ياجماعة بعد ازنكوا انا رايح اشتري كيا سيراتو من المصرية للسيارات حد اتعامل معاهم او حد سمع عنوا كلام وحش ياريت لو حد يقدر يفيدني واخد بالي من اية وانا رايح اشتري ؟؟؟؟؟؟؟؟؟؟
عرض للطباعة
ياجماعة بعد ازنكوا انا رايح اشتري كيا سيراتو من المصرية للسيارات حد اتعامل معاهم او حد سمع عنوا كلام وحش ياريت لو حد يقدر يفيدني واخد بالي من اية وانا رايح اشتري ؟؟؟؟؟؟؟؟؟؟
ليه المصريه
بيتعامل مع البنك اللي هقسط معاه وواحد صاحبي لسة شاري منوا وقالي كويس بس
بص انا لما روحت اشتري منهم ما ارتحتش خاااااااالص
مندوب المبيعات قاللي انهم مش بيبيعوا غير قسط !!!!!!!!!!
قلتله طيب انا عايز اشتري العربية كاش قالي ما ينفعش !!!!!!
طب ماهو انا هاشتريها قسط
بص عليك وعلى بنك التمويل السعودى فرع المرغنى ناس محترمه جدا ووطلبتهم سهله جدا جدا والفائده عندهم أقل من أى حته جرب ومش هتندم
هو حضرتك أشتريت عربيه تقسيط قبل كدا وعارف الاجراءات
ولا دى أول مره ليك؟
اول مرة ليا . بنك التمويل السعودي بيدي فايدة كام
حوالى 8% تقريبا
على فكرة سعر الفايدة القليل ده اشتغالاات
لان كل البنوك بتخضع للبنك المركزى وهو بيحدد سعر الفاية 10 % وكل بنك بياخد نسبة ربح ازيد من كده
ولو قالك الفايدة 8 % بس اعرف انه هيعوضهالك فى حاجة تانية
ممكن مثلا يجبرك انك تامن عنده وبالسعر اللى يعجبه
عن تجربة
طب اية رأيكوا في الفور برزرز
*............... * مكان تتعامل معاه فى مصر كلها هو المصريه للزفيتات ديه
برجاء الحفاظ على اسلوب المنتدى في الحوار
تم التعديل بدون تسجيل عقوبة
مشرف عام.3
طب ياجماعة انا واضح ان المصرية واخدين عنها فكرة وحشة بس ممكن تقولولي المواقف اللي حصلتلكوا او سمعتوا عنها بعد ازنكوا
فور برزرز الي في عباس العقاد كويس على فكرة وناس محترمة
بس حاول فعلا تبعد عن المصرية للسيارات بقدر الامكان
في معارض احسن كتيييييييييييير منهم وبيسلموك فوري بس انت مش تستعجل واعمل بحث كويس وربنا يوفقك ان شاء الله
انا اشتريت من المصرية هم كويسين بس عذبونى عما جابولى الورق بتاع العربية
لو متردد من المصرية شوف بنك كويس وهو اللى هيحددلك المعرض
مع ان البنوك فى الاخر كلها واحد طالما هتقسط
انا جبت من بنك ناصر بعد طول لف
بس روتينه رخم معاملات حكوميه من الدرجه الاولي ولازم تبقى مو ظف حكومي و اقل فايده فعلا 6% و بدون تامين اجباري
و التامين الوحيد اللي بيعملوا هوه تامين على الحياه عشان لا قدر الله لو حصل حاجه العربيه تتكيش للبنك و تؤؤل للورثه و بتتحدد حسب السن
لو عاوز بنك تاني كويس برضوا بنك فيصل الاسلامي بس بيشترط تدفع 30 % من قيمه العربيه و التامين بتاعهم ممكن تلاغيهم فيه و تجيب معاهم اقل نسبه واحد صاحبي جاب من هناك و كانوا عاوزين منه 3% قعد يسايس في الراجل لغايه لما وصلهم ل 2.5%
دول البنكين اللي ممكن اثق اجيب منهم عربيات
انا روحت اسال عندهم عن السيراتو و كيل .. طلع الواد بتاع المبيعات مش فاهم اي حاجة في اي حاجة.
كنت باسال عن الtop line الي ب 128 الف جنيه و كمان الوكيل مابينزلش منها فتحت سقف خالص .. كان عاندو حاجات خليجي عاوز يبيعها.
روحت سالت على نفس العربية عند محمد زكي لقيتها ب 126 و فيها فتحة سقف و كل حاجة ....
انا مش مستريحلهم خالص.
