استفسار بخصوص فرامل الجين2
السلام عليكم ورحمة الله وبركاته
أعضاء أجمل منتدى، عاوز آخد رأيكم في مشكلة حالية في فرامل عربيتي.
الفرامل من يوم ما إستلمت العربية وهي فوق الممتازة وعندى ثقة رهيبة فيها
بس من كام يوم كنت مسافر ولسه بجمع (حوالي 60 ~ 70 ) وفوجئت بمطب فكبست فرامل (عادي) وفجأة حسيت وكأني دايس على عمود حديد أوله في رجلي ونهايته في الأرض (كأن فيه عمود حديد أنا دايس عليه وبيزحف في الأرض مع حركة العربية).
طبعا سبت الفرامل ومسكتها مرة تانيه وإتكرر نفس الموضوع.
وقفت العربية ونزلت أبص تحتها مالاقيتش حاجه. ركبت تاني وجربت الفرامل، مفيش أى مشكلة وزي الفل.
قلت في نفسي تبقى طوبة زحفت تحت العجل مع مسكة الفرامل المفاجئة (ولو إن ده مش المفروض يحصل مع ال abs) وأكيد الهسهس هوه إللى صور لي إحساس غلط.
المهم إن الموضوع بدأ يتكرر إمبارح واليوم ومش عارف ممكن المشكلة تكون فين.
العربية موديل 2010 وعامله 8600 كم
أرجو سرعة الإفادة
وشكراً مقدماً
تم تغيير العنوان بما يتناسب مع محتوى الموضوع
مشرف القسم ب8
01:15am 25/06/2010