الى رجاله تويوتا مساعده فى عفشه كورولا

انا معايا كورولا 1300 2004 خليجى المهم العربيه من ساعت لمل جبناها مغيرناش حاجه فى العفشه خالص (90000كم) بس الصيانه فى مواعيدها بس دلوقتى العربيه ارتفاعها عن الارض بقى حاجه تكسف وبقت تحك فى اقل مطب لو اكتر من 2 راكبين ففى ميكانبكى قالى اعاليهالك بس انا خفت لان سمعت ان الحوار ده غلط على العفشه وبيقلل الثبات فعايز اعرف انا دلوقتى اغير مساعدين بس ولا مساعدين و سوست او لو فى حاجه تانيه ممكن تتغير واجيب المساعدين الاصلى ولا kyb و ايه الاسعار لو امكن مع العلم ان العربيه كانت معايا فى الكويت وهى جديده كانت اوطى من اللى فى مصر بس مش زى دلوقتى طبعا

وتفضلوا قبول فائق الاحترام..
.
م/ مصطفى ربيع

لو هاتغير المساعدين بالاصلى يبقا عندك اولا التوكيل فى العباسية بعده الشركة العالمية فى شارع دمشق بمصر الجديدة
عربيتى الاصلى بتاعها بيعمل 700 جنيه للمساعد سواء امامى او خلفى عندك هايبقا اغلى شوية ممكن تخش فى 800 او 900 و ما تجبش غير الاصلى بتاعها عشان مش هايظبطلك الاداء اللى انت متعود عليه من اول ما جبتها و بلاش علايات ورا لانها بتدبدب لو خامتها مش كويسة

اقتباس:

---

المشاركة الأصلية كتبت بواسطة ahmed galal

لو هاتغير المساعدين بالاصلى يبقا عندك اولا التوكيل فى العباسية بعده الشركة العالمية فى شارع دمشق بمصر الجديدة
عربيتى الاصلى بتاعها بيعمل 700 جنيه للمساعد سواء امامى او خلفى عندك هايبقا اغلى شوية ممكن تخش فى 800 او 900 و ما تجبش غير الاصلى بتاعها عشان مش هايظبطلك الاداء اللى انت متعود عليه من اول ما جبتها و بلاش علايات ورا لانها بتدبدب لو خامتها مش كويسة

---

شكرا يا استاذ احمد بس اغير السوست كمان ولا لا وهى العفشه المصرى زى الحليجى واسعار السوست ان امكن

انا معايا كورولا 2006 عامله 120 الف كم وعندي نفس المشكله والله
بقت بتحك في اتفه مطب لما بيكون حد راكب ع الكنبة الخلفية

عااااوزين معلومات زياده رجاءا
هل المساعدين اللي يوطو العربيه ولا السوست كمان
وكنت عاوز ارعف هل اغير جلب المقصات مع المساعدين بالمره عشان سمعت انهم هيحسنو الاداء كتييير

نرجو الافاده

اقتباس:

---

المشاركة الأصلية كتبت بواسطة mix_elmasry

شكرا يا استاذ احمد بس اغير السوست كمان ولا لا وهى العفشه المصرى زى الحليجى واسعار السوست ان امكن

---

لو حاسس بتنطيط جامد فى المطبات و النقر يبقا السوست بدات تتعب بس ده شبه مستحيل على ال 90 الف اللى انت مشيتهم و السوست اصلى عندى يعملوا 1000 جنيه للجوز و استيراد يعملوا بالمساعدين و البطاحات 400 جنيه بردك عربيتك هاتبقا فى الرينج ده او اعلى شوية بس موضوع السوست ده مش وارد باذن الله و لو عايز تركب المساعدين صح و تريح دماغك عليك و على التوكيل بس احجز الاول احسن اما العفشة المصرى و الخليجى اعتقد ان الموجود فى قطع الغيار هايبقا يابانى و اقرب للعفشة الخليجى شوية بس مش هاتفرق معاك فى حاجة انت عايز تظبط العربية بمساعدين جداد

اقتباس:

---

المشاركة الأصلية كتبت بواسطة boing

انا معايا كورولا 2006 عامله 120 الف كم وعندي نفس المشكله والله
بقت بتحك في اتفه مطب لما بيكون حد راكب ع الكنبة الخلفية

عااااوزين معلومات زياده رجاءا
هل المساعدين اللي يوطو العربيه ولا السوست كمان
وكنت عاوز ارعف هل اغير جلب المقصات مع المساعدين بالمره عشان سمعت انهم هيحسنو الاداء كتييير

نرجو الافاده

---

المساعدين ان شاء الله هما اللى محتاجين تغيير لكن السوست تنطط العربية عشان بتبقا فقدت المرونة بتاعتها بس ده صعب قوى على موديل 2006 ديه ممكن تظهر عندى انا موديل 1993 لان حاجة التويوتا معروفة انها معمرة جدا جدا جدا فما تفكرش دلوقتى فى السوست
الجلب بقا بتاعت المقصات لما تحس بتعويم فى العربية و ان الجزء الامامى كانه سايب من بعضه و ساعات كمان تحس بدبة تحت رجلك فى الملفات المكسرة لان المقص فيه جلبة بينه و بين الشاسيه زى البيضة بتاعت الشمعدان و ساعات بتدبدب لما تبوظ عموما تتعرف الجلب لما العربية تترفع و يتبص عليها من تحت لو مشققة او بايظة و المشكلة انها فى التويوتا بنسبة كبيرة بتييجى مع المقص و ما بتتباعش لوحدها و جوز المقصات اصلى بيعمل حوالى 800 جنيه عندى و عندك اكيد اعلى شوية

شكرا يا استاذ احمد على وقتك ومجهودك وعلى معلوماتك الغزيره