حد يساعدني مش عارف اعمل ايه

**bontee77** · 24-04-2007 06:15 PM

السلام عليكم اولا والف الف مبروك على المنتدى الجامد اوي ده كنت عاوز استشير الاخوه الافاضل انا عندي مشكله
اولا انا مبهور بالاسبرانزا وبجد قاب قوسين او ادني من اني اشتريها
بس المشكله اني ساكن في منطقه شعبيه شويه والناس هنا مش عارفين يعني ايه اسبرانزا
ولو شافوها حيتخيلوها نوع جديد من انواع المرسيدس
المشكله بقى اني انا لسه جايب لادا زيرو من سنه وعقبال ما اخدت العين دخلتلها في حوالي الفين جنيه سمكره ودوكو وهي موديل 2006
مش عارف اعمل ايه اجيبها وامري لله ولا اصبر شويه لما اللادا بتاعتي تقدم شويه وتبقى موديل قديم
افيدوني افادكم الله :?: :?:

**aamerbebo** · 24-04-2007 06:32 PM

اولا بجد انا نفسي اعرف انت ساكن فين؟؟؟؟
ثانيا لو انت في حاجة للعربية ولا يهمك حاجة وهاتها وشغل فيها قرآن كتير علشان ربنا يحفظهالك بس المشكلة متسبهاش عرضة للي رايح واللي جي لأنها فعلا ممكن تتحول الى كشك سجاير لو افتكروها مرسيدس وكل واحد طبعا هيبقى لية الشرف انه يعلم على عربية مرسيدس.
يعني من الاخر لو في مكان امن للجراج فية توكل على الله وعليك بالقرآن
شكرا
م/آمر يحيى

24-04-2007 06:35 PM

طالما مقتنع بيها توكل على الله --وبعدين يا سيدى طالما عندك احساس انها فى قيمة المرسيدس ما تترددش--وهناك فارق كبير بينها وبين اللادا --

**خالدابوالنجا** · 26-04-2007 10:44 AM

يا اخى لاتلقى بالا لهذه الامور فما اصابك من شىء فهو من الله لذلك يا اخى توكل على الله ولو فكرنا بهذه الطريقه وهى الخوف من الحسد والعين فلن يشترى احد اى شىء جديد ولن يتقدم احد فى حياته او يطورها للاحسن وليكن شعارك يا اخى (كايده العزال انا من يومى ههههههههههههههههه ) وتقول للحاسد ريح نفسك تحسد متحسد برده هجيب عشان ربنا فتحها عليه . توكل على الله يا راجل بلاش كلام فارغ .
تحياتى لحضرتك
خالد ابو النجا

**Dr Ahmed** · 26-04-2007 11:22 AM

أرجوك با أخى راجع نفسك النافع والضار هو الله ولن يضرك أحد الا بإذن الله ولن ينفعك أحد الا بإذن الله ورغم وجود الحسد فلن يضرك طالما استعنت بالله وداومت على قراءة المعوذات منه والتوكل على الخالق واياك من التصرفات امثال تلطيخ العربة بالدم ومثل ذلك....

وفى رأيى طالما ستظل فى نفس المنطقة احتفظ بنفس السيارة وعندما تنتقل لمنطقة أخرى غيّر السيارة ، وسيارتك لسه بخيرها وسعرها مضمون مش زى الوز والبط اللى زغللوا عينيك..

**جندى مجند** · 26-04-2007 01:06 PM

:lol:

فكرتنى بمجموعة أبيات شعرية كان يكثر الشيخ الدكتور ربيع الغفير امام مسجد المواساة باسكندرية حفظه الله ترديدها فى خطبه:

ألا كل من بات بي حاسدا ~~~~ أتدري على من اسأت الادب
أسأت على الله في صنعه ~~~~ بأنك لم ترضى لي ما وهب
فجزاك ربـــــي بأن زادني ~~~~ وسد في وجهك باب الطلب

**aamerbebo** · 26-04-2007 05:09 PM

اه... واضح ان الدكتور احمد داخل يضرب ويجري....

وسيارتك لسه بخيرها وسعرها مضمون مش زى الوز والبط اللى زغللوا عينيك..

**Dr Ahmed** · 26-04-2007 05:39 PM

المشاركة الأصلية كتبت بواسطة aamerbebo

اه... واضح ان الدكتور احمد داخل يضرب ويجري....

وسيارتك لسه بخيرها وسعرها مضمون مش زى الوز والبط اللى زغللوا عينيك..

هو أنا قلت حاجة ياباشمهندس آمر
أنا بتكلم عن البط والوز .. أسعارهم النهارده مش زى بكره..

بصراحة أنا شايف ان العربيات اساسا وسيلة مش غاية..
بمعنى: عندى عربية ماشية كويس ومكفية متطلباتى --> انتهى الأمر
أشترى أو أغير فى حالة من تلاتة:
1- محتاج عربية أوسع
2- عربتى قدمت قوى
3- معايا فلوس محيرانى

وللا ايه؟