-
سؤال عن التكييف ؟
يا جماعة تكييف العربية ضعيف جدا بالنهار ..بالذات لما تكون الشمس قوية
لو العربية كانت واقفة في الشمس .. بشغل التكييف علي اعلي درجة و فين بقي .. بعد نص ساعة مثلا لما احس انه بدأ يأثر .
بالليل التكييف بيبقي كويس جدا مفيهوش مشكلة .
انا عايز اعرف المشكلة دي عندي بس و لا السيراتو عموما كدة ؟؟
-
بص بالتأكيد أى عربيه لو مركونه لفتره فى الشمس لازم أداء التكيف يقل أو ياخد وقت على ميسقع المحيط
لكن
دائما حاول أول لما تشغل التكيف بعد ما العربيه بتكون كتير واقفه فى الشمس أنك تكون فاتح الازاز لفتره وجيزه
علشان تخلى الهوا السخن يخرج من الازاز وميمثلش عبأ زياده على التكيف وبعد شويه أبقى أقفل الازاز
لازم تستنى فتره لأن ماده التابلوه بتبقى ممتصه حراره كتيره من الشمس زى مكتسبتها فى وقت محتاجه تتخلص منها فى وقت بردو مفيش مفر
أنا بركن دائما فى الكليه فى الشمس يوميا
تكيفى بكر
أول لما أركب بسيب الباب مفتوح بتاع 30 ثانيه
أدور وأفتح الازازين الى قدام وأشغل التكيف كمان 30-45 ثانيه وأنا بجرى بالعربيه كفيله بخروج الهوا السخن من التكييف
وبعدين أقفل الازاز وسرعه المروحه على 3 بتاع 15 دقيقه وبعدين 2 طوال الرحله
بس
لو ألتزمت بكدا ومازلت بتعانى يمكن تكون محتاج لتنظيف فلتر التكييف
أنت عامل كام كيلو؟
-
انا لسه 4500كم
بس تكييف تاتش
تقريبا انا بعمل كل اللي انت قلته
بس فعلا مش بحس بتأثير التكييف
انا كان معايا لانوس قبل كدة ... مش حاسس بفرق في اداء التكييف بين العربيتين و ده غايظني قوي
هو ميزته انه مش بيسحب بنزين زي اللانوس و لا بيأثر علي اداء العربية بس كأداء تقريبا مشابه للانوس
-
للاسف عندى نفس المشكلة يا ريت حد يفيدنا
-
وانا كمان عندى نفس المشكلة!!!!!!!!!!
انا كان معايا نوبيرا و حاسس ان تكيفها احسن
ملحوظة: التكيف بكر
-
اكيد حضرتوا فى عيب عندوكو فى التكيف انا زى نورمال تكيف بكر وبركن فى الجامعة شمس اكنوبر الصحرا وبعل نفس ما هوة بيعمل والتكيف بيبقى تمام .لازم تلاجعوا لوتكيل
ولو حد عربتة سودا زىى لازم يستنى شوية عقبال ما التكيف يسقع عشان الاسود بيمتص حرارة جامد
-
انا بردو بركن كل يوم فى الكلية و أوقات كتير في الشمس والعربية بتكون ولا فرن
و بعمل تقريبا زي ما قال نورمال
بس عندي تكييف ديجيتال
فبعمل الحرارة low +Auto و اسيب الباقي على المكيف يتحكم بالمود و المروحة
و طبعا افتح الازاز حوالي 5 دقايق و بعدين اقفلو.
العملية دي تحتاج ربع ساعة عشان تبدا تحس بالتكييف
و بعد نص ساعة على low Auto انا بحس بشوية برد عشان كده بخليه 22 Auto .
بس خلال النص ساعة دي ببقى مبسمعش حاجة خالص عشان صوت التكييف و خاصة عالـlow عالي جدا.
ملاحظة : لو خليت الشفرات بتاع فتحات التكييف لفوق مش لتحت عالوش مباشرة هيخف صوت الهوا و يزيد اداء التكييف عشان الهوا البارد بيزيد و كلما كان الاتجاه اعلى زادت كفاءة المكييف
Content Relevant URLs by
vBSEO 3.6.0 PL2