-
نظافة دورة البنزين
كنت عملت موضوع عن نتشة في العربية http://www.nilemotors.net ) ( /Nile/155861-a.html
والحمد لله الموبينة طلعت سليمة وغيرت البوجيهات ( Denso) النتشة خفت شوية قولت ابص على فلتر البنزين لقيتة زي الزفت رحت مغيرة العربية اتحسنت كتير بس لسة في خنقة ورجة خفيفة على السلانسية ولما اجي ازود بنزين مرة واحدة وخصوصا مع التكييف
الميكانيكي قالي ان دورة البنزين اتوسخت وممكن يكون الرشاشات فيها شوائب وممكن تروح مع الوقت او مع مشوار محترم في طريق مفتوح
انا محتار احط منظف رشاشات ولا اروح التوكيل ولا اسمع كلام الميكانيكي في حكاية المشوار
العربية لانوس 2004 وبحط بنزين 92 على طول
ومعلش لو ححط منظف رشاشات اية احسن حاجة وبكام
اسف للأطالة
-
فيه الstp بتاع موبيل بحوالي 18 جنيه
حطه وفول العربيه و اطلع مشوار محترم
-
انا من رايي ان حضرتك تتطلع مشوار محترم ولو عاوز تحط منظف رشاشات مفيش مشكلة....
العربية فعلا بتتكتم في مشاوير وسط البلد لفترات كبيرة....
وانا لما اطلع بيها سفرية ولا حاجة بتكون فايقة ومتزبطة جدا....
-
اى الانواع افضل لنظافة دورة البنزين بس ولا لنظافة الرشاشات فقط
-
اسف على التأخير
بعد ما غيرت البوجيهات جبت اسبراي منظف ورشيته فبل البوابة بتاعة الهواء وخدت العربية وطلعت الساحل من الطريق الدولي ماشي تقريبا 120 كم / س بس برضه لسة في نتشة مع زيادة ملحوظة في استهلاك البنزين
تاني يوم رحت للتوكيل اللي في شارع كلية الطب الساعة 9.30 ص وقابلت م/ محمد جلال
الراجل استلم العربية بعد ما أخد البيانات وقلتله على اللي اتغير في العربية واستنيت شوية حوالي 1/4 ساعة لحد ما العربية دخلت و بعد الفحص والمحاولات لقيت م/ محمد بيقوللي للأسف العربية عايزة كويل " الموبينة " سألته تتكلف كام قاللي في حدود 600 جنية مع ضمان 6 أشهر
قولت على بركة الله وبعدين في خلال 1/4 ساعة قالي تمام وطلعنا جربنا لقيت كل حاجة زي الفل والحمد لله
التكلفة 630 جنية شامل الفحص والضربية وضمان 6 أشهر أو 5000كيلو
مع الشكر
-
طيب مبروك عليك وربنا يديك خيرها ويكفيك شرها وشر الطريق....
-
الف مبروك على الموبينة .....بس 630جنية كتير على الموبينة
-
هي سعرها 525 جنية +45 جنية كشف والباقي ضرايب
وعلى فكرة الفاتورة مكتوب فيها part no بتاع الموبينة علشان الضمان
وهي برة بحوالي 480 جنية وعلى تجربة وممكن تطلع أي كلام
-
Content Relevant URLs by
vBSEO 3.6.0 PL2