دوست بنزين وفرامل اليد مرفوعه وناقل الحركه على الp

**sara2001** · 14-06-2010 09:39 PM

عربيتى المسكينه اللي بتعلم عليها مش عارفه هيحصلها ايه
قبل ما انزل فرامل اليد دايما بدوس الفرامل العاديه علشان انقل على الd او على الr
النهارده دوست بنزين بدل الفرامل وجبت كمان آخر الدواسه
ولسه هنزل فرامل اليد سمعت صوت طياره خارج من العربيه والحمدلله انتبهت للكارثه قبل ما انزل فرامل اليد وألبس في اللي راكن امامي بالعرض وبعد ما نقلت رجلي من على دواسة البنزين لدواسة الفرامل حصل رجه في العربيه
السؤال دلوقتي ممكن يكون حصل حاجه في الفتيس كده؟

**jojajo** · 14-06-2010 10:05 PM

حصلت مع واحد صاحبى حاجة زى كدة وفضل ماشى حوالى 10 كيلو والهاند مرفوعة لو العربية لسة شغالة معاكى يبقى ربنا ستر بس حاولى تحافظى على العربية حلو

**M!SHO** · 14-06-2010 11:49 PM

مفيش اى مشاكل خالص طالما الفتيس على البارك ( p ) ,,حتى لو نزلت فرامل اليد العربيه مش هتتحرك ,,
بس بلاش تنقل ورجلك على البنزين ...

**nadeen** · 15-06-2010 01:02 AM

انا فرحانة اوى بسؤالك يا سارة ، اصلك حسستينى انى مش لوحدى اللى بعمل حاجات غريبة فى العربية ، أنا لسة بسوق جديد وعربيتى اوتوماتيك وبعمل نفس اللى بتعملية او يمكن اكتر شوية وهتلاقينى بسأل اسئلة شبه كده هنا فى المنتدى بس بصراحة احيانا بكون مشفقة على الأعضاء من مجرد قراءة اسئلتى وببقى هتجنن علشان اطمن على العربية حصل فيها ايه بس بسكت وخلاص :)

**yoko** · 15-06-2010 01:10 AM

المشاركة الأصلية كتبت بواسطة nadeen

انا فرحانة اوى بسؤالك يا سارة ، اصلك حسستينى انى مش لوحدى اللى بعمل حاجات غريبة فى العربية ، أنا لسة بسوق جديد وعربيتى اوتوماتيك وبعمل نفس اللى بتعملية او يمكن اكتر شوية وهتلاقينى بسأل اسئلة شبه كده هنا فى المنتدى بس بصراحة احيانا بكون مشفقة على الأعضاء من مجرد قراءة اسئلتى وببقى هتجنن علشان اطمن على العربية حصل فيها ايه بس بسكت وخلاص :)

غكتبي ولا يهمك

أما موضوع البنزين على الp فده عادي والله بنعمل أكتر من كده في العربيه قاصدين

**sara2001** · 15-06-2010 04:15 PM

المشاركة الأصلية كتبت بواسطة jojajo

حصلت مع واحد صاحبى حاجة زى كدة وفضل ماشى حوالى 10 كيلو والهاند مرفوعة لو العربية لسة شغالة معاكى يبقى ربنا ستر بس حاولى تحافظى على العربية حلو

بس العربيه كانت على الp

المشاركة الأصلية كتبت بواسطة abdo_eldesokey

عادي لو العربية على p دوسي بنزين براحتك ..

لكن لو نقلتي وانتي دايسة بنزين ده غلