الموضوع: يا خبراء الصوتيات انا عايز اظبط العدة بتاعة العربية

بازوكا بى 650
صوتها احلى من الصب بمراحل..
جى ممكن تجبلك اى حاجه تو تشانل... متجبش 4 تشانل علشان هيبقى اضعف من التو تشانل
ممكن تجيب سيمفونى 700 تو تشانل شغال حلو...
وبرضو ارجع واقولك على حسب ميزنيتك ممكن تجيب جى ام كينود او بيونير بس فوق 700 جنيه بقى
وبعد كده تجيبلك جى ام للسماعات وتزود سماعتين كمان
و فى الاخر زيرو باور

ألف شكر والله علي الرد بتاعك , انا فهمت كل اللي انت قولته ماشي البازوكا بي 650 ماشي و اي جي ام في حدود الميزانيه و يكون تو تشانيل ماشي لحد هنا تمام

بس مفهمتش بءي موضوع اني اجيب جي ام للسماعات و ازود سماعتين كمان و موضوع في الاخر زيرو باور

انا مش هزود سماعتين كمان لاني لازم عشان اعمل كده اعمل بورده خشب و انا رافض الموضوع ده هو مش لو ركبت البازوكا و الجي ام علي السماعتين و بس كده هيبءي تمام ولا ايه؟

المشاركة الأصلية كتبت بواسطة mk682

انا عربيتي نيسان صني نازلة بكاسيت كينوود سي دي و انا غيرت السماعات الخلفية المدورة و ركبت سماعات بيضاوي كينوود 350

انا عايز اظبط المسائل بءي شوية يعني انا سألت في محل قالي انا ممكن اركب بازووكة و جي ام

ايه رأيكم و ليه بازوكة مش صب عادي

انا مش عايز اعمل حفلة في العربية يعني انا بس عايز الصوت يكون في بيز كويس

قالي الاسعار البازوكة الجديدة بالتوصيلات و التريكب هتعمل حوالي 700 جنيه و الجي ام هيعمل حوالي 400 جنيه

يا ريت اللي يقدر يفيدني في الموضوع ده يقولي رأية و ايه افضل حاجة ممكن تتعمل و شكرا

بص يا سيدي
هجيبلك اواخر
انت تجيب جي ام كينود ب 350 جنيه
وسلوك وتوصيلات وتركيب 50 جنيه
يبقى انت محتاج 400 جنيه كلوو
وقدام ان شاء الله لما تحب تزوذ بيز ابقى ركب بازوكا او صب بجي ام مخصوص ليه
مع احترامي ليه يا فودانت
هو مش عايز عدة عاليه زي امنت كاتبله كده
(4 سماعات و2 جي ام وبازوكا)
الراجل لسه بيبدأ حياته الصوتيه
اي خدمه يا رجاله يا ريت اكون فيدتكوا

انا فاهم يا عمرو قصدك بس انا قولت( فيما بعد)
كل الى كنت عايز اوصلهولو ميجبش جى ام 4 تشانل ويركب عليه البازوكا مع السماعات
عشان انت عارف كلام التجار بيسحلو ويما اتلسعت :d

وهو قال عايز بيز كويس + انه سئل عال جي بل انا قلتلو الجى ام ال يقومها عشان بعد كده ميغيروش وسبتلو الاختيار فيما بعد يعمل ايه

شكرا يا باشا علي الرد القاطع بتاعك والله و جامد اوي موضوع الراجل لسه بيبدأ حياته الصوتيه دي :)

بس الجي ام الكينوود ده تو تشانيل و لا اربعة فودانت بيقول اتنين احسن

اركب البازوكا بالمره ولا ايه رأيك؟ و ايه موضوع صب بجي ام ده هو لازم يكون الصب ليه جي ام لوحده ولا ايه؟ معلش تعبتك معايا

شكرا يا فودانت والله انا فهمت قصدك

بص
قولى ميزانيتك كام وعايز الصوت يبقى عامل ازاى

ميزانيتي يعني من 800 لحد 1000

و الصوت بءي يعني افضل حاجة ممكن اسمعها بالمبلغ ده