فكرة كويسة بس
انا معايا عربية مش بايك
بدرس مش بشتغل
عازب مس متجوز
و اكيد معنديش عيال:E_braces[1]:
انا عايز اعرف
اسمها عشين جنيه
خليك مدقدق وصايع عشان ميضحكش عليك
عرض للطباعة
اعتقد انك ظلمت خالد بالموضوع الي كاتبه وشوف ردودك هنا ازاي اعتقد كل مافي الامر خالد عديم الخبره شويه ومعرفش يقيم البايك مظبوط وانت طبعا كنت مستعجل وملهوف علي البايك وطبعا عين الرضا عن كل عيب كليله وعين السخط تبدي المساوي وانته في وقت الشراء نظرت للبايك بعين الرضا ومتنساش كمان انك وقعت بالبايك وشوف ايه حصل له من الوقعه والمبلغ الي خسرته في البايك من وقت الشراء الي الان حوالي شهر فعادي يعني هي الفين جنيه قول الحمد لله علي كده ومعرفه الناس كنوز وكفايه خالد راح معاك وساب شغله والمشوار الي خده للسويس بدون اي مقابل كل ده في سبيل خدمتك اعتقد انه ميستاهلش تقول عليه كده.
انا متفق معاك في موضوع عديم الخبرة لأنه لو كان وحش كان ظبنلك في حاجةمن القاهرة و طلع بمصلحة :colsmil:
احنا ممكن نقول انها غلطتنا اننا مدورناش كويس و استعجلنا :majd(4):
لكن برضه انك تجيب حاجة و تروووح ببلاش مش حلوه في نفسيتنا و عمر بيطلع الي جواه :Zb_sor1[1]:
و انا شايف ان الاتنين غلطانين:fdsa:
و بعدين متنساش تقول الحمد لله علي كل شيء افرض فعلاً البيك كويس و انتا معملتش الحدثة دي و كانت اتسرقت ولا حصلك اي حدثة اجمد
الحمد لله و قدر الله وماشاء فعل و قضي اخف من قضي :star1:
و رجاء يا خالد متقولش انا بفهم لأن مهما تكون خبرتك دلوقتي في حجات كتير متعرفهاش :ma(30):
مثلاً الفيبر ده الفبريكة ولا الصيني :O_stupid[1]:
راشة ولا لأ
متغيرلها حاجات ولا لأ , يعني كلها فبريكة ولا في حاجات متغيرة
انا غير حاجات كتير في ال400 لحد الفوانيس و شاسيه العدادت و الملطش و كنت بركبهم بإيدي مع الميكانيكي لكني معرفش دووول اصلي ولا تقليد
فبلاش نحط نفسنا في مواقف وحشة و معلش يا عمر و معلش يا خالد و الجاي احسن :ma:
و يا عم عمر لو عوزت بيك كلمني:3mla: و انا حجيبلك بيك فبيركة بره و جوه ( علشان اطلع لنفسي مصلحة )هههههههههه و فكها و لو فعلاً اتمتعت بالبيك جيب واحدة تانية و واحدة واحدة و ربنا معاك انوي انتا بس و انا معاك بس جنجيب حد يجيب البيك من علبته هههههههههههههههههه
صباح الفل :verygood:
ويا خالد علي ما اظن ان عمر مجبش سيرتك يعني مشي علي قول ربنا ستره انا مفضحوش و انتا طلعت كده لوحدك تقول انتا قصدك عليا :majd(4):؟؟؟؟!!!!!
دي غلطة منك:fun_36_3_4[1]: , انتا كنت كلمته علي الخاص احسن
و عمر بيقول كده علشان مش عايز حد فينا يضايق انه باع البيك بتاعه بعد شهر:Zb_sor1[1]::Zb_sor1[1]: فعمل الموضوع علي تجربة شخصيه ليه للإفادة العامة :verygood:و الراجل متفدرش تمسك عليه غلطة انتا هببت الدنيا علي الفاضي :36_1_34[1]:
يا رجالة أنا ليا رأي في الموضوع ده.... و رأيي هقوله عشان خالد طلب يشهدني شهادة حق في الموضوع اللي اتقفل....
