى بعد ما الصبى بتاع التكييف اتغبى عليها وعوج المواسير شوية للداخل علشان يركب التلاجة تانى وبقى فية فراغ فى الخارج مكان المواسير ما هية داخلة للتلاجة وطبعا الفتى بتاع المصريين بيقولك ابقى حط فيها صلصال علشان تسد الفراغ دة علشان كفاءة التلاجة
المهم
كلة تمام وجربنا التكييف مشوارين ورا بعض فى عز الولعة وكلة تمام ولما بتفتح البوابة الى بتجيب هواء من خارج العربية بتلاقى بخار مية داخل من الهوايات ودة دليل على فرق الحرارة برة وجوة العربية

اخر شحنة دى بقى هوة دفع نص تمنها بس لان الراجل بتاع التكييف قالى اشحن باذن الله مش هايبقى فى تشريب جوة فى التلاجة قلتلة لو طلع فية وشحنت تانى مش هاحسبك على الشحن كلة علشان نبقى على نور من الاول

وبالفعل دفعنا نص تمن شحنة كمان 50 جنية
فواضح كدة ان عند حضرتك تسريب فى التلاجة لانك بتقول ان مفيش تسريبات فى الدايرة خالص
هية بس مشكلة التلاجة ان التابلو بتاع اللانوس رزل والمكان ضيق جدا جدا
احنا رحنا عند مركز الزرانى الى فى اسكندرية تقريبا فى سيدى بشر هوة مشهور بيعمل كل حاجة فى الدايو من اول الكشف بالكمبيوتر وخلافة ولما حكيتلة الاول قالى هاتجيبلى العربية من بدرى علشان لو كدة هانحل التابلو

انا بس حبيت اقول لحضرتك على التجربة دى علشان متدفعش فلوس على الفاضى انت محتاج تكشف على التلاجة والدايرة كلها من جديد
انا بس عملت عملة فى نفسى وفكيت التابلو بنفسى وطلع عنيا علشان ارجعة تانى وقعدت يوم احل فية ويوم اركبة

ومعلش طولت عليك فى الرد بس انا حبيت احكيلك على الى حصل بالظبط علشان فعلا كل شوية تروح تشحن هاتدفع فلوس وتمشى وهانفضل كل شهر على الحال دة مش هانخلص
فاحسن حل يبقى الحل جذرى ومن الاخر وتحط ايدك على العيب والسبب فى ضعف التكييف كدة

العنوان عند ميدان محمد نجيب هاتسال هناك على مركز خدمة اسمة الزرانى انا مش فاكر حاجة تانية جانبة بصراحة هوة الى وصفهولنا كان قايلنا عند ميدان محمد نجيب وهناك سالنا وهوة على الشارع العمومى مايتوهش

السلام عليكم
انا عندي نفس المشكلة في تكييف اللانوس 1
ممكن تقوللي الزراني اخد كام عشان انا جربتة كذا مرة و كل مرة بيلسعني في الفلوس

المشاركة الأصلية كتبت بواسطة osamalover

السلام عليكم
انا عندي نفس المشكلة في تكييف اللانوس 1
ممكن تقوللي الزراني اخد كام عشان انا جربتة كذا مرة و كل مرة بيلسعني في الفلوس

هوة الشغل الى عملناة دة مش عند الزرانى دة عند واحد تانى مش فى اسكندرية

بس الى شفتة من منظر الزرانى دة انة متخصص دايو

لان عندة عربيات كتير قوى دايو كانت بتعمل شغل فى التكييف

بس لو الشغل الى كنا عملنا دة فى العربية عند الزرانى كان زمانا دفعنا مبلغ وقدرة

المشاركة الأصلية كتبت بواسطة newhansol

هوة الشغل الى عملناة دة مش عند الزرانى دة عند واحد تانى مش فى اسكندرية

بس الى شفتة من منظر الزرانى دة انة متخصص دايو

لان عندة عربيات كتير قوى دايو كانت بتعمل شغل فى التكييف

بس لو الشغل الى كنا عملنا دة فى العربية عند الزرانى كان زمانا دفعنا مبلغ وقدرة

منا بقول عشان كدا اصلي مجربة في كذا حاجة

طيب ياريت لو حد يعرف مكان حد بتاع تكييف كويس في اسكندرية