الموضوع: استفسار بخصوص فرامل الجين2

المشاركة الأصلية كتبت بواسطة tweety26980

حبيبي هي فرامل الجن 2 كده
وده هيكون رد التوكيل على حضرتك صدقني

اتعامل مع العربيه ان هي دي فراملها
مش قويه اوي يعني

تحيياتي

فعلاً عندك حق.ده إللى حصل بس مش بالضبط

المشاركة الأصلية كتبت بواسطة esam123

الموضوع الى حضرتك ذكرتة خطير ولا يسهان بية دى روح انسان شكوتك مش هتخرج عن 3 حاجات سيرفو الفرامل او ماستر الفرامل او بساتم الفرامل < دشم الفرامل > وتحرك سريعا لان حدث لى ذلك فى مرة وكادت ان تودى بحياتى وربنا سترها الحمدلله

أنا رحت التوكيل - الصحراوي - علشان أشوف موضوع الفرامل وبالمرة أعمل صيانة الـ 10,000 . وطبعاً كان أول رد "هي دي فرامل العربية الطبيعية. أهو ده الـ ABS" وطبعاً لما حاولت أوضح إن ده مش أول ABS في حياتي كان الرد "متقارنش عربيتنا بعربيات تانيه، هوه ده الـ ABS بتاعنا" وعلشان أكون صادق ولا أبخس الناس حقهم جربولي عربية تانية عامله 450 كم وكان فيها نفس الخشونه، كأن فيه حاجه بتحك في الأرض (أنا بقصد لما الـ ABS يشتغل)

المهم ما علينا. المشكلة الأكبر إن العربية كانت مش بتقف على طول وبتزحف لو دايس وفرملت فجأة. وبعد ما كشفوا عليها إكتشفوا إن التيل تقريباً خلصان ومحتاج يتغير وكمان الطنابير باظت.

والعمل يا جماعة؟ّ
قالوا ولا يهمك، الطنابير ضمان وعلينا يا سيدي ولا تزعل نفسك بس هتدفع تمن التيل الجديد.
يا جماعة، ده لسه يادوب مكمل ال 10,000 كم وأنا جاي في الطريق!!! فيه في الدنيا تيل بيخلص في 10,000 كم؟!!
قالوا، التيل بتاعنا كده. 10 أو 15 بالكتير.
طبعاً دماغي لفت. قلت لهم مش معقول! ماهوا مش طبيعي إني كل ماجي أعمل صيانة أغير التيل.
ردهم كان، ده عادي ....
طيب بكام التيل ده؟!!
ودي أظرف نقطه في الموضوع
ردهم كان:
Line A --> 1250 وده اللي مش بيصفر وطبعاً من غير مصنعية التركيب
Line B --> 250 وده اللي بيصفر وطبعاً من غير مصنعية التركيب
Line C --> 150 وتقريباً ده إللى مش بيوقف

حاولت اتخيل الموقف... كل 10,000 كم أروح أعمل الصيانة والحساب كالآتي:
1. تقريبا 250 مصنعيات
2. 270 زيت
3. 45 فلتر زيت
4. 1330 تيل (10,000 عل حسب كلامهم)
-------------------------------------------------
1895 بدون ضرائب
164.5 ضريبة
--------------------------------------------------
2059.5 بعد الضريبة

ده كل 10,000 كم وبدون حساب الحاجات اللى هتحتاج تتغير من مرة والتانية (فلتر بنزين - فلتر هوا - بوجيهات .....)

حد متخيل. أنا هتجنن - وبصراحة مقفول من العربية دي لدرجة إني قلت لهم إن شاء الله المرة اللى جايه هتلاقوا واحد تاني اللى جاي يعمل الصيانة بالعربية دي لأني هبيعها في أول فرصة.