مبدأيا الموقف اللي ممكن أقول فيه على خالد أنه غلطان و كمان نصاب ....
لو كان قال لعمر (أنا ميكانيكي موتوسيكلات) لأن كدا يبقا بيغشه....
لكن الراجل ماغشهوش.... قاللو أنا واحد بركب موتوسيكلات و بفهم فيها.... و من المعروف أن الركيب مهما كان فاهم أكيد بتفوت عليه حاجات متفوتش عالميكانيكي....
فالنقطة دلوقتي جاية في اختيار مين هييجي معاك لمعاينة البايك؟ ميكانيكي ولا واحد ركيب و بيفهم؟
يبقا لما أنا اللي اختار أني ماخدش معايا ميكانيكي... تبقا مبدئيا ديه غلطتي....
لكن لما واحد يسيب شغله تاني يوم و يسافر معايا الساعة 2 باليل بالمواصلات و بعدين يرجع سايق البايك لحد بيتي...
أعتقد أنه ميبقاش غلطان...
مهما كان رأيه لأنه زي ما اتفقنا مش ميكانيكي...
في النهاية.... عايز أقولكو أني يمكن مكونش لسة قابلت عمر .... بس بقدره جدا... و متأكد أن اللي حصل دا مش أكتر من سوء تفاهم و بإذن الله كل الحاجات ديه تعدي....
و فيه مثل ما معناه
" .... .... البايك اللي تفرق ما بين صاحبين"
أو ما شابه ذلك يعني... :shine[1]:
مينا لك منى جزيل الشكر وهكلمك ان شاء الله علشان نضبط خروجه كده
وبعدين فى حاجة كمان انتوا مش واخدين بالكوا منها .............ان عمر مكنش بيعرف يسوق اصلا يعنى اتعلم السواقة على البايك اصلا وانتوا اكيد عارفين المبتدىء بيعمل ايه فى البيك ال تحت ايده غير الوقعات مشاكل كتير بتقابله وبعدين مافيش حاجة مش بتحتاج صيانة ......عمر كان عايز يجيب الموتوسكل ...زيت وبنزين ويمشي ...طب ازاى؟؟؟
انا مش فاهم يعنى ايه مبتدئ ؟؟؟؟
يعنى ممكن مثلا ابوظ حرارة البايك عادى كده
ولو انا مبتدئ مثلا الاقى البايك بتاعى راشش فيبر عادى كده
ولو انا مبتدئ ممكن ادمر الكربراتير لدرجة انى ملاقيش فيه ولا مسمار عااااااااااااادى كده
ولو انا مبتدئ ممكن ابوظ العدادات كللها وتبقى عدادات صينى ومكسره عااااااااااااااادى كده
ولو انا مبتدئ اخلص المياه بتاعة الريداتير عااااااااااااادى كده
ولو انا مبتدئ ممكن اخلى اشكمان يهوىىىىى عاااااااااادى كده
ولو انا مبتدئ ممكن ابوظ ورق دبرياج فى مرتين اركب البايك فيهم المره متزيدش عن نص ساعه عاااااااااادى كده
ولو انا مبتدئ اخلى المكنه تاكل مننى بنزين لدرجة انها من المرج لشبرا تاكل تانك بنزين بالكامل عااااااااااادى كده
ولو انا مبتدئ اخلى المكنه متسحبش بنزين اصلا ده غير انها مش راضيه تدور من الاساس ولا مرش ولا حتى زق عععاااااااااااااااادى كده
متهيألى حتى لو انا تييييييييييييييت عمرى ما هاعمل فيها ده كللو علشان ركبتها مرتين ؟؟؟؟ استحاله يعنى
الجزء التانى
مينا كلمنى النهاردة
وحكيتلو على حاجات كتييييييير جدا
زى مثلا لما قولت لخالد يحاول يبيعهالى
خلى واحد صاحبه يخرج بالمكنه وطلع عينيها اكتر ما هيا تعبانه اصلا ( وانا كنت مسجل رقم العداد ويشهد على كلامى ناااااااااااس كتيييييييير ) 70 كيلو زيااااااااااااده اززاى ؟؟؟ هوا لو حد هيجرب البايك هايجربها فى 70 كيلو لييييييييييه بيشترى تلاجه :shine[1]:
