المونديو 98و97و99

**MohamedSotohy** · 04-07-2010 02:32 AM

نفسي اعرف ايه السر في قطب ده
اولا ده مغالي جدا جدا جدا في المصنعيه
ثانيا كل الناس بتقول انه بيعمل مصلحه ديما في قطع الغيار وطبعا علي صاحب العربيه
ثالثا اما يقول ان علشان اغير تيل الفرامل لازم الجهاز( الأسكنر) مع العلم اني غيرت التيل بنفسي وزي الفل وبدون جهاز ولا ديولومع العلم اني بأفهم في الأسكنر
رابعا انا شخصيا لي تجربه معه وهوا اعتقد انه ما كنش شغال في التوكيل ولا حاجه وان خبرته جت بالممارسه ليس الا مع العلم انه افتي لي في عربيه كنت هاشتريه وقدر الشغل اللي فيها انه هايتكلف 7000+700 جنيه مصنعيه
واتسبب في ضياع العربيه مني
وللاسف طلع الشغل اللي فيها يتكلف حوالي 1200 جنيه ومصنعيه 150 جنيه
بعد كل ده لمازا هذا التحيز ل قطب ده
وبعدين لازم حضرتك اما تنصح حد في المنتدي تكون امين وتكون النصيحه لله وحده ومنزهه عن كل غايه وقصد
ارجو ان تراعو الله يا اخوتي لأن هنا في هذا المنتدي اناس ليس لهم خبره ويصدقون ما يقال لهم
شكرا

**ahmedadam** · 04-07-2010 10:12 AM

حضرتك معاك الفورد من كام سنه و ماهى كميه المشاكل و الخبرة اللى حضرتك عشتها مع العربيه انا جبت العربيه زيرو من 1998 لسه بيعها يوم 16/06 يعنى عشت مع العربيه 12 سنه عارف كل صغيرة و كبيرة و لما اقول اى نصيحه فهى لوجه الله ليس الا و لكن حضرتك معاك مشكله مع اى شخص فهذا لا يكون مهم على الاطلاق لاى شخص فى النتدى انا لما كنت بتزنق كنت بروح لهذا الرجل اللى كنت اعرفه لما كان شغال فى رجب و هو بكل امانه متميز جدا ايضا لازم اقول اللى معا العربيه دى لازم يحترمها و ما يصترخص ابدا و شكرا

**MROMA** · 04-07-2010 10:53 AM

يا بشمهندس
MohamedSotohy فين المعلومات الحلوة بتعتك يا ريت متحرمناش منك ومن

المعلومات الحلوة

وبراحة علينا شوية اصل احنا غلأبة

**aYaBooY** · 04-07-2010 05:24 PM

استاذ محمد سطوحي مع كامل الاحترام لحضرتك موضوع ال 7000 و 700 انا عارف انهم من السهل انهم يبقي 1200 و 150 كلامك مظبوط بس قبل ما تقول ده قال كذا و ده قال كذا يا ريت تقول ده قالك تجيب قطع غيار منين و ده قالك منين
الراجل الي بيقول ان قطب كان شغال في التوكيل كلامة مظبوط و كونك تحت العربية على الاسكانر بعد تغير تيل الفرامل ده امر صحيح لاي عربية فيها اي بي اس و كونك غيرتة من غير اسكانر و محصلش حاجة ده مش معناه ان الي انت عملته صح
و لما تروح لواحد صنيعي و يصلح العيب الظاهر ده مش شطارة علشان الفورد عربية مبنية كل قطعة على غيرها يعني قبل ما يصلح يا ريت يحدد السبب الاساسي للعيب مش بس القطعة الي باظت في الاخر

**egytamer** · 05-07-2010 10:32 AM

يا جماعة الخير موضوع اننا كلنا نجتمع ان الميكانيكي دة او دة كويس شيء مستحيل لان دي فالاول والاخر راحة نفسية اكتر منها مهارة لان العربيات الحديثة تكنولجيا بلنسبلنا طبعا المفروض كل التعامل معاها بالاجهزة فمدام الاجهزة دي مش موجودة بيبقي كلو بيحاول بالاجتهاد فمتتوقعوش ان في واحد هيعرف يصلح كل حاجة صعب اوي.
والله اعلم

**MohamedSotohy** · 08-07-2010 02:11 PM

الاستاذ احمد وكمان الأستاذ ايبي
اولا انا هنا اي حاجه بكتبها لوجه الله واي معلومه با نشرها في نيل موتورز هي لوجه الله
وبعديين ياجماعه شوفو المنتديات في اوروبا وامريكا عامليين ايه
الناس هناك هما اللي بيعملو اغلب الصيانات في عربياتهم
طبعا عن علم وعن تجارب مؤخوزه من تجارب الأخريين
وانا شايف ان ده هوا دور المنتديات
اني اساعد الأعضاء بالمساعده الفنيه المؤخوزه عن خبره لتمكينهم علي الأقل من اصلاخ الأعطال الغير مركبه
وعلي العموم لو خد هنا زعل مني
خقه عليا وانا مقصدش اني ازعل حد
كلنا هنا اخوه