المهم، حاولت أخليهم يغيروا الطنابير ويسيبوا التيل على أساس إني أتصرف من بره التوكيل وأجيب التيل وأركبه بره. طبعا رفضوا وقالوا يا نغير كله مع بعضه يا إما مافيش حاجه هتتغير - بحجة إن التيل القديم هيبوظ الطنابير الجديدة. وطبعاً هيخرجوا العربية بدون حل المشكلة.

يا جماعه إزاي؟!!!!!!!!!!!!! دي الفرامل. يعني من غيرها مفيش عربية!!!
ردوا إن أنا إللى معطل حل المشكلة. هما إكتشفوا المشكلة وحلها تغيير التيل والطنابير وأنا إللى مش عاوز أغير التيل. يا ناس حرام أدفع 1300 جنيه في تيل هيخلص في 10,000 كم. قالوا ركب الـ Line B. طيب ماهوا بيصفر وممكن ياكل الطنابير تاني. قاولوا بسيطه، في أى مشحمة وحبة ميه من المسدس والصفارة تروح وكله يبقى تمام. وإذا كان على الطنابير، ولا يهمك، بوظها إنت بس بالتيل بتاعنا وإحنا نغيرهالك ضمان.

طبعاً ماكانش قدامي حل غير إني أقبل أركب التيل Line B لأننا آخر الشهر، وحتى لو مش آخره، مش هركب تيل بـ 1300 جنيه.

إيه رأيكوا في إللى بيحصل ده؟ لازم يكون في حل لموضوع التيل ده.
- وهل فعلاً التيل ممكن يكون عمره 10,000 كم بس؟!!!
أنا أخويا معاه إلنترا 2008 ولسه التيل فيه 40% (حسب كلام الجهاز في كشف صيانة 40,000 في غبور)
- وفيه تيل لعربية بـ 90,000 جنيه تمنه 1300 جنيه HOW COME؟!!
- وهل فعلاً الـ ABS بتاع البروتون خشن للدرجة دي؟!!

حد يتصرف يا جماعة

تيل 1300 ( و بيخلص كل 10 الاف كيلو ) حرام

تيل 250 و بيصفر ( ايه الي رماك على المر ...... )

الحل نهدد كلنا اننا ما نعملش صيانة في التوكيل و يورونا هيشتغلوا لمين !!!!!!! او اشتغل صيانة بره و ريح دماغك من الاول

المشاركة الأصلية كتبت بواسطة m.3abdel3al

تيل 1300 ( و بيخلص كل 10 الاف كيلو ) حرام

تيل 250 و بيصفر ( ايه الي رماك على المر ...... )

الحل نهدد كلنا اننا ما نعملش صيانة في التوكيل و يورونا هيشتغلوا لمين !!!!!!! او اشتغل صيانة بره و ريح دماغك من الاول

والله انا نفسي ما أدخل التوكيل ده مرة تانيه بس الضمان هوه إللى ماسكني من إيدي إللى بتوجعني

إزيك يا حوده
أولاً 1000 شكر ليك على تجربة العربية معانا
ثانياً بالنسبة للتيل طبعا ساعات كتير بيصفر. أما عن حكاية بيمسك ولا لأ. والله العظيم يا حوده أنا بقيت بخاف أدوس على الفرامل
من ناحية بتصفر ومزعجة ومناحية تانيه ماشي بالراحة علشان ما أضطرش الـ ABS بيه إنه يشتغل وعكر مزاجه ومزاجي من صوت الخشونة الفظيع بتاعه ومن ناحية علشان مايخلصش بسرعة (فكرتني بمسرحية ريا وسكينة وعبد العال بياكل البسكوت)
الظاهر إن دي إستراتيجية من الشركة المصنعة والتوكيل علشان يضطرونا نسوق بالراحة ونفرمل بشويش

هو مش المفروض نظام ال abs يكون لية زرار يشغلة - يعني اشغلة براحتة واقفلة وقت ما يعجبني !
ان لم تخوني الذاكرة مش ده النظام الي في الجولف ركبت مع واحد صاحبي وكان شغلة عن طريق زرار موجود جنب الفتيس ؟