بسم الله الرحمن الرحيم
أخواني انا (أن شاء الله) نويت اشتري كارينز وكيل بس ابيع عربيتي الاول (عربيتي ماهيندرا وعارف ان اغلب الناس هنا مش طيقاها مع انها والله بتستحمل جامد جدا) المهم في كام سؤال كده على الماشي:
1- انا كنت في السوق امبارح ولاقيت 4 عربيات كارينز 2 وكيل و 2 خليجي
كان في واحده من الخليج مع واحد عامله 1025 كيلو بس وكان عايز يبعها ب 109000 علشان توصل ل 105000 بس كان الزجاج مش فيميه . --- انا سألته حتبيع ليه وهي 1000 كيلو الصراحه قالي ان عايز يركب اسكودا فانتازيا وانا مصدقتوش مش عارف ليه والعربيه كان لونها موف رخم اوي ممكن يكون ده السبب ؟؟؟؟ ---- والتانيه الخليجي كانت مع تاجر:B4_237: :khd: من بتوع الشيشه والشمسيه عامله 32000 كيلو و ب 112000 وبرضه مش زجاج فيميه فكنت عايز اسال .... كل الخليجي كده؟؟؟؟
العربيتين الوكيل مكنش حد قاعد فيهم وكان واحده زجاج فيميه وواحده لا .... (طبعا انا عرفت انهم وكيل من الاستيكر) وممكن يكونوا مش وكيل ......
انا مهم عندي اعرف الوكيل فيميه ولا لا لان ده مهم في الحر بتاعنا. وهل ده option زياده ولا ايه.
وبحكم اني كنت في السوق اقولكم حاجه برضه غريبه ..... انا لقيت اكتر من 30 - 40 عربيه سيراتو وكلهم خليجي والسعر من 100000 ونازل ؟؟؟؟؟ طبعا انا بفكرش في السيراتو علشان انا مش عايز عربيه صغيره .... انا عايز عربيه عاليه وكبيره (تكون قريبه من عربيتي)
انا حأشتري زيرو مش مستعمل بس كنت باخد جوله واعرف السوق عامل ازاي معاهم .
2- اشتري دلوقتي ولا استنى 2011 لاني خايف اشتري دلوقتي وبعد شهرين ولا ثلاثه الاقي موديل 2011 -- كارينز 2011 متوفر خليجي --- يعني التوكيل ممكن يجيبه قريب اوي
ياريت حد يرد عليه في موضوع الفيميه ده ضروري وموضوع الموديل .......