الموضوع: استفسار عن ال slider

يا جماعه السلايدر بيركب في الشاسيه في شيالات الموتور من الجمبين
وأحلى الأنواع في السلايدر الأنتيمونيوم أو الألومنيوم وفي نوع حديد إفتكاسة المصرييين وفي نوع من ماده شبيهه للبلاستيك أو العاج إسمها " تيفلون " والي هي نفس الخامه الي بيصنع منها مواسير المياه الي إسمها " البروبلين "
أما بالنسبه لعيوبهم كأنواع
فا أول نوع الألومنيون والأنتيمونيوم يقال إنه بيمتص حرارة الموتور ويطردها لبره بس أعتقد إنها إشاعه وعيبها إنها بتتعوج من الخبطه لو كانت شديده شويه بس العيب بيكون من المسمار بيتغير المسمار رجعت جديده أما الإحتكاك بيحصل فيه تأكل للسلايدر وبعض الأوقات ممكن يطلع شرارة وإنتوا عارفين إيه خطورتها بس ده نادرا
أما تاني نوع وأخطرهم هو الحديد وده بعض الأحيان بيكسر شاسيه من الصدمه وبالنسبه للإحتكاك فا بيطلع شراره من هنا لحد بكره الصبح يعني المكنه والعه والعه إبعدوا عنه
أما بالنسبه للـ "تيفلون " فالبايكر هواة الرفع ياريت مايجيبوش منه لأنه بعد فتره قصيره هايكون طوله 5 سم من كتر ما بيتاكل من الأسفلت ضعيف جدا في الإحتكاك
فالمصريين عملوا سلايدر من نوع خاص أنتيمونيوم ومغطى بمادة التيفلون عشان يضربوا عصفورين بحجر
بالنسبه للأسعار المتداوله للأنواع فا التيفلون بيبدأ من 90 جنيه وبيصل لغاية 250 جنيه للأنتيمونيوم المكسي بالتيفلون
والأنتي مونيوم بيعمل 200 جنيه بمساميره بتركيبه لأن المسامير لوحدها بـ 20 جنيه وهما بيكونوا مسمار طويل ومسمار قصير
أما الحديد مادفعش فيه فلوس ولا أعرف سعره بس الي عايز يركبه ممكن يخرطه عند خراط مش هايكلفه 25 جنيه ولا 40 جنيه عشان ده سلايدر "سيس"
شكرا وأسف عالمداخله

السليدر مهم للبايك
زى الخوذه للبايكر
كفايه انه بيحمى الفير من الخربشه والكسر
وفيه كمان انجن جارد واحد صاحبى مركبه فى
gsxr750