استطلاع رأي ما هو احلي لون للصني 2010
عرض للطباعة
استطلاع رأي ما هو احلي لون للصني 2010
الغوامق زي النبيتي
انت نسيت البترولي
معلش يا جماعة اللي يلاقي لون ناقص عندي انا دي
اختارو اقرب لون :)
متابعة.......
الفيراني......
النبيتي......
الفــضــى ....
البترولي او هنقول الاقرب سماوي
علي العموم الصورة اللي في التوقيع هي صورة عربيتي
الازرق السماوى
يا جدعان هو فية اللون الاحمر المارلبورو للنيسان
اللون الأسود
انا سمعت ان فيه لون احمر مارليبورو حيبقى عليها ممتاز
الافضلية للاول
النبيتى
الاسود
الاحمر (اة احمر لسة شايف واحدة 2010 من كام يوم)
الفيرانى الغامق
الابيض
البترولى
الشامبين
السيلفر
متابعة الاستطلاع
الاسود لا يعلا عليه من باقى الالوان
الاسود صعب اوى فى مصر وفى جو مصر التراب والحر ده والزحمة كمان يا كريم
هو اللون الرمادى الجديد تحفة عليها جدااااااااا السوبر صالون منه وكمان اللون النبيتى فى السوبر صالون عشان الجنوط
للتصحيح بس الازرق السماوى هوة هوة البترولى .......
ثانيا : فى 3 الوان نزلو السنادى احمر مارلبورو.....فيرانى غامق ....فيرانى فاتح (اوف وايت)
احسن الوان فى رأى
1:الفيرانى الغامق وفرشو من جوة بيج
2:البترولى وفرشو من جوة بيج
3:الفضى وفرشو من جوة اسود......................................
انا هحكي حكايتي مع موضوع لون العربية ده.
لما روحت اشتريها اتفقت مع الاجانس قبلها بساعتين تقريبا ان انا عايز اللون البترولي اللي هو (أزرق سماوي) المهم كله تمام و هما عندهم اللون و لما روحت عشان استلم و خلاص بستلم العربيه و شالوا حتي الورق الابيض اللي عليها من برة و بيغسلوها كانت المفاجأة بالنسبة ليا ان العربية من جوا فرشها بيج و انا مش بحب موضوع الفرش البيج - هو شيك و كل حاجة بس بيتوسخ بسرعة و عايز عناية جامده و انا اهم حاجه عندي في العربية النظافه المهم انا اتخانقت معاهم و قولتلهم انتو ليه مقولتوش ان الفرش من جوا بيج
بس و بعدين انا قررت اني مش هستلم العربية لان فعلا انا مش هقدر استلمها بالفرش الفاتح كده و قولتله انه لازم يغير اللون المهم قالي انا عندي فضي و فرش اسود زي ما انت عايز....
طبعا انا كنت خلاص دفعت الفلوس و كتبنا الورق و ادبست خلاص قولتله ماشي مع اني مش بحب اللون الفضي في العربيات خالص و كنت مضايق جدا اول فترة بعد ما اخدت العربية و حاسس ان اللون الفضي دا مضايقني جدا عشان فعلا انا مكنتش بحبه بس الفتره الاخيره انا ملاحظ انه بدا ينتشر جدا و انا كمان بدأت اني اتعود عليه و احبه.
و قدر الله و ما شاء فعل
النبيتى حلو جدا
النبيتي فعلا أحلى لون بس غامق شوية وبيلم تراب بس وهو نظيف وبيلمع كدة بيكون تحفة احلى من الأسود كمان في وجهة نظري
انا شايف إن الفيراني الجديد تحفه...
و الإسود خطير و ملوش حل..
رغم إنه فى الصني مش ميتاليك...و بيحتاج غسيل بصفه دوريه.
فده مش بيخليه عملي...
عمليا الفيراني أو الفضي...
و نظريا ..الإسود ممتاز...بس للعيوب اللي أنا قولتها ..حيستبعد...
مش ندمان على العربيه فى حاجه..
غير إنها لونها إسود.
انا شايف على الترتيب:
الدهبى - الفضى - الاسود
و الاسؤا هو النبيتى شكله وحش مع الفوانيس الخلفية
الفيرانى شيك بس جربته قبل كده
عيب اللون الدهبى ان الفرش بيج و طبعا بيتوسخ فى كلمة بس برضه شايفه احسن الالوان اللى بيخفى شكل السيارة القديم
شامبيون...........
متابعة الاستطلاع
.....................
و الله انا شايف ان اللون الفيراني الغامق بيليق أكتر علي العربيات الضخمة شوية زى الأسكودا - إلنترا - كروز كده يعني
لكن بقي بالنسبة للصني أنا أفضل
الذهبي ( يارتني جبته - بتحس ان صحاب العربية رايق كده و زوقه عالي )
الفضي ( لون رياضي و تحسن ان العربية بتبرق لوحدها من غير غسيل ولا اى حاجة )
الأسود ( و ده بقي لون عربيتي - للأسف و مش لحاجة غير انه بيلم تراب بطريقه فظيعة جدا و أى خربوش بيبان فيه مهما كان بسيط جدا و مع انى كنت عارف الكلام ده لكن بقي الدوى علي الودان أمر من السحر )
و كانت النتيجة اني مش بغسل العربية غير كل أسبوعين و طول الفتره دي مش بمسحها اساسا ولا باجي يمها عشان التراب سعات بيجرح البوية وا أسفاه
أنا اشتريت بحمد الله دهبى (مش بحب أقول شامبيين لأنها من الرجس الذى أمرنا المولى باجتنابه) المهم أنا شايف إن كل الألوان حلوة على العربية دى حتى الأحمر الجديد شكله مميز جداً، وبالنسبة لى أحب السماوى، الدهبى، النبيتى بس ساعة الجد ماكنش فيه غير موف غامق ودهبى، فاخترت الأخير لأنى بصراحة كانت أول مرة أشوف الموف الغامق فمتخيلتش إنى ممكن امتلك سيارة باللون ده، وكل عام وأنتم بخير
pearl white
أبيض لؤلؤي----فرش رمادي