الواحد مبقاش طايق نفسه اصلا
ان بحس ان الحكومة الداخلية بينطبق عليهم لا بيرحموا و لا بيسيبوا رحمة ربنا تنزل
عرض للطباعة
الشرطة بكل أجهزتها و أفرادها أيا كانت رتبهم لو ركزت معاهم هتلاقي كل تصرفاتهم عدوانية عشوائية متعالية ضد أي فرد أو هيئة أيا كان انتمائتها
مادام انت مش فرد شرطة يبقى انت عدو مصر
ده فكر الشرطة
و اللي مالوش خير في حاتم مالوش خير في مصر
هى الناس مبسوطة ليه كانهم بيتفرجوا على ماتش مصارعة؟؟؟؟
الواحد المفروض يحزن ويخاف اكتر واكتر لان ده معناه ان البلد لا بقى فيها قانون ولا نظام ولا سلطة
واذا كنت قاعد قدام اللاب توب فى بيت مكيف وبتتفرج على التلفزيون متعرفش ايه اللى ممكن يحصلك بكرة لو استمر الحال بالشكل ده
قومي يا مصر بقى
ههههههههههههههههههههههههه هههههههههههههه
واله العظيم انت راجل طيب يا اكتو
يا اما عمرك ما شفت مظاهرة مش مشيت في مظاهرة
يا راجل مظاهرة ايه بس الله يهديك
دي اي مظاهرة لاي سبب لو المتظاهين 20 تلاقي عليهم الفين امن مركزي وهاتك يا ضرب لغاية ما يبان لهم اصحاب
وبعدين فرق كبير بين البياعين واللى قتلوا خالد واللبنانيين والاسرائيليين
البياعين بيحافظوا على لقمة عيشهم مع اختلافي ورفضي لاخلاقياتهم لكن في الوقت نفسه لو بطلوا يبيعوا تانى يوم هيسبتوك ويسرقوك تفضل ايه يبيعوا ولا يسرقوك ويمكن يقتلوك كمان ؟؟؟؟؟؟؟؟
ماهو انت متقفلش كل السكك في وشهم وتقولهم يبقوا مواطنين شرفاء
اما اللى قتلوا خالد فكلاب السلطة التى توحشت وظنوا انهم الاسياد وهم عبيد في ايد السيادهم اللى هما نفسهم عبيد في ايد اسياد تانيين وهلم جرا
اما اللبنانيين فكانوا بينفذوا القصاص اللى شايفين انه مش هيتحقق وبردو مع رفضي التام للى عملوه
اما الاسرائيليين فمفيش اي تعليق عليهم لانى لو عملت فيهم منتديات مش هتكفيهم حقهم في لاخسة والحقارة
الله ينور عليك يا جسار
عمرو اديب بوق من ابواق السلطة بيقول المطلوب منه وفي الحدود المطلوبة منه زيه زي اي مخبر بيكتب تقرير زي ما الباشا الظابط عايز
اوع يا ابو حمزة تامل فيه خير ابدا هو شغلته يلهي لاناس وبس زيه زي بقية المذيعين الجهلة
يا سيدي قول يا باسط
مش فارقة
ماهو لو البلطجة مكانتش من البلطجية هاتبقي من الشرطة نفسها
وبعدين انت فاكر الشرطة بتحميك ولا هتفكر تحميك ولا ايه
يا راجل انا عملت حادثتين وطلبت النجدة اخدت بالك النجدة
اول مرة كانت الساعة 2 بالليل جت العربية الساعة 3 ونص
تاني مرة كانت الساعة 5 المغرب جه امين شرطة في تكتك الساعة 7 واربعين دقيقة يعني لو واحد بيتقتل يكون اتقتل واندفن كمان تقولي الشرطة تحميك
الحامي ربنا يا باشا
اقسم بالله يا مسلمة الكلام ده بتاعي من اكتر من 3 سنين ان ثورة الجياع قادمة من العشوائيات والشوارع المجهولة والمنسية وخصوصا في القاهرة والاسكندرية وهتدمر كل حاجة في طريقها والكارثة انها مش هتدمر الا ابناء الشريحة العليا من الطبقة الفقيرة اللى بيعتقدوا انهم طبقة متوسطة من صغار الموظفين والاكاديميين هما دول اللى هيضيعوا في الرجلين الكبار طياراتهم جاهزة والصغيرين هيكونوا بيكسروا طيب هيكسروا ايه مفيش غير ممتلكات الطبقة شبه المتوسطة
نصيحة بجد لو حصلت الثورة دي اللى يلحق يروح على اهله في الارياف هناك الخطر هايبقي اقل بكتير لان لسة فيه عيلة واقارب والقري بيبقي كل القرية قرايب ومناسبين بعض يعني الخطر اقل غير القاهرة والاسكندرية محدش يعرف حد ولا حد بيهمه حد ولا بيخاف على حد ولا بيحترم حد
يا خوفي تموت قبل ما تقوم
خايف عليها بجد فوق ما تتخيل
ربنا يستر على البلد
أكيد الهمجية مش هي الحل
بس الواحد بيفرح لما يكون في أي مقاومة للأحتلال المصري لمصر
مفيش حد مش مكبوت
يعني حضرتك زعلان اوي علشان الناس فضلت تطارد رجال الشرطة وعرضتهم لخسائر ماديه وهما لما يعملوا فينا كده بل واضعاف الي اتعمل فيهم مش مشكله وحلال الي بيحصل فينا وبيعملوا فينا على مدار الساعه , ان شاء الله دي هتبقى البدايه ولسه هيشوفوا مننا ايام مهببه وسوده ان شاء الله