قها للمنتجات الغذائيه والعصائر انها حقا شركه مظلومه

**mazagngi2010** · 14-06-2010 11:54 PM

aboo_aead
ولا تدذهل ولا حاجه اصل عندهم صفيح كتير ومش عارفين يخلصوا منه ياراجل دول حتى مغيروش طريقه الفتح وخلوها زى الكانزات او رفعو طبقه الصفيح نفس العلبه ومليانه على عينها زى ماهيا

**mazagngi2010** · 15-06-2010 12:11 AM

المشاركة الأصلية كتبت بواسطة mostafaismail

انا علطول بشترى منتجات قها من خير زمان شارع المنيل. واعتقد انها موجودة فى باقى فروع خير زمان.

ده خبر حلو قوى ياريت تكون فى كل فروعهم وانا هبقى اتاكد بكره ان شاء الله
شكرا ياباشا

**ah-gawad** · 15-06-2010 01:20 AM

طيب يا ريت يا جماعة لو حد يعرف منفذ بيع للشركة بالاسكندرية اكون شاكر جدا لان فعلا مش موجودة بالاسواق تقريبا الا قليل اوي بس بعد كده هدور عليها لاني زهقت من جهينة و تانج للاولاد

**zkralla** · 15-06-2010 01:22 AM

أنا كنت وانا صغير باسافر مع الحاج - ربنا يديله طوله العمر - البلد كنا بنعدى على قها وكان فيها كشك جميل وكنت بقعد اقوله
قها فاضلها اد أيه يا بايا عشان بابقى مستنى العصر ده
الكشك ده كان على الطريق الزراعى نفسه على مدخل المدينه

**Abo_Lina** · 15-06-2010 01:29 AM

من كلامكو واضح إنها منتجات مميزة ..
بس التطوير في مصر غائب تماما ..مش صعبة و الله يتطوروا شوية ..
بس إن شاء الله هابقى أجيب بعضا من منتجاتهم للتجربة..و أبقى أجيب فتاحة

**Abdo_Eldesokey** · 15-06-2010 02:18 AM

يا خسارة .. كنت راجع مرة مع واحد قريبي وقالي اقف عند الكشك بتاع قها عشان نجيب عصير وأنا الي كسلت

إن شاء الله أجربه في أقرب فرصة

**mazagngi2010** · 15-06-2010 02:36 AM

على فكره سالت دلوقتى فى خير زمان اللى فى فيصل ومعندوش منتجات قها اصلا فواضح ان قها مش شغاله فى كل خير زمان للاسف

المشاركة الأصلية كتبت بواسطة Ahmed Nouh

كان لغايه قريب اللعبه سهله الفتح زى الكانز كدا بس مش عارف رجعو يعملوها تانى مبتفتحش ليه زى ما يكون استخسروا السهوله فى الفتح على الناس وقالك لا تعالى نقرفهم شويه

منتجات الشركه رائعه وانا مسافر دايما لازم اقف اشترى مربات وعصاير منهم ومستحيل تلاقى حاجه فى السوق بنفس الطعم خصوصا عصير المانجه بتاعهم الطعم غير اى عصير فى السوق

ده حتى كوبرى قها اللى بعد المنفذ كل مستخدمى الطريق عارفينه بكوبرى العصير :)

شركه بتتفنن فى الفشل وفعلا اسمه كوبرى العصير واضح انك مخضرم فى المواضيع دى

المشاركة الأصلية كتبت بواسطة fdido26

طيب يا ريت يا جماعة لو حد يعرف منفذ بيع للشركة بالاسكندرية اكون شاكر جدا لان فعلا مش موجودة بالاسواق تقريبا الا قليل اوي بس بعد كده هدور عليها لاني زهقت من جهينة و تانج للاولاد

معرفش بصراحه كان نفسى اخدمك كلمه خدمه المبيعات بتاعتهم

المشاركة الأصلية كتبت بواسطة zkralla

أنا كنت وانا صغير باسافر مع الحاج - ربنا يديله طوله العمر - البلد كنا بنعدى على قها وكان فيها كشك جميل وكنت بقعد اقوله
قها فاضلها اد أيه يا بايا عشان بابقى مستنى العصر ده
الكشك ده كان على الطريق الزراعى نفسه على مدخل المدينه

متخفش ولا تشيل هم الكشك لسه زى ماهو ضد الزمن متغيرش

المشاركة الأصلية كتبت بواسطة Tyler_Durden

من كلامكو واضح إنها منتجات مميزة ..
بس التطوير في مصر غائب تماما ..مش صعبة و الله يتطوروا شوية ..
بس إن شاء الله هابقى أجيب بعضا من منتجاتهم للتجربة..و أبقى أجيب فتاحة

فتاحه اللى بسن علشان تخرم العلبه وتدخل الشفاط حتى الشفاط قديم وممكن يعور لسانك

المشاركة الأصلية كتبت بواسطة Abdo_Eldesokey

يا خسارة .. كنت راجع مرة مع واحد قريبي وقالي اقف عند الكشك بتاع قها عشان نجيب عصير وأنا الي كسلت

إن شاء الله أجربه في أقرب فرصة

المهم العصير ابو علبه صفيح ده احسنهم value for money

وخليه يفتحها لك عادى وقابلنى لو عرفت تخلصها من اول مره هتاخد منك ربع ساعه لو صممت تبرقعها مره واحده (علبه متخلصش)

-

-

-

الموضوع: قها للمنتجات الغذائيه والعصائر انها حقا شركه مظلومه

LinkBack

أدوات الموضوع

عرض

-

-

-

-

-

-

-

المواضيع المتشابهه

ّّّّّّّ بــكــل هـدوء انها land cruiser 2012 انها حقا تويـــوتا -------

★★★_من لا يدرك انها تـويـوتـا فلــــيعرف انها ياريس rs gs النسخة الاكثر رياضية_★★★

شركه التموبن العربى فى السعوديه وكيل شركه مارس الامركيه ايه رايكم

مظلومه يا هوندا

المكملات الغذائيه

الكلمات الدلالية لهذا الموضوع

المفضلات

المفضلات

ضوابط المشاركة