الموضوع: الأريال الكهرباء اتسرق..... تنصحونى بنوع معين؟

المشاركة الأصلية كتبت بواسطة Hossam_Hassan

و على رأى المثل، سرقوا الأريال يا محمد لكن موتوره معايا.

صحيح هم يبكى و هم يضحّك.
ربنا يعوض عليك
انا بقى كنت لسه شارى العربية ما كملتش ال 1000 الأولى وواحد إبن حلال رسملى خيطة الطريق بآلة حادة على جنب العربية من الفانوس الأمامى لحد الفانوس الخلفى و خطين زجزاج عرض الخط بتاع 3 او 4 مللى .
إعتبر اللى حصل زكاة عنك و عن أولادك

رحت اركب اريال جديد و لما فكينا جدار الشنطة لقينا الموتور و العقل سليمة، يعنى اللى فك خد الفبرة السوده اللى بره و الصامولة، المهم فرحت و قلت بسيطة بس مطلعتش بسيطة لانى ملقتش لافبرة و لا صامولة تركب على الأريال الموجود عند 3 محلات و جربنا ناخدهم من اريال عادى برضه منفعش.

دلوقت ايه رأيكم، اروح الحرفيين ادور عليهم استيراد و لا اجيب واحد جديد و خلاص.

المضحك بقى انى لقيت نفس الأريال عند ال3 محلات، واحد قالى 120 و التانى 180 و التالت 200

عشان كده انا شيله خالص بلها راديو
مفيش فيدة في الحقد اللي موجود في معينه من المصريين (اللي عايزين الحرق)

كنت فى الهرم النهاردة و فوت اجيب اريال جديد من عند واحد فى أول فيصل اسمه المنير، لقيت عنده نوع كورى ب 130 جنيه و كنت هشتريه بس لما حكيت للبياع قالى خسارة و دلنى على كهربائى فى الشارع اللى جنبه و لقيت عنده الفبرة بالصامولة و ركبتهم و كله اتكلف 20 جنيه.

مبروك يا حسام وربنا يعوض عليك
على فكرة انت عارف مين إللى عمل معاك كدة - هو بغبوتة :-)

المشاركة الأصلية كتبت بواسطة eng_mkhalaf

مبروك يا حسام وربنا يعوض عليك
على فكرة انت عارف مين إللى عمل معاك كدة - هو بغبوتة :-)

لا لا لا يا حمادة، الظلم حرام، بغباوته - قصدى بسلامته - كان فى الشغل ساعة ما الأريال اتسرق