جالي امبارح عرض إني أسافر قطر ومحتاج ارائكم

يا جماعة أنا دلوقتي لما باستشير حد باكتب هنا ليكو عشان كتير مش بلاقي حد يفيدني زي هنا
امبارح في واحد كلمني وقال لي إنه جايب السي في بتاعتي من على ال
American Chamber
وكان بيسألني إذا كنت بدور على شغل بره ولا لأ
أنا قلت طبعا .. أيوه بدور
المهم قال لي طيب احنا محتاجين واحد في نفس مجالك (Administration Assistant) في قطر وال عقد 5 سنين
قلت أوكيه بس إيه المطلوب مني عشان اعمله ... قال لي ابعتلي السي في ال اب دتيد وهتصل بيك إن شاء الله عشان الانترفيو.


ها يا جماعة ... أنا معرفش حاجة عن قطر دي خالص ولا ظروف العيشة هناك إيه ولا عملتها إيه أصلا

فـياريت لو حد عنده معلومة يكتبها وجزاه الله خيرا
اخوكم معتز

ربنا يكرمك يا رب
انا الحقيقه ما اعرفش ايه ظروف الشغل فى قطر او العيشه عامله ازاى
بس من رأيى انك امشى معاه للاخر شوف الاوفر نفسه عامل ازاى و اعمل سيرش على النت على دوله قطر شوف الحياه الاقتصاديه ظروفها ايه يعنى العيشه هناك غاليه و الا ايه .. و شوف الاوفر ده هيكفيك تعيش هناك و تحوش منه و الا يا دوب هتعيش بيه و الا مش هيكفى اصلا .. الى جانب انك تستعين على قضاء حوائجك بالكتمان يعنى ما تحكيش الموضوع غير لحد انت واثق فيه و متأكد انه هيديك رأى يفيدك
و فى النهايه استخير ربنا و ربنا يعمل لك اللى فيه الخير و يكرمك

قطر تاني افضل دولة عربية بعد الامارات
حلوة ومعاملة الناس حلوة و العيشة حلوة
انا من لو انت معاك خبرة سافر
انما لو معاكش يفضل تاخد خبرة الاول عشان لما ترجع تلاقي شغل

1- مبروك مقدما
2- لاتتردد فى قبول العرض و لكن بشروط
انا والدى عايش فى قطر من فتره كبيره البلد جميله جدا و اهلها ناس كويسيين و فيها مصريين كتير برده و لكن
العقد بتاعك لاااااااااااازم يكون السكن على حسابهم علشان السكن هناك غالى جدا و خد بالك لو هتسافر لواحدك ممكن تسكن فى شقق تبع الشركه الشقه بيكون فيها عدد معين من الموظفين
لكن لو اتجوزت و هتاخد مراتك معاك لازم يكون فى نص فى العقد ان هما هيوفرولك سكن مستقل او هتاخد بدل سكن
تانى حاجه التامين الصحى لازم يكون عليهم عشان المستشفيات و الادويه و حاجات التامين الصحى دى هناك برده غاليه
و الشركات المحترمه بيكون فيها بدل مواصلات يعنى بتاخد بدل مواصلات عشان المواصلات هناك برده غاليه او ممكن لو بتعرف تسوق تاخد عربيه من الشركه او تشترى انت عربيه
و طبعا تذاكر الطيران عليهم لحضرتك و للزوجه
غير كده مصاريف المعيشه هنام كاكل و شرب عاديه مش غاليه اوى و مش رخيصه العادى يعنى و لو فى اى استفسار انا تحت امرك

أهم شئ يكون العرض شامل السكن والانتقالات والتأمين الصحي
لو العرض لا يشتمل على السكن أوعى تروح
زي ما وضح Eng. Muhammad

اقتباس:

---

المشاركة الأصلية كتبت بواسطة haneen83

ربنا يكرمك يا رب
و شوف الاوفر ده هيكفيك تعيش هناك و تحوش منه و الا يا دوب هتعيش بيه و الا مش هيكفى اصلا

---

ألف شكر يا أستاذ haneen ودي النقطة اللي أنا بدور ليها على إجابة وأتمنى إن حد من الأخوة يفيدنا فيها .. لأني مش عارف بالضبط العمله أصلا اسمها إيه ولو قال لي هنديك مثلا 20000 لحلوح اوافق ولا أو لو قال لي هنديك 200 سنسن مثلا أقبل برده ولا لأ ... مع العلم إني عندي 29 سنة ولسة بفكر إني أتجوز ... فـبصراحة مش عارف هناك عشان أعيش مستريح واحوش يبقى minimum كام

