الموضوع: خبر عاجل أرخص سيارة فى العالم الأن فى مصر تاتا نانو الهندى

يا جماعه بيقولو كو اخر سرعتها 90 يعنى عاوز الناس بتاعة زمان هيا اللى تسوقها
ولا اييييييييه يعنى ولا تنفع فى سفر ولا غيرو اخرها داخل منطقة حلوان وشكرا

يا جماعه مع كامل احترامى لكلامكم ...............

انتو بتقولو العربيه لو انتشرت حتبقى كارثه ... علاشان كل الناس " المطحونه الى بتتبهدل فى المواصلات " حتشتريها ؟ طيب هيه ديه مش انانيه !!
من حق اى حد انه يمتلك عربيه طلاما انها فى امكانياته وحتحفظله كرامته من البهدله فى المواصلات

ياريت تفكرو فى كلامى من منظور " شاب ومتجوز وبتتبهدل فى المواصلات انتا ومراتك وكل يوم بتعمل خناقه فى المواصلات بسبب الناس الحقيره الى معندهاش ريحه الادب " ..........
او
" رجال متجوز وعنده طفلين ودخله على قده وكل ماينزل فى حته يا اما يتبهدل هو ومراته وعياله فى المواصلات ..... او يتخرب بيته فى التاكسى "

بلااااااااااااش نتكلم من البرج العالى

فى ناس كتير اوى محترمين ومثقفين و للاسف دخلهم منخفض جدا ...... من حقهم انهم يحسو بأدميتهم . حتى لو فى عربيه هندى ب 20000 جنيه بالتقسيط .

حلم امتلاك سياره مش مقتصر علينا احنا بس.

صح يا مهاب . و الله انا شايف وجهه نظر عكسيه .

المنتج الهندى دايما يتميز بالاستحمال . و حلم ناس كتير انها تركب عربيات . و متهياللى المنتج الهندى احسن من الصينى و بالاخص انه منتج عملى و كلنا شايفين السوزوكى الهندى فى مصر عامله ايه و شغاله تاكسى فى المحافظات .

بالذمه لما عربيه زى دى تنزل مش احسن من الصينى اللى الناس بتتندم انها اشتريته ؟ و الا احنا نحب المنظره و بس ؟ نشترى الصينى الاوتوماتيك و المكيف اللى يبوظ بكره و الا الهندى اللى يعيش و عملى ؟

كلامى مش موجه لشخص بعينه . بس لفكر معين . عشان ما حدش بس يفكر انه باوجه الكلام لحد بعينه .

و بعدين بقى اللى يدخل على موقع الشركه يعرف اكتر و يشوف كلمه رئيس مجلس الاداره يعرف الشركه دى قد ايه عايزه تغزو العالم بالسياره دى و اسمها سياره الشعب . و على فكره مصنع الماروتى بيفكر يوقف انتاج الماروتى 800 ام 36 الف جنيه لان النانو الجديد هتضربه فى مقتل لان العربيه اوسع 21% من الداخل عن الماروتى و اقل فى الحجم 8% عنها . يعنى افضل من الماروتى من كذا جنب . غير استهلاك البنزين كمان .

على فكره هما عايزين يعدوها من اختبارات السلامه الاوروبيه و الكلام ده قالو رئيس مجلس الاداره وقت الاعلان عن السياره النانو من فتره و كله على موقع الشركه .

المشاركة الأصلية كتبت بواسطة botros

صح يا مهاب . و الله انا شايف وجهه نظر عكسيه .

المنتج الهندى دايما يتميز بالاستحمال . و حلم ناس كتير انها تركب عربيات . و متهياللى المنتج الهندى احسن من الصينى و بالاخص انه منتج عملى و كلنا شايفين السوزوكى الهندى فى مصر عامله ايه و شغاله تاكسى فى المحافظات .

بالذمه لما عربيه زى دى تنزل مش احسن من الصينى اللى الناس بتتندم انها اشتريته ؟ و الا احنا نحب المنظره و بس ؟ نشترى الصينى الاوتوماتيك و المكيف اللى يبوظ بكره و الا الهندى اللى يعيش و عملى ؟

كلامى مش موجه لشخص بعينه . بس لفكر معين . عشان ما حدش بس يفكر انه باوجه الكلام لحد بعينه .

و بعدين بقى اللى يدخل على موقع الشركه يعرف اكتر و يشوف كلمه رئيس مجلس الاداره يعرف الشركه دى قد ايه عايزه تغزو العالم بالسياره دى و اسمها سياره الشعب . و على فكره مصنع الماروتى بيفكر يوقف انتاج الماروتى 800 ام 36 الف جنيه لان النانو الجديد هتضربه فى مقتل لان العربيه اوسع 21% من الداخل عن الماروتى و اقل فى الحجم 8% عنها . يعنى افضل من الماروتى من كذا جنب . غير استهلاك البنزين كمان .

على فكره هما عايزين يعدوها من اختبارات السلامه الاوروبيه و الكلام ده قالو رئيس مجلس الاداره وقت الاعلان عن السياره النانو من فتره و كله على موقع الشركه .

اعتقد انها صعب تنافس الماروتى علشان الماروتى 3 سلندر اما هى ف 2 سلندر بس يعنى عربية موتورها ضعيف الى حد كبير