ده كمان غير انى بتصل بالعضو الفاضل يرد عليا يقوللى وبطريقه مش كويسه ( بقوللك ايه انت كل شويه هاتكلمنى ياعم انت ... انا عندى شغل وانت قارفنى بتليفوناتك كل شويه كل شويه انا مش هاسرق البايك ياعم البايك موجود فى البيت لو عايزه تعالى خده ) ده اسلوب بردو
وتانى يوم يبعتلى رساله يقوللى تعالى خد البايك .. باى يامورا ) يعنى مش كفايه ده كمان بيتريق عليا
انا مش عارف احكى ايه ولا ايه
بس انا متفهم الإداره حذفت الموضوع ليه وانا مش زعلان طبعا لأن عارف ان الرساله وصلت للناس اللى انا عايز اوصلهالهم :star1:
ده اللى انا اقصده ..............انا مهاجمتش حد
ومقولتش حاجة غلط على حد
والوقعه تكلفتها كللها كان 200 جنيه وهوا عارف كده بس انا مجيبتش سيرة الفيبر فى اى حاجة انا قولت على العيوب اللى فيها بكل صراحه وفى عيوب تانى انا معرفهاش
وانا والله ما عيبت فى الراجل ولا جيبت سيرته فى حاجة وحشة ولا اتهمته بما هو ليس فيه
ولا حتى اتهمته من الأساس
انا كنت بحذر الأعضاء من انهم يقعو فى اللى انا وقعت فيه :verygood:
اسمع ياسيدى
الكربراتير متدمر .....الكاوتشات بتاعته متااكله
علبه الهوا بتاعة الكربراتير مفيهاش ولا مسمار ... بكات السرعه الاربعه مختلفين عن بعض
يعنى كربراتير ضايييييع
الكهربا كللها عايزه تتعمل
الضفيره ملعوب فيها لدرجة ان الكهربائي لما شافها قعد يضحك
العدادات متدمرة على الاخر ومخرفه كللها
حراره البايك بعد خمس دقايق بس بتوصل للاخر ... ( المؤشر بيعدي الأحمر بمراحل ) والغريب انى لما سألته عن الحرارة قاللى ده مش عداد الحرااااره ( والله حصل وقاللى ده مش عداد لحرارة ) تخيل بقى انت
طبعا الريداتير من الحراره .......... شكرااااااااااااا
بتاكل بنزين بطريقه رهيبه ... عايزلك بنزينه تمشى وراك
الترس الخلفى مفيهوش ولا سن شغال ..... كللو متاااااااااااااااااااكل على الاااااااااااخر وطبعا الجنزير مهوى على الاخر
المكنه مبتدورش مرش خالص ولا حتى زق ....... لما كنت ترميلها على اى غيار وتسحب البنزين على الاخر تطلع صوت اكنها واقفه على السلانسيه ...... يعنى مفيش سحب اصلا لازم حد يزقك جاااااااااااااامد بعد ماتدور ويفضل فى الزق حوالى 3 او 4 دقايق
قوللى انت بالله عليك تركبها اززاى دى
ده غير طبعا ان العجله الخلفيه تورينج والأماميه منحوووووووووله على الاخر ومشققه وحالتها صعبه وراشه فيير
وورق الدبرياج خلاص على اخره
وكل قطع الغيار اللى راكبه فيها مش اصليه زى الفرامل الخلفيه بالتيل بتاعها بالدواسه وكمان الفرامل الخلفيه شبه مش شغاله اصلا وده سبب وقعتى انى مسكت فراما اماميه لأن مفيش خلفيه
والعجله اللى ورا بترف وبتعمل صوت
المكنه بتجععععععععر بين الغيار الأول والتانى وتبطل مع كل غيار ( والناس اللى ركبوها مش اى كلام يعنى )
وما خفى كان اعظم
اقولك فى ايه تانى ولا كفايه ؟؟؟؟؟؟؟ :vctry: