الدعامه الى بين المساعدين دى نجيبها منين وبكام انا بدور عليها لو حد يفيدنا ربنا يكرمه
عرض للطباعة
الدعامه الى بين المساعدين دى نجيبها منين وبكام انا بدور عليها لو حد يفيدنا ربنا يكرمه
الركبة دي اللي بيتربط فيها المقص .... المقص بيبقي ليه 3 اتجاهات ناحية في الفردة نفسها وناحية في العربية من تحت وناحية في الركبة المقصودة ودي بتبان ورا فردة الكاوتش علي طول .... السؤال هل الركبة دي بتتغير لأني فعلا اكتشفت ان كان فيها لحام قديم
ممكن عربية 2010 ويحصل معاها كدة . دي كلها أقدار بس الحمد لله انه بيسترها ... بالنسبة للأعراض انا فعلا حسيت بتغيير في العربية قبل مايحصل اللي حصل ونزلت بصيت بس ماشفتش حاجة ومشيت وحصل الموضوع بعديها ب10 دقايق تقريبا .... أولا لقيت العربية بتحدف يمين ولقيت العربية عشان تمشي في خط مستقيم تارة الدركسيون بتبقي مكسورة شمال شوية وكل دة مكنش موجود .... ونصيحة لجميع الأخوة أول ماتحس بالأعراض دي مرة واحدة ياريت ماتمشوش بالعربية قبل الكشف عليها لأني اول مرة تحصل معايا الحكاية دى وفعلا ربنا سترها معايا بجد وكان ممكن النتايج تبقي أخطر من كدة وربنا يكفينا شر عربيتنا جميعا
الركبة ديه هيا الجزء الى بيركب عليه المقص والمتصل بشاسيه العربية اما الشمعدان ده الجزء الى بيركب جواه المساعد الأمامي وبيتصل بالمقص عن طريق بيض المقصات ..
موضوع كسر الركبة ده شفته قبل كده في عربية لانوس كانت بتتأجر وكان العفشجى بيلحم فيها من تحت ولما سألته عن السبب قالى زي ما انتا شايف العربية كلها متدمرة وكمان ماشية بالمساعدين بايظة بقالها سنين..
انا كمان بشوف عربيات بتيقى حوالين الثلاث مسامير بتوع البطاحه بتبقى متكسرة برضه ...
ورأيي في الموضوع ده ان الموضوع بيرجع لنظام صيانة العفشة الدورى وتغيير المساعدين التالفة لآن كل التكسير ده بيحصل بسبب المساعدين التعبانة ..
كلامك معقول جدا بس انا بعدماشتريت العربية اكتشفت ان الجزء ملحوم قبل كدة وبعمل صيانة للعفشة باستمرار والمساعدين غيرتهم وحالتهم جيدة ومفيش اي تكسير ظاهر خالص في الحوض تقريبا ان اللحام القديم مع الوقت فتح تاني ... السؤال - هل الجزء دة بيتغير ولا لأ ؟ ... ولك الشكر
معتقدش دة بيتغير... دا جزء من الشاسية
MMamdouh