اقتباس:

---

المشاركة الأصلية كتبت بواسطة aly_hosny

قطر تاني افضل دولة عربية بعد الامارات
حلوة ومعاملة الناس حلوة و العيشة حلوة
انا من لو انت معاك خبرة سافر
انما لو معاكش يفضل تاخد خبرة الاول عشان لما ترجع تلاقي شغل

---

شكرا على النصيحة وبصراحة إنت شجعتني إني أسافر .. الحمد لله في خبرة مش وحشة

اقتباس:

---

المشاركة الأصلية كتبت بواسطة eng/muhamad

1- مبروك مقدما
2- لاتتردد فى قبول العرض و لكن بشروط
انا والدى عايش فى قطر من فتره كبيره البلد جميله جدا و اهلها ناس كويسيين و فيها مصريين كتير برده و لكن
العقد بتاعك لاااااااااااازم يكون السكن على حسابهم علشان السكن هناك غالى جدا و خد بالك لو هتسافر لواحدك ممكن تسكن فى شقق تبع الشركه الشقه بيكون فيها عدد معين من الموظفين
لكن لو اتجوزت و هتاخد مراتك معاك لازم يكون فى نص فى العقد ان هما هيوفرولك سكن مستقل او هتاخد بدل سكن
تانى حاجه التامين الصحى لازم يكون عليهم عشان المستشفيات و الادويه و حاجات التامين الصحى دى هناك برده غاليه
و الشركات المحترمه بيكون فيها بدل مواصلات يعنى بتاخد بدل مواصلات عشان المواصلات هناك برده غاليه او ممكن لو بتعرف تسوق تاخد عربيه من الشركه او تشترى انت عربيه
و طبعا تذاكر الطيران عليهم لحضرتك و للزوجه
غير كده مصاريف المعيشه هنام كاكل و شرب عاديه مش غاليه اوى و مش رخيصه العادى يعنى و لو فى اى استفسار انا تحت امرك

---

ياباشمهندس محمد واللهِ اوجزت فـاوضحت بدون مبالغة
بس ياريت تقولي العمله اسمها إيه وبتساوي كام بالمصري

اقتباس:

---

المشاركة الأصلية كتبت بواسطة أبو حمزة

أهم شئ يكون العرض شامل السكن والانتقالات والتأمين الصحي
لو العرض لا يشتمل على السكن أوعى تروح
زي ما وضح Eng. Muhammad

---

شكرا للتأكيد يا أستاذ أبوحمزة وإن شاء الله هقولكم على العرض أول لما اجي من المقابلة

اقتباس:

---

المشاركة الأصلية كتبت بواسطة moatazbunny

ياباشمهندس محمد واللهِ اوجزت فـاوضحت بدون مبالغة
بس ياريت تقولي العمله اسمها إيه وبتساوي كام بالمصري

---

بعد إذن باشمهندس محمد، العملة ريال قطري ويساوي حوالي جنيه ونصف

ريال قطري بحوالي جنيه و نص

اقتباس:

---

المشاركة الأصلية كتبت بواسطة eng/muhamad

1- مبروك مقدما
2- لاتتردد فى قبول العرض و لكن بشروط
انا والدى عايش فى قطر من فتره كبيره البلد جميله جدا و اهلها ناس كويسيين و فيها مصريين كتير برده و لكن
العقد بتاعك لاااااااااااازم يكون السكن على حسابهم علشان السكن هناك غالى جدا و خد بالك لو هتسافر لواحدك ممكن تسكن فى شقق تبع الشركه الشقه بيكون فيها عدد معين من الموظفين
لكن لو اتجوزت و هتاخد مراتك معاك لازم يكون فى نص فى العقد ان هما هيوفرولك سكن مستقل او هتاخد بدل سكن
تانى حاجه التامين الصحى لازم يكون عليهم عشان المستشفيات و الادويه و حاجات التامين الصحى دى هناك برده غاليه
و الشركات المحترمه بيكون فيها بدل مواصلات يعنى بتاخد بدل مواصلات عشان المواصلات هناك برده غاليه او ممكن لو بتعرف تسوق تاخد عربيه من الشركه او تشترى انت عربيه
و طبعا تذاكر الطيران عليهم لحضرتك و للزوجه
غير كده مصاريف المعيشه هنام كاكل و شرب عاديه مش غاليه اوى و مش رخيصه العادى يعنى و لو فى اى استفسار انا تحت امرك

