استفسار عن استهلاك البنزين في الجين
انا معايا الجين 2 من 3 شهور و عامل بيها 7000 كيلو بصراحة العربية عجباني جدا و مفيش حاجة مضايق منها غير اني حاسس انها بتاكل بنزين هيه علي الطرق الشريعة حلوة يعني بتبقي 6 لتر في 100 كم لكن اول ما ادخل في زحمة الاستهلاك بيعلي جدا لحد 10 و 11 انا عارف ان الاستهلاك لازم يعلي بس انا حاسس ان كدة كتير قوي و بعدين ملاحظ ان عداد الكيلومترات اللي باقية للبنزين اما بملاء التنك بيكتب 430 او 450 يعني هو مينفعش العربية تمشي اكتر من كدة لان الرقم ده يعني 10 لتر في ال100 كم
ياريت حد يفيدني في الموضوع و يقولي استهلاك العربية عاملة معاه ايه علي فكرة عربيتي مانوال و شكرا للجميع