لمبة الاعطال تنور وتطفى عند 90:100

**samirayad** · 14-06-2010 10:29 PM

لو بصيت على بوابة المكنه حتشوف بكرة الأكسراتير

أطلع لفوق بأه

حتلاقى خرطوم رفيع راكب على الزور بتاع البوابه من فوق من جنب

ورايح لبلوك أسود من جانبه الآخر ( فوق فلتر البنزين اللى راكب على سدر الغرفه )

البلوك الأسود ده ....اللى راكب على سدرالغرفه ....هو ده حساس الماب

شيك كويس على تركيب الخرطوم ده من الجانبين

ومن رأيى بلاش تغير أى حساسات

ألا أما تعمل أسكان تانى ( عند مركز خدمه كويس )

علشان برضه تتأكد من العطل اللى خللى لمبة الأعطال تنور معاك

وبلاش برضه تغير رشاشات ولا حاجه طالما العربيه بدور معاك

كويس والبوجيهات بتلاقى حريقها معقول

ومعلش أنا بأحاول أوصفلك وضع خرطوم حساس الماب ومكان تواجده على قد ما قدرت

وكنت عاوز أرفعلك صوره ....بس النت مش مساعدنى حقيقى

**MMamdouh** · 15-06-2010 02:23 AM

المشاركة الأصلية كتبت بواسطة monol

متشكر جدا يا بشمهندس ممدوح وانا فعلا شاكك فيه لانها كمان بتاكل بنزين لكن مش متاكد لكن مش عارف اشتريه انا واغيره برة ولا اروح توكيل تانى ,مع خالص الشكر,ابراهيم نبيل

متشتريش مسمار الا لما تحط العربية على سكانر عند ناس بتفهم و تتاكد 100% من مصدر العطل... بعد كدة اشترى بقلب جامد

MMamdouh

**MMamdouh** · 15-06-2010 02:31 AM

المشاركة الأصلية كتبت بواسطة monol

بالنسبة للرشاشات فى ناس كتير فنيين قالو تركيب رشاشات هيونداى اكسنت للانوس افضل وعمرها اطول واقتصادية فى استهلاك البنزين,فما رايكم فى هذا الموضوع ,وشكرا ,ا/نبيل

افضل من ايه بالضبط؟؟... من الرشاشات الاصلية ولا الBMW؟؟؟... لو قصدهم الاصلية يبقى كلام صح و لو قصدهم الBMW يبقى دة تاليف

قصة عمرها اطول دى محدش يقدر يحكم فيها دلوقتى لان محدش ركب رشاشات هيونداى او BMW و باظت منة بالتالى نقدر نحدد عمر افتراضى ليها... انا مركب رشاشات BMW من 3 سنوات و عامل بيها ازيد من 40 الف كيلو و الحمد لله زى الفل...

لو الكلام على رشاشات الدايو الاصلية يبقى طبعا الهيونداى افضل لان اتخن رشاش دايو قعد معايا 60 الف و مات... و البديل اشتغل 40 الف و مات برضة

موضوع توفير البنزين دة علية جدل كبير و كان فيه نية لعمل تجربة للمقارنة و لم تتم حتى الان بالتالى محدش يقدر يجزم ان رشاشات الهيونداى فعلا موفرة للبنزين لان المقارة الوحيدة اللى اتعملت كانت بينهم و بين رشاشات الدايو التالفة بالتالى لازم النتيجة تبقى فى صالح رشاشات هيونداى

الاكيد ان رشاشات الهيونداى بتخنق العربية و بتقلل من سحبها

MMamdouh