---

أنا عييشت فـقطر 3 سنين اللي بيقول عليه الراجل ده هو ده الصح بظبط لو كل ده لازم لو عملت الكلام ده إن شاء الله هيبقى كله تمام وهيا دولة حلوة جدا وهتعجبك العيشة هناك

نصيحة أخيرة
شوف الموقع بايت Jobs in Dubai, UAE, Saudi Arabia, Qatar, Kuwait | Search Job | Bayt.com قبل ما تروح المقابلة عشان يبقى عندك فكرة متوسط الرواتب والمميزات هناك عاملة إزاي

نفس كلام eng/muhamad واتأكد ان المكان هايديلك تأمين صحي في العقد وسكن ولو انت متزوج يبقى سكن عائلي وعلى فكره لو مكان كبير او حكومي زي قطر فانديشن او قطر للبترول بيدوك مميزات اكبر كمان
- مدارس لولادك بحد اقصى 2 الكلام ده كان في قطر فانديشن مدارس دولية
- تأمين صحي شامل ليك ولولادك
- سكن عائلي مؤسس من الإبره للصاروخ شامل انترنت وتليفون وميه وكهربه
- او بدل سكن وبدل تأسيس وخد بالك من بدل تأسيس دي بيدوها في البداية عشان تفرش بيتك لو هايدوك سكن مش مؤسس لو مكان خاص عاليا مش بيوا
- العيشه هناك مش غاليه اوي بس مش رخبصه يعني لو انت اسره انا شايف في الوقت الحالي مرتبك مايقلش عن 8 او 9 غير السكن
أنا عيشت هناك سنتين من 2006 الى 2008 احلى سنتين في عمري

اقتباس:

---

المشاركة الأصلية كتبت بواسطة zalabany

نفس كلام eng/muhamad واتأكد ان المكان هايديلك تأمين صحي في العقد وسكن ولو انت متزوج يبقى سكن عائلي وعلى فكره لو مكان كبير او حكومي زي قطر فانديشن او قطر للبترول بيدوك مميزات اكبر كمان
- مدارس لولادك بحد اقصى 2 الكلام ده كان في قطر فانديشن مدارس دولية
- تأمين صحي شامل ليك ولولادك
- سكن عائلي مؤسس من الإبره للصاروخ شامل انترنت وتليفون وميه وكهربه
- او بدل سكن وبدل تأسيس وخد بالك من بدل تأسيس دي بيدوها في البداية عشان تفرش بيتك لو هايدوك سكن مش مؤسس لو مكان خاص عاليا مش بيوا
- العيشه هناك مش غاليه اوي بس مش رخبصه يعني لو انت اسره انا شايف في الوقت الحالي مرتبك مايقلش عن 8 او 9 غير السكن
أنا عيشت هناك سنتين من 2006 الى 2008 احلى سنتين في عمري

---

على فكره الكلام اللى انا كتبته ده عن اقل العروض و المفروض ميقبلش اقل منها اطلاقا
لكن طبعا فى شركات تانيه بيكون فيها امتيازات اكتر من كده

معتقدتش ان بقى فى المرتبات دى دلوقتى 8 و 9 دول مستحيل طبعا انا ليه واحد قريبى دكتور هناك بياخد تقريبا 6 ودكتور

اقتباس:

---

بعد إذن باشمهندس محمد، العملة ريال قطري ويساوي حوالي جنيه ونصف

---

يا باشا اتفضل براحتك مش محتاج اذن احنا كلنا هنا عشان نساعد بعض
الريال القطرى فعلا ب 1.54
جنيه و و اربعه و خمسين قرش
معلومه احب اضيفها لو حضرتك هتسافر ان شاء الله
و انت هناك حاول يكون ملكش دعوه بالسياسه خااااااالص و لا تجيب سيره العائله المالكه اصلا و لا بخير و لا بشر خليك فى حالك

اقتباس:

---

معتقدتش ان بقى فى المرتبات دى دلوقتى 8 و 9 دول مستحيل طبعا انا ليه واحد قريبى دكتور هناك بياخد تقريبا 6 ودكتور

---

كلا سليم بس على حسب الخبره لو معاك خبره كويسه هتاخد كتييييييير
لو حديث التخرج او خبره سنه مثلا هتكون فى الحدود دى

يا جماعة بجد شكرا ليكو مساعدتكم ليه .. جزاكم الله خيرا وإن شاء الله هقولكم على اللي هيحصل

لو مش مرتبط هنا او مش متزوج سافر يعنى انته هتشوف ايه هناك اوحش من هنا ياعم اتوكل على الله