انت لو الصوت مش عاجبك يبقي انت محتاج توزيع الصوت ...
عرض للطباعة
انت لو الصوت مش عاجبك يبقي انت محتاج توزيع الصوت ...
أكيد طبعا الصوت هيتحسن كفاية انك هتريح السماعات لان السماعات مش مصصمة تطلع بيز فكده هتوطى البيز من الكاسيت على 0 او -1 يبقى وظفت الصب للبيز فقط وكمان هتلاقى صوت المغنى بقى مجسم اكتر وهتسمع الترددات زى صوت الجيتار وكفاية ال low bass :shine[1]:
و اى صب هيحققلك اللى انا بقوله
انا بحاول ققرا ال 108 صفحة بس شبة مستحيل فأسف لو سؤالى متكرر
دلوقتى انا مليش خبرة فى الموضوع ده خالص بفكر اركب سوند فى العربية
فى نوع سماعات بيونير 400 وفيه قدامى كين وود 500 ومش عارف الاقى حاجة دوبل بيز
إيه احسن نوع اركبه ويبقى كويس قوى وممكن ازود عليهم إيه بعد كدة واركب جى ام ليهم كام ؟؟؟
اى نوع هتركبة ينفع تزود بعد كده والاتنين لازم جى ام عشان تتمزج من الصوت بصراحة
لو الميزانية تسمح عندك البيونير 6050ub او 6150
بالنسبة للجى ام للسماعات فقط كينوود 4 تشانل بداية من 500 وات الى 720 وات تقريبا يشغل 4 سماعات وصب
او بيونير الاتنين ماركات محترمة
.
الكاسيت سعرة كام ؟؟؟
معلش سؤال كمان عشان نفسى افهمة
دلوقتى لو قلنا انى اشتريت سماعه 350 وات مثلا
عشان استفيد بقدرت السماعتين كاملة اجيبلهم جى ام 700 وات ولا بتتحسب إزاى ؟؟؟
والجى ام ال 4 تشانل بيدى الوات بتاعة على كل تشانل لوحدة ولا كلهم مع بعض بيتقسمه
لا بتعرفها من ال rms بتاعه كل تشانل وبتبقى مكتوبة على علبة الجى ام 60*4 او 70*4 وكده يعنى
انما مبتتحسبش بالوات اللى على الجهاز - بس نسبيا لو سماعتين 400 وات ممكن يشغلهم جى ام 350 وات 2 تشانل عادى ولو 400 يبقى أفضل
وللعلم السماعه الواحده بتبقى 80 او 90 rms ولو لقيت جى ام بيطلع 75% من الباور ده للتشانل الواحد ( 60) يبقى تمام
بالنسبة للسعر تابع الموضوع بتاع اسعار الصوتيات لانى مش فاكر بصراحه
السلام عليكم يا أستاذ أحمد .. كان ليا إستفسار عند حضرتك ومشكلة محيراني جدا وهي :
انا عندي سيارة 128 ومركب كاسيت صيني و2 سماعات كينوود 500 وات اندونيسي وأكولايزر . انا عارف طبعا ان العدة ناقصها كتير بس المشكلة ان لما أجي أعلي شوية الصوت يبوظ خالص ويلغوش على الأخر لما سألت بعض الناس قالولي العيب مش في السماعت ولا الكاسيت دة عيب في سلوك البوجيهات هي اللي بتبوظ الصوت فهل دة صح .
وهل الكاسيت من عيوبة الغلوشة وللا ضعف الصوت فقط .
وبماذا تنصحني أخيرا وشكرا لك