لو عندك كاست وسماعات كويسيين ممكن تقدر بـ1000 تجيب صاب وامبلفاير بس نصيحة كمل فلوسك الاول علشان تكون عده 100 100
عرض للطباعة
لو عندك كاست وسماعات كويسيين ممكن تقدر بـ1000 تجيب صاب وامبلفاير بس نصيحة كمل فلوسك الاول علشان تكون عده 100 100
السلام عليكم
شكرا يا باشا على ردودك للجميع و بداية آسف لإزعاجك
يا ريس أنا معايا تويوتا كرولا 1997 بصراحة أنا شيلت الكاسيت بتاعها و مركب لها كاسيت + سي دي بتاع عربية ميتسوبيشي باجيرو 2007
و زودت فيها أربع سماعات بيونيير في الخلف بالإضافة إلى سماعتين بيونيير صغيرين في الأبواب
الصوت بصراحة كويس بس مش نقي زي ما كنت متخيل
المهم الوقتي أنا عايز أشتري ( صب وفر ) + جي إم
يا ريت أعرف نصيحتك أي أنواع أشتريها و كم عدد الوات و كل الحركات دي و هل تنصحني أجيب معاهم شئ تاني و لا لأ
و الميزانية مفتوحة يا مان
شكرا لك مقدما
حبيبى اولا انا شايف ان 6 سماعات كتير على الكاسيت المفروض يكون فيه جى للـ4 سماعات الخلفيه على الاقل علشان كده الصوت مش نقى ولو عليت الصوت اكيد هتلاقيه مشوش وصوته مش حلو اولا ركب جى ام للسماعات الخلفية لو ماعجبكش الصوت تقدر بعد كده تجيب صاب بقى
بالنسبه لصاب فيه حاجات كتير ممكن تجيبها انا عن نفسى مركب باوزوكا 1000 لانى بحب الديب بيز
سعادة الباشا ....ألف شر على الموضوع الجميل دا .....
بص بقى يا سيدى ...انا جبت عربية شاهين الحمد لله وفيها السماعات الاصليه ...
انا بقى مش عايز فرح فى العربية ولا حتى صوت عالى لن انا عايز صوت جميييييييييييل وواضح مش مهم واطى ولا عالى .........طبعا الميزانيه على القد ...أنا معايا موبيل سونى اريكسون w700 صوته تحفة وليه وصله تركب فى الشريط ال mp3 أبوسلك دا .....وكمان ليه خرجى كابل أخره جاكين دكر (أبيض واحمر) audio .... عايز كاسيت نضيف بس مش غالى وياريت سماعتين حلوين ....بس لو بالاسعار والمكان يبقى تمام أوى ........انا عارف ان دا تحدى صعب بس انت قدها وقدود ........
يابا شا معلشي انا لسه مش بفهم جامد في مجال الصوتيات انا بشوف عربيات بتعدي من جنبي بحث ان الصب عالي جدا لدرجة انه ممكن يفجرني والصوت تسمعه من على بعد كبير ممكن تكون تكون العربيه على كبير وانت متعرفش تكلم الي جنبك من الصوت العالي غير الصب المفتري الي بيهز درف القزاز فلو حبيت اجيب نظام متفجر زي كده من صب وصوت لعربيه فيرنا يكلفني كام ؟ ويعني ايه بازوكه؟
انا عندى عربية اسبرانزا a516 فيها 4 سماعات ضعاف اووووى 50 وات 2 منهم فى البابين الامامين واتنين فى رف الشنطة عاوز اغيرهم الاربعة
1عاوز اعرف اجيب نوع سماعات ايه وكام وات وسعرهم كاااام
2هينفع يتركبوا فى الباب الامامى ولا لا
صباح الفل...
انا جديد فى المنتدى وعندى عربيه لانسر 2008 الشكل القديم .. وكنت عايز اركب ساوند ومش عارف اركب ايه :) [صباح الفل يعنى:)]..وروحت لواحد ورانى كتالوجات وحوارات كلها على بايونير فيها حوارات usb وبلوتوثزززوسماعات وسابات ... المهم
عايز اركب كاسيت cd وسماعات وساب ووفر ...
السؤال ؟.. :)
عايز اركب كاسيت وسماعات وجى ام وزيرو باور و ساب ووفر بس تكون انواع نضيفه وماشيه مع بعضها....
علما بأن الميزانيه من 7 : 9 الاف جنيه ....ومبسمعش عربى :)
اعمل ايه :confused:
وشكرا على المساعده
محتاج اجيب كاسيت وينفع اركب فلاش عليه او اسطوانات او اى حاجة تشغل ام بى ثرى يعنى وسماعتين يركبوا ورا لانى جبت العربية من غير كاسيت والسماعتين اللى ورا محروقين مدمرين يعنى ,,,, وانا مش باسمع اغانى الحمد لله ,,, يعنى محتاجهم عشان الراديو والقرءان و ممكن اناشيد وبس
فتنصحونى بايه يا جماعه ولكم جزيل الشكر
بص انا من الاسكندرية وكنت محتار زيك بس روحت لتوكيل كلاريون هما الى ظبطولى كل حاجه ركبت كاسيت ال جى كولايزر جرافيك وجى ام كينوود 350 وبازوكا 1000 وجارى تركيب سماعات بايونير وزيرو باور وانت تقدر تحدد ل ده حسب احتياجك لشنطة العربيه يعنى انا علشان بحتاج شنطة العربية جيبت بازوكا علشان ماتخدش مكان فى الشنطة وفى نفس الوقت بتدى الديب بيز الى هو يتناسب مع اغانى الراب لاكن لو كنت جيبت صاب صوته هايكون اعلى فى البيز بس البيز بتاعه مش لذيذ وبياخد مكان كبير فى الشنطة