الي مش في العزبي
يبقا مش في أي مكان تاني
عرض للطباعة
أشكرك يا باشا ومعلش إنه كان سؤال في غير محله.
جميل انك فتحت الموضوع ده يا دكتور احمد
كنت عايز اسأل حضرتك عن غش الادوية اللي بتتاخد في الوريد وخصوصا زي ما حضرتك اتكلمت عن المضادات الحيوية الفيال vials
سؤالي هو
الغش فيها بتغيير اسم المنتج زي ما حضرتك شرحت ولا بيكون في الماتيريال نفسها ؟
لان الموضوع خطير يجي الواحد يدي العيان حقنه سيفوتاكس وريد تطلع حقنة نشا مثلا !!!
شكرا بارك الله فيك
انا والدتى بتاخد انسولين اسمة ماكستارد 100 دة بحاجة وتلاتين تقريبا وفية زية ب10 ج بس ...مرة اخويا الصغير راح يجيب المكاستارد 100 ادولوا الى ب 10 دة وحاسبوة على حاجة وتلاتين ....بس رجعناها وعملوا نفسهم غلطانين وان احمد قلهم على الاسم غلط ...مع انة كان واخد ورقة مكتوب فيها الاسم بالظبط
...ودى تعتبر من انوع الغش تقريبا
جزاك الله كل خير على التنبيه
ده موضوع كا كتتبة eng octooo و ياريت تفيدنا فيه
صباح الخير
كنت من كام يوم شفت برنامج اجنبى اسمة the doctors على ام بى سى 4 وكانوا بيتكلموا عن اعراض القولون ومشاكلة
وكان اكثرها شيوعا
صداع
حرقة المعدة
عدم انتظام ساعات النوم
الاحساس بالخمول
الامساك
برد وانفلونزا
احتباس السوائل
وحاجات تانى كتييييرر
وقالوا ان لازم الناس تواظب على استخدام جهاز تنظيف القولون كل 3 شهور
او دواء عبارة عن منظف للقولون كل شهر ونص
بس عملت سيرش ومالقيتش حاجة فى مصر تحت بند منظف القولون
ياترى حد سمع حاجة عن منظف القولون ؟ وهل صحيح لية فايدة ؟
ولو موجود اسمة اية ؟ والجرعة ومدة العلاج والاعراض الجانبية والسعر ؟؟