انا سمعت لما تكون ماشى ومفيش نور نور الكشفات بيشتغل لوحده انا عايز اعرف هو له زبطه معينه عشان يشتغل ولكم جزيل الشكر
عرض للطباعة
انا سمعت لما تكون ماشى ومفيش نور نور الكشفات بيشتغل لوحده انا عايز اعرف هو له زبطه معينه عشان يشتغل ولكم جزيل الشكر
افتح الدراع اللي على الشمال ده على اول درجة بس و مكتوب عليها اوتو فمعنى كدة لو في حته ظلمة هينور لوحده.
شكر على الرد وجارى التجربه
حضرتك تقصد اللى على اليمين مش الشمال مش ده بردوه بيتحكم فى حساس المسحات
الدراع اللي في الدريكسيون يمين ده مساحات بس و الاوتو اللي فيه اوتو للمساحات ......
القرص اللي علي الشمال بتاع النور بس و الاوتو اللي فيه بتاع النور
ممكن حضرتك تراجع صفحة 32 في الكتالوج اللي بيجي مع السيارة
ميزه جميلة جدا موضوع حساسات الضوء والمساحات دى انا جربتها رائعه
شكرا على الردود انا خليت المفتاح اللى بيتحكم فى النور على كلمه auto ومشيت فى مكان ضلمه محصلش اى تغير طيب فى فى الكتالوج فى الزراع الشمال حاجه عامله زى الزرار رحت عشان احركها مش راضيه تتحرك خالص يمين شمال مفيش خالص طيب الزرار ده ليه اتجاه معين عشان يتحرك
تقريبا سنسور النور بيشتغل بس مش في اي وقت بمعني انك لازم تكون بليل بجد ... مش معدي في نفق مثلا ......
يعني جرب تكون خارج مساء و تعمل القرص علي اول تكة يمين هتلاقي العربية بعد حوالي 3 ثواني نورت النور الامامي العادي
اول لفة يمين اوتو
تاني لفة نور رموش
تالت لفة نور عادي
شدة واحدة -من تاني او تالت لفة- شبورة امامي
تاني شدة -من تاني او تالت لفة- شبورة خلفي
زقة واحدة لدراع الاشارات الايسر مع تالت لفة للقرص يمين تنور النور العالي
بالنسبة لدراع المساحات اليمين .....
برضه اول تكة لاعلي هتلاقي المساحات طلعت و نزلت علي طول ..... و مش هتشتغل تاني الا لو غطيت مكان السنسور -خلف المراية الامامية اللي في نصف الزجاج الامامي- كل متلمسها هتشتغل و تسكت ..... اللي بتقول عليه بقي اللي هوة درجات لداير ما يدور الدراع بس لا يثبت ده تقريبا بتاع سرعتها و هيه في وضع الاوتو بس كدة كدة مش هتستخدمه
اول تكة فوق اوتوماتيك
تاني تكة مستمر بطئ
تالت تكة مستمر سريع
اول تكةلتحت- سوستة بترجع تاني - تشتغل مرة واحدة او لحد متسيب
شدة عليك- سوستة و بترجع- رشاش مياه و تشتغل مساحات 3 مرات او لحد متسيب
إضافة صغيرة حصلت معايا
بعد أما اشتريت العربية وجربت موضوع حساس النور ده اشتغل زى الفل
بعد أما ركنت العربية لفترة وطبعا التراب بقى كوم
الحساس لم يعمل، ونظرا لعدم معرفتى بمكان الحساس انضف يمين شمال مفيش فايدة
طبعا زعلت وقلت فى الصيانة هأقلهم عليه
أما العربية اتغسلت غسلة حلوة وانا ماشى بالليل وبافتح النور هبا النور اشتغل
فممكن يكون فى تراب على الحساس اللى أنا مش عارف مكانه يكون هو اللى عامل المشكلة