بلاش المصرية
في وكلاء كتير محترمين
انا جبت عربيتي بالحجز واستلمتها بعد 4 شهور
ودفعت نفس سعر الوكيل
بالنسبة للبنك دلوقتي كل البنوك بتعمل القرض بدون حظر بيع او نسخة مفتاح
والترخيص باسمك
حاول تشوف حد يكون بيشتغل في شركة واخدة عرض من اي بنك
او انت اتصل بالبنك بنفسك
بصراحة ياجماعة انا مش عارف اشكركم ازاي انتوا ناس محترمين اوي اوي اوي اوي وفعلا سعيد من معرفتكم ......انا رحت فور برزرز امبارح والناس كانو محترمين جدا جدا جدا وقلولي اللي انت عايزوا وبيتعاملوا مع بنوك كتير وعندهم كل الالوان للي انا عايزها وناس بصراحة ريحوني عن المصرية انا كنت قلقان شوية من المصرية بس قلت يمكن خوف علشان انا هشتري عربية زيرو بقي وبعدين دي مش اي عربية دي كيداهم بالعند في ناس ......ههههههه..... وشكرا ياجماعة مرة تانية انا بجهزلهم الورق اهو وربنا يعين بقي .......علي فكرة انا نويت علي سيراتو اي اكس تاني فئة في الاوتوماتيك(وكيل) اللون موف ادعولي بقي ياجماعة
انا من كلام البنوك اللي انا اتصلت بيهم عرفت ان موضوعي سهل لية بقي !!!؟؟ علشان انا هدفع 50%وهقسط علي ٣ سنين وهجيبلهم مفردات مرتب ب ٤ الاف جنية اقل فايدة لقيتوا مع بنك المشرق7.5 % ...... بس وهأمن ان شاء اللة مع قناة السويس هدفع ٣ % سمعت انهم محترمين انتوا بردوا اللي تاكدولي الكلام دة صح ولا لا هل قناة السويس نضيفة ؟؟؟بس هو دة الموضوع كلوا ان شاء اللة يتم علي خير
في لعبة كدة كنت هعملها بس اللي عايز يعملها دي جامدة جدا بقي ان اكيد كل واحد لاما عندوا وديعة في البنك او والدوا عندوا وديعة في البنك انا كنت هعملها بأسم والدي لية بقي ؟؟؟والدي عندوا وديعة في البنك كنت هاخد عليها فايدة اكبر من الفايدة اللي هدفعها وبالتالي انا كدة اكني اشتريتها بالقسط بدون فوائد مش بس كدة الفرق اللي انا هاخدوا وليكن 2 % مثلا هيفيدني في القسط ...لو حد مش فاهم حاجة معينة يقولي لانيلان انا قرفت البنوك اسئلة بالحوارات دي بقالي شهرين
الف شكر ياباشا
وربنا يوفقك
شوف انا اخويا اشتري من الشركة المصرية للسيارات هوندا سيفيك في شهر فبراير 2010 وكل الموضوع من الالف الي الياء اخد ثلاثة ايام بدون اي مشاكل ............ وديه كانت ثانى مرة يشتري منهم ؟؟؟؟؟ هو شراء بالتقسيط مع بنك عوده ........... واخد غطاء عربية محترم جدا + تليفزيون 14 بوصة اقل احترام + سلسلة مفاتيح غير محترمة بالمرة ؟؟؟؟
ملاحظة مهمة : هم اجبره علي التأمين بمعرفتهم .... خدوا منه فلوس التأمين وخلص كل حاجة ؟.
انا رحت اجيب منهم ...................... معجبنيش اسلوبهم ولا طريقة تعاملهم ........... جايز علشان ان كنت مصمم اجيب العربية من بنك فيصل الاسلامي وكنت مخلص كل حاجة وعايز فقط عرض سعر ، وبنك فيصل ايضا اجبرني علي التأمين لدى بيت التامين السعودى .
فالقرار لك .:3_3_102[1]:
انا فعلا لما رحت الواد حسيت انوا مش ملم بكل حاجة ومنحاز لبنك معين علشان العومولات بقي وبيجبرني علي البنك دة وانا مش بحب حد يجبرني علي حاجة
بلاش المصرية في معارض كتير افضل منهم في التعامل
انا اشتريت من المصرية من سنتين فرع الميرغنى وبصراحة ماحستش باى مشكلة انا استلمت العربية بعد يومين بالظبط
الله على ما اقول شهيد
انا كنت هشتغل هناك و خلعت من القرف اللي شفته هناك....
بلاوي بلاوي بلاوي
مرة واقف انا واحد زميلي في المخزن ايام فترة التدريب... لقينا واحد من السواقين بيشيل ستيكر من على عربية سيراتو و بيلزقوا على عربية تانية عشان عربية زلط وقعت عليه و نقرت له الكبوت و هو جايبها في السكة
طبعا من الكلام اللي اتقال انا خلاص مش هشتري من المصرية خااااااااالص لان انا واثق في كلامكم دي حاجة الحاجة التانية انا قربت اتعاقد ان شاااء اللة مع فور برزرز وربنا يسهل ان شاء اللة وشكرا لكل اللي نصحني ياجماعة