يعني ايه يا سارا اقول ايه المطلوب في كل حمام
مش فاهم السؤال
عرض للطباعة
يعني ايه يا سارا اقول ايه المطلوب في كل حمام
مش فاهم السؤال
قصدي حسب توزيع فرش الحمام
يعني حمام الضيوف غالبا بيكون بدون بانيو او دش وهكذا مطلوب سخان ولا لأ
اللي بيحدد السعر القطع اللي مطلوب عمل لها وصلات في الحمام او المطبخ
المطبخ ممكن يتطلب فيه وصلات غسالة اطباق وممكن لأ وطبعاً ده سعر إضافي
ارجو حضرتك تكون فهمتني
اهلا وسهلا اخونا
بصراحه شوفت موضوعك النهارده مصادفة
انا مهندس مدني وممكن اساعدك في التشطيب وعمل الخرسانات والتعديلات اللي انت طالبها
بدون مقايسات ومقطوعيات والكلام ده
بمعني انك هتقوللي في المرحله دي (السباكه مثلا) انا طلباتي كذا
اقوم اقولك طلباتك دي ممكن تتنفذ باسعار كذا او كذا حسب الانواع
وانت تختار وانا اجيب النوعيه حسب الاتفاق والصنايعيه واقولك الموضوع اتكلف كذا بالمصنعيه
وبعدين في الاخر يكون ليا انا اتعاب نتفق عليها
(كاني بشطب شقتي او شقة حد قريبي)
ولو عايز مقايسه وعقد ممكن برضه
موفق
يا فندم مش هقدر اقولك انهم حراميه او نصابين لسبب بسيط....
مفيش تفاصيل كفايه....
هيا فعلا اسعار غاليه لكن ...خللى بالك....
هما بيحملوك المقايسه والرسم والتصميم الاوتو كاد والثرى دى ودى حاجات مش رخيصه إطلاقا......
كمان بيضاف للسعر النقل والتحميل والتفريغ والمشال والنظافه قبل وبعد ونقل الرفش وتنزيله وحتى الشكاير اللى بيتعبى فيها الرفش....
وبيضاف 15 ل 20 الميه إشراف وتنفيذ....
يعنى لو متر السيراميك مثلا بيركب فى حدود 15 جنيه مصنعيهوده السعر الواقعى فعلا دلوقتى للتركيب....هيضاف ليه شويه بنود زى ايه...
كل 5 م مربع بياخد شيكاره اسمنت يعنى المتر بيكلف 6 جنيه اسمنت
+
كل 100 م مربع بيحتاج على الاقل 10 متر رمل يعنى قلاب رمل صغير ثمنه فى حدود 230 جنيه ومشاله على الاقل 400 جنيه
يعنى تكلفه الرمل للمتر حوالى 6.5 جنيه
+
تنظيف المكان قبل التركيب من الرفش والكسر وسواقط الحوائط والجبس من الكرانيش وده بند مكلف جدا فمثلا الشيكاره الفاضيه ب 75 قرش والتنظيف لمساحه 100 متر بيكلفك يوميتين عمال يعنى 120 جنيه وتنزيل الرفش حوالى 200 جنيه بالنقل للمقلب العمومى...وكمان تنزيل الكسر وبواقى غربله الرمل والرفش بعد تركيب السيراميك نقول تكلفه المتر هتبقى حوالى 4 جنيه
يعنى تكلفه فعليه 31 جنيه للمتر....
يضاف عليهم 15 الميه إشراف وتنفيذ هتلاقى نفسك بتتكلم فى 35 جنيه.....وايه؟
ده فى داخل القاهره...أمال فى التجمع يعنى نقل السيراميك والعمال والعدد والمون ومصاريف إقامه العمال واليوميات بأغلى بكتيييييييييييير...
حضرتك ياريت تراجع الاسعار مع مكتب تانى..وممكن تتفق مع مهندس يشرف وينفذ زى الاخوه ما قالوا وممكن تقولنا التفاصيل ونفكر معاك....
اسف يا جماعه مأخدتش بالى من تاريخ الموضوع قبل ما اشارك...
ياريت بلاش نكسر في بعض و خلاص! الحاجه اللي تعتبر غاليه هي بند باب الارو لأنه بيقطع ب 5 - 6 الاف بس و بند الباب المصفح اخره 5 الاف لكن الباقي حاطط هامش ؤبح متوسط مش قليل و مش سرقه! مننساش ان الاسمنت و الرمل و التشوينات و الاكراميات و اي نسريات و الاشراف و في الاخر هامش الربح!
الاسعار غير مبالغ فيها
احنا بحنسبها علشان اي حد فينا هو اللي بينفذ شغله بنفسه
لكن المكتب الهندسي
عنده ضرائب
وموظفين
ومقر لاداره اعماله مكتب يعني
واشراف متواجد في الموقع
ونسبه هالك علي معظم البنود
الاسعار نسبيا مناسبه لكن ممكن التفاوض معهم لضغط الاسعار
لكن ليس علي حساب الجوده
وفي الاخير المكتب الهندسي فعلا بيطلع شغل انضف من التنفييذ الذاتي
موضوع مفيد
ياسلااام موضوع جاي في وقته لأن عندي كام شقة عاوزين يتشطبوا فياريت اللي عندة معلومة ما يبخلش علينا بيها عامة هما 3 شقق مساحة كل شقة 120 متر ياترى هيتكلف تشطيبهم تقريباً كام لو التشطيب سوبر لوكس وشكراً جزيلاً لكل من يساعد من الأعضاء الأفاضل .