السلام عليكم
مش عارف الموضوع دا مهم ولا لأ
لكن أعتقد أن تظبيت أتجاهات فتحات التكييف ليها عامل فى تكييف جو العربيه
أنا هقول أنا مظبطها عندى أزاى علماً بأنى معظم الوقت ببقى لوحدى
ومعنديش اى مشكله مع التكييف فى عز الحر وأقصى سرعه مروحه بجبها 3 فى أول 15 دقيقه من تشغيل التكييف
وبعدين 2 طوال الرحله وساعات بسقع لو بليل وأنزل لـ 1
يا ريت الى مش مهتم بالموضوع يجرب ويقلى أذا حصل فرق ولا لأ
والى مظبطهم يشارك بأتجاهاته ونوصل للأفضل
العربيه فيها أربع فتحات هبدأ من الشمال لليمين
أقصى الشمال بوجها يمين أوى وفوق أوى
الى بعديها شمال قوى وفوق أوى
دا بيسقعلى الطاره بسرعه لو راكن كتير فى الشمس ومبيخليش أيدى تعرق وأنا سايق حتى فى عز الحر
كمان مع دا بنزل الشماسه بتاعتى سنه بتاع 10-20 درجه الهوا بيخبط فيها ويرد فوق راسى بحاجه بسيطه
الفتحه الى بعديها الى هى يمين الCD player بوجها شمال قوى وفى النص ودى الوحيده المتسلطه مباشرة عليه ودى الوحيده الى ممكن تخلينى أسقع ولما بسقع بوجهها على الكرسى الى جنبى
أخر فتحه أقصى اليمين بوجها أقصى اليمين خالص وفى النص ودى تقريبا الى بتعمل تدوير للهوا فى العربيه وبتلطف الهوا ورايا مع الهوا المنعكس من الشماسه
أنا عارف إن ممكن يكون الموضوع هايف أو معروف للبعض لكن حبيت أقوله لو حد مش راضى عن التكييف قد يكون مش عارف يدور الهوا صح جوه العربيه
بالتأكيد كل دا يختلف لو أنت مبتركبش لوحدك ويا ريت الى عربيته لأسره يقلنا هو بيظبطها أزاى للأفاده
دى صوره بتوضح الاتجاهات عندى
http://img80.imageshack.us/img80/348...361600x0w1.jpg
ودى نفس الصوره فاضيه من غير أسهم علشان لو حد عايز يوضح ومعندوش صوره
http://img638.imageshack.us/img638/2...p361600x0w.jpg
شكرا