**MohamedSotohy** · 08-07-2010 02:17 PM

المهم
انا بأشكر الأخ تامر لأنه بصراحه طلع واد جدع جدا
من 4 ايام روحت اغير ميه التبريد لقت الفني بيقولي ان فيه زيت في دوره التبريد(زي ما بيقولو بالبلدي طحينه)
وطبعا الفتاوي نزلت ترف اللي يقلي جوان وش سلندر واللي والليييييييييي
المهم طلع السبب وجود ثقب في ريداتير الفتيس الأتوماتيك
رحت ركبت واحد استيرادب750(حسبي الله ونعم الوكيل في بتوع قطع الغيار الأستيراد)
وهو دلوقتي تحت التجربه
وبصراحه تامر تعب معايا في اليوم ده قوي في اللف والتدوير ومرضيش يسبني لوحدي
جزاه الله عنا كل خير

**MohamedSotohy** · 08-07-2010 03:52 PM

دي يا جماعه صفحه من موقع متخصص في المونديو
فيه كل شيء حتي الللي
Category:Mondeo Mk2 - FordWiki.co.uk
والصفحه مرتبه ابجدي (طبعا abcd)
يعني لو مثلا عاوز اعرف ايه معني الكود اللي بيظهر علي الأسكنر
وانا داخل بفيشه obd2
اروح لحرف ال o ثم obdII
obdII fault codes
علي فكره الصفحه دي من موقع جميل جدا للمونديو وفيها كمان اي تعديلات انتا عاوز تعملها في عربيتك(updating)
وحجات تانيه كتييييييير
ارجو ان يكون فيه افاده للجميع
واللي عاوز حاجه منه وموش عارف يطلعها انا ممكن اساعده

**egytamer** · 11-07-2010 10:12 AM

المشاركة الأصلية كتبت بواسطة mohamedsotohy

المهم
انا بأشكر الأخ تامر لأنه بصراحه طلع واد جدع جدا
من 4 ايام روحت اغير ميه التبريد لقت الفني بيقولي ان فيه زيت في دوره التبريد(زي ما بيقولو بالبلدي طحينه)
وطبعا الفتاوي نزلت ترف اللي يقلي جوان وش سلندر واللي والليييييييييي
المهم طلع السبب وجود ثقب في ريداتير الفتيس الأتوماتيك
رحت ركبت واحد استيرادب750(حسبي الله ونعم الوكيل في بتوع قطع الغيار الأستيراد)
وهو دلوقتي تحت التجربه
وبصراحه تامر تعب معايا في اليوم ده قوي في اللف والتدوير ومرضيش يسبني لوحدي
جزاه الله عنا كل خير

جزاك الله خيرا عنا.
ومتقولش كدا دا واجب المفروض كلنا نساعد بعض من غير اي حاجة وانا تحت امرك وتحت امر اي حد محتاج مني حاجة

**mikology** · 15-07-2010 10:36 PM

ماشاء الله - موضوع مميز - الواحد بيفرح لما يلاقى ناس عاوزه تفهم عربياتها كويس و هى اللى تقول للصنايعى ايه اللى فيها - بدل كل صنايعى تروحلو يقعد يفتى و السلام
ارجو من حضرتكم تفيدونى - انا قدامى عربيه مونديو موديل 1997 - عامله 250 الف كيلو و رشه نضافه من بره - الحاله العامه نضيفه
انا بصراحه لا افقه اى شئ عن الفورد خالص خالص
انا معايا دلوقتى عربيه لانشيا ديدرا - وحابب اغير العربيه بحاجة اعلى - فكرت فى المونديو عشان اللى جابلى الانشيا جابهالى نضيفه قوى وهو هو اللى جايبلى الفورد - ممكن تفيدونى بكل المعلومات الممكنه عن العربيه دى و اسعار قطع غيارها و الناس اللى بتشتغل فيها - وتكون قريبه من منطقتى حلوان و المعادى و مدينه نصر - وايه الاوبشنز اللى بينزل فيها و كام كاتيجورى بينزل منها و سعرها كام دلوقتى و ايه اللى ابص عليها واى معلومه انا ناسيها و تقدرو تفيدونى بيها - بخصوص العربيه اللى قدامى هى معروضه عليا ب 40 الف جنيه
وشكرا لسعه صدركم

الموضوع: المونديو 98و97و99

LinkBack

أدوات الموضوع

عرض

-

-

-

-

-

-

-

المواضيع المتشابهه

سحب المونديو بقي ضعيف

مساعدين المونديو 98

مشكلة فى المونديو 98

المونديو لفت باك

المونديو 98

الكلمات الدلالية لهذا الموضوع

المفضلات

المفضلات

ضوابط المشاركة