ازاى نقدر نعمل عزل كويس فى الانوس؟؟؟؟

**Sherif Khalifa** · 21-02-2008 01:01 AM

المشاركة الأصلية كتبت بواسطة ahmedezzat78

الصوف الزجاجى عازل للحراره
اللباد عازل للصوت

عتب ابواب الانوس مش معزول خالص و ممكن تعمل حاجتين:

فك الكراسى و الموكيت و افرش طبقه لباد اضافيه و تغطى بيها كل الاماكن العريانه
الحل الاسهل اللى انا عملته هوه حقن فوم داخل الأعتاب بس ده عيبه لو حبيت تعمل سمكره او لحام فى العتب فى المستقبل

حضرتك عملت الموضوع دا ازاى
و هل عمل فرق ؟

**ahmedezzat78** · 21-02-2008 02:21 PM

اولا: بلاش موضوع حضرتك ده .......... احنا فى سن بعض غالبا و بندردش عادى

ثانيا الحقن كالاتى:
اسطوانه الفوم بيبقى معاها انبوبه للحقن بتركبه زى Wd40
فكيت الاعتاب البلاستيك عند الابواب
حقنت الفوم من الفتحات بالعتب
الفوم من خواصه انه بيتمدد و ينفش و يملا المكان بالكامل و بعد الجفاف بيبقى عامل زى الفلين اللى بيجى مع الاجهزه الجديده

التحسن ملحوظ الى حد كبير

**MMamdouh** · 21-02-2008 02:34 PM

how much does a can of foam cost?

MMamdouh

**Sherif Khalifa** · 21-02-2008 05:04 PM

بس هل عزل منطقة العتب بس تكفى لعزل الصوت عن بقية العربية

و اية رائيك فى تجليد صاج الابواب بالصوف الحرارى من الداخل تحت الفرش؟

**ahmedezzat78** · 22-02-2008 03:10 AM

الصوف الزجاجى مناسب للاماكن المعرضه للسخونه و بيبقى مغطى بطبقة فضيه عاكسه للحراره وده تستعملو لو عايز تعمل عزل حرارى من ناحيه الموتور مثلا

ولو عزلت الابواب بطبقه لباد اتكيد هيفرق شويه مش ملحوظين (انا جربتها فى عربيه والدى عملت فرق مش كبير)

بس لو عملت طبقة لباد تحت الموكيت فى الارض و فى السدر خلف التبلوه هيديك نتيجه احسن لان الباب بطبيعته يعتبر عازل جيد للصوت لانه عباره عن طبقتين بينهم هواء و دى فكره عزل الصوت الشهيره

اللى خلانى فكرت فى حقن العتب اى باسمع اصوات حبات الرمل و الزلط الصغيرو الاوساخ بتخبط فى العتب و لما فكيت العتب البلاستيك لاقيت الموكيت راكب عليه مباشره و طبقه اللباد اللى تحت الموكيت فى الاجزاء الافقيه بس من الدواسه

كل ده بافتراض ان كاوتش الزجاج و الابواب سليم و محكم

**Santino** · 22-02-2008 03:48 AM

و جيبت الفوم ده منين ؟ و في منه أنواع و للا كله واحد ؟

الموضوع يشد الإنتباه فعلاً .

**ahmedezzat78** · 22-02-2008 02:35 PM

والله عشان انا فى شرم الشيخ بكلم مورد يشحن اللى انا عايزوه و استلموه عندى فى المكتب

لكن هوه بيتباع فى شارع الجمهوريه عند محلات التكيف و التبريد و كل اللى موجود فى السوق مستورد

**Santino** · 22-02-2008 02:58 PM

شكراً يا أحمد باشا ,

في أنواع معينة إنت بترشحها ؟

**megane_man** · 22-02-2008 03:05 PM

الفوم موجود في هايبر(1) انا جبته ب 38 جنيه وكنت عاوز اعمل موضوع حقن الأعتاب لما قريت ان اللانسر محقون الأعتاب بفوم وشوفت عربية مرسيدس حديثة في الحرفيين مقطوعة والقوايم بتاعتها فيها عزل زي الصوف الحراري بس انا لسه معملتوش بس خلي بالكم لو استخدمتو العلبة لازم تخلصوها لأنه لو استخدمت جزء وسيت الباقي هيبوظ

-

الموضوع: ازاى نقدر نعمل عزل كويس فى الانوس؟؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

ازاى نعمل حساس حرارة عادى...؟

حد يعرف نعمل كده ازاى

ازاى نقدر نحافظ على نظافة السيارات السوداء؟

نقدر نعمل ايه؟

لو حد عندة فكرة ازاى نقدر نعمل كدا ياريت يقووول

الكلمات الدلالية لهذا الموضوع

المفضلات

المفضلات

ضوابط المشاركة