صيانة الغد واسلوبه اللي يضايق

**prohossam** · 14-06-2010 12:51 AM

السلام عليكم ورحمة الله وبركاته

يارب كل الناس يكونوا بخير ان شاء الله
انا معايا جين 2 2010 عاملة حوالي 9500 كيلو

من كام يوم كنت ماشي بالعربية وبفتح النور بتاع الشبورة فلاحظت ان الاضاءة ضعيفة نزلت ابص لقيت ان الفوجة الشمال مش شغالة قلت اروح التوكيل تاني يوم ويارتني مارحت لان اتحرق دمي بجد

ركنت عربيتي ودخلت التوكيل
ملقتش المهندس اللي بيقابلني كل مرة عشان اقوله على مشاكلي
لقيت الراجل بتاع الحسابات تقريبا وسالني ايه مشكلتك
قلتله والله انا مشكلتي الفوجة الشمال مش بتنور وعاوز اشوف مشكلتها ايه
رده اللذيذ : طب هو انت ليه بتنورها ؟ متنورهاش تاني
قلتله نعم ؟
قالي ايوة بلاش تنورها .. انا مش عارف الناس اللي بتسوق دي وبتنورها دي بتنورها ليه
وقالي استنى شوية على اما نخلص العربية دي
استنيت شوية .. وبعدين جم يشتغلوا في عربيتي غيرولي اللمبتين بـ 50 جنيه

وطول ما الكهربائي بيغير اللمبة .. الراجل قاعد يقوله هو النور دا بينوره ليه اصلا ! كاني ارتكبت ذنب فظيع .. وان المفروض دي حاجة في العربية مستعملهاش او محطوطة اوبشن منستعملوش ..
او المفروض اني لما حاجة تبوظ عندي في العربية ادور الاول انا بستعملها ولا لا .. عشان افكر اغيرها ولا لا
بصراحة انا كنت عاوز ارد مش تمام بس قلت بلاش اقلل من نفسي لان الواد كان طالع من امتحان والجو حر ومش طايق نفسه والحمد لله

ومشيت وانا بجد متنرفز ومحروق دمي جدا جدا

لا والحاجة بقى اللي تنرفزك اكتر .. ان انا اللمبة بتاعت الفتيس بقالي بالضبط 5 شهور طالبها من التوكيل ومحدش عبرني
كل اما اروحلهم في كل صيانة يقولولي احنا طالبينها بس لسة مجتش فوت علينا بكرة .. كاني جاي اشتري لبن
فمش فاهم يعني معقولة هفضل ماشي بالعربية طول العمر كدة واللمبة دي محروقة ولا ايه

اسف للاطالة

**waelfarid** · 14-06-2010 12:57 AM

الله يكون في عونك
فعلا حاجات تضايق
وان شاء الله تفرج من عند ربنا

**weeja** · 14-06-2010 04:17 AM

للأسف الشديد أكبر عيب للعربية دي في مصر هو توكيلها سواء عز العرب أو الغد
أنا من المنصورة و مجرب الاتنين
بس جرب قابل ا.مصطفى في الغد هو راجل محترم جدا
انما الصنايعية اللي هناك و بتوع الحسابات تنكين و أسلوبهم بايخ
وممكن كل 5000 كم تشد على الصحراوي تعمل صيانتك و تقولهم اللي انت عايزه لمجرد انك تحافظ على ضمان العربية
واللمبة دي ممكن تجيبها من بره التوكيل عشان تنجز نفسك
وربنا يقويك عليهم

**r2tarek** · 15-06-2010 12:38 PM

أنا كمان من المنصوره وبعمل صيانتى عندهم بس دول لهم اسلوب لازم يتعملوا بيه متسمحش لحد يتكلم معاك بتهريج وخصوصا بتاع الحسابات على طول بيهرج وخالى بالك شغلهم مش قد كده لسه بيتعلموا

لو احتجت اى حاجه ابعتى على الخاص وانا تحت امرك فى وقت

**weeja** · 15-06-2010 02:31 PM

المشاركة الأصلية كتبت بواسطة r2tarek

أنا كمان من المنصوره وبعمل صيانتى عندهم بس دول لهم اسلوب لازم يتعملوا بيه متسمحش لحد يتكلم معاك بتهريج وخصوصا بتاع الحسابات على طول بيهرج وخالى بالك شغلهم مش قد كده لسه بيتعلموا

لو احتجت اى حاجه ابعتى على الخاص وانا تحت امرك فى وقت

بالظبط كده الشاب بتاع الحسابات ده لذيذ اوي

بس المهم رجالة الجين 2 في المنصورة كتروا ماشاء الله احنا لازم نتقابل ماينفعش كده

**Ayman_52** · 15-06-2010 03:06 PM

ياريت حضرتك تبعت الكلام دا للمهندس/امر على الايميل ammer@ezz-elarab.com

وبخصوص لمبه الفتيس , لو حضرتك تقصد اللمبه اللى بتنور مع النقل , موجوده فى التوكيل ... حضرتك ابعتلى اسمك وانا هاحجزلك واحده وخلى حد من الغد يجيى ياخدها

ولو فى اى مشكله واجهتك هناك تانى , ياريت تبعت للمهندس/امر على طول

وربنا يباركلك فى جينـا يارب ويحفظهالك ويكفيك شر الطريق يارب

تحيـــــــــــــــــــاتـ ــى

**prohossam** · 16-06-2010 06:43 AM

والله بجد متتخيلوش انا فرحت قد ايه لما دخلت المنتدى ولقيت ان في ناس من المنصورة ردوا
دانا افتكرت ان انا لوحدي الوحيد اللي من المنصورة معايا جين تو اكون سعيد جدا لو اتشرفت بيكم او قابلت حد من حضراتكم في المنصورة ( استاذ ويجا واستاذ وائل فريد واستاذ طارق شاكر ليكم جدا)

ايمن باشا نور موضوعي
انا والله يا ايمن بقالي بالضبط 5 شهور بسالهم عليها عموما انا بعتت لحضرتك اسمي في الخاص ورقم تليفوني
وان شاء الله هبعت الكلام دا في مسج للمهندس امر

**r2tarek** · 16-06-2010 07:22 AM

المشاركة الأصلية كتبت بواسطة prohossam

والله بجد متتخيلوش انا فرحت قد ايه لما دخلت المنتدى ولقيت ان في ناس من المنصورة ردوا
دانا افتكرت ان انا لوحدي الوحيد اللي من المنصورة معايا جين تو اكون سعيد جدا لو اتشرفت بيكم او قابلت حد من حضراتكم في المنصورة ( استاذ ويجا واستاذ وائل فريد واستاذ طارق شاكر ليكم جدا)

وأنا اسعد والله وانشاء هرجع مصر على اول الشهر وهكلمك وهنتقابل ياريت تبعتلى رقمك على الخاص

سلام

**tutankhamoun** · 16-06-2010 10:43 AM

طبعا الله يكون في عونك ياباشا
بس واضح جدا أن الناس دي أولا قليلة الذوق و ميعرفوش ازاي يعاملوا عملاء
و الأهم أنهم غير محترفين

أساسا ده مش شأنه أشغلها أو ما أشغلهاش ,,,,,,,,,, أيه الناس دي ؟؟؟؟؟؟؟؟؟؟؟؟؟

لازم تشتكي في رسالة محترمة لصاحب مركز الغد و تعرفه أن الناس اللي شغاله معاه ناس أي كلام علشان الموضوع ما يتكررش مع ناس تانية و علشان يحترمه نفسهم شوية و يصلح و هو ساكت ......... هو أنت أخدت حاجة ببلاش ؟؟؟؟ مش دفعت ثمنها ؟؟؟

حاجة غريبة و الله .....