سؤال للفنيين عن حساس خرطوم الهواء

**ahmedomara00** · 13-06-2010 01:14 PM

السلام عليكم
انا عربيتى لانوس 99 ، اول امبارح غيرت بوبينة العربية علشان البوبينة القديمة كان فيها مخرجين ضعاف فى الكهرباء ، المهم العربيه اتظبطت شوية بعد ما غيرتها ، لك كانت بتبرحل لما ادوس بنزين و الـ rbm يوصل لـ 2.5 و تحس انها مخنوقه جامد ، المهم غيرت سلك البوجيهات و البوجيهات و العيب فضل موجود ، قمت بتنظيف الحساسات الى فى المنافول و جربت العربية قبل ما اركب خرطوم الهواء الى جاى من عمة الهواء للمنافول و كانت العربية زى الفل ، لما ركبت الخرطوم و وصلت فيشة الحساس بتاعه رجع الموضوع تانى ، رحت جبت خرطوم جديد بالحساس بتاعه اصلى بـ 70 جنيه و ركبته و عملت ايديال ليرن لكن الموضوع فضل زى مهوه ، المهم شلت فيشة الحساس و مشيت بالعربية على كده لكن طبعا لمبت التشيك منورة على طول ، ارجو افادتى عن العيب يا اهل الخبرة .
و شكرا

**ahmedomara00** · 13-06-2010 01:21 PM

ملش يا جماعه انا قصدى طبعا على خرطوم الهواء الى بين فلتر الهواء و البوابة بتاهت المنافول

**jojowork1** · 13-06-2010 01:28 PM

اللي انا عارفه ان الحساس ده بيتغير فولت بتاعه اللي رايح للكمبيتير علي حسب قوه سحب الهوا منه لاكن انا مش عارف بيعمل ايه بظبط بس طالمه شلته والعربيه شغاله يبقي معني كده معندش مشكله في الفلتر لاني تخيلت ان الحساس ده بينسق بينه وبين ضغط الماب عشان يعرف كميه الهوا اللي داخله مظبوطه ولا لا ولو نور هايبقي الفلتر فيه مشكله بس كده الموضوع مخلتف عندك مش عارف بصراحه اقولك ايه استني بقي راي الخبراء بتوعنا

**ahmedomara00** · 13-06-2010 01:38 PM

الغريب يا باشا ان العربيه شغاله من غيره زى الفل و سحبها تمام و مفيش اى مشكله غير ان لمبه التشيك منوره على طول

**jojowork1** · 13-06-2010 02:54 PM

هو برده اللي انا فاهمه ان اللمبه هاتنور وده مفيش مشكله عشان اللي متخيله ان ده عشان يبين اخبار الفلتر ايه بس برده مش متئكد يعني لو اشال خالص مش مشكله لاكن ليه وهو موجود عامل مشكله ده الغريب اللي مش فاهمه معني كده ان ليه دور في دوره التشغيل
وبرده نستني راي الخبراء

**MMamdouh** · 13-06-2010 03:10 PM

حط العربية على سكانر و الحساس راكب و شوف المشكلة ايه

MMamdouh

**samirayad** · 13-06-2010 03:21 PM

لما ركبت الخرطوم و وصلت فيشة الحساس بتاعه رجع الموضوع تانى

المشاركة الأصلية كتبت بواسطة ahmedomara00

الغريب يا باشا ان العربيه شغاله من غيره زى الفل و سحبها تمام و مفيش اى مشكله غير ان لمبه التشيك منوره على طول

ممكن توضح تانى أى حساس تقصد

اللى لما فيشته تنشال السحب يبقى طبيعى

واللى قالقك هو أنارة اللمبه

عموما كده الحساس المقصود بايظ

طالما ده اللى بيحصل معاك

**ahmedomara00** · 14-06-2010 09:41 AM

المشاركة الأصلية كتبت بواسطة samirayad

ممكن توضح تانى أى حساس تقصد

اللى لما فيشته تنشال السحب يبقى طبيعى

واللى قالقك هو أنارة اللمبه

عموما كده الحساس المقصود بايظ

طالما ده اللى بيحصل معاك

يا باشا انا بتكلم عن الحساس الى بيركب بخرطوم الهواء الى واصل من علبة فلتر الهواء لبوابة المنافول ، و انا غيرته فعلا و لكن المشكلة مازالت قائمة

**ahmedomara00** · 14-06-2010 09:43 AM

طيب يا باش مهندس محمود انا ساكن فى النزهة الجديدة ممكن تدلنى على مكان اعمل فيه الاسكانر

-

الموضوع: سؤال للفنيين عن حساس خرطوم الهواء

LinkBack

أدوات الموضوع

عرض

-

المواضيع المتشابهه

خرطوم عمة الهواء للانوس

خرطوم الردياتير العلوي ! و الميه و الهواء !

سؤال للفنيين عن وصلة زجاج الكهرباء

خرطوم حساس الاكسجين

انا عندى مشكلة مع حساس الهواء و حساس الكرنك

الكلمات الدلالية لهذا الموضوع

المفضلات

المفضلات

ضوابط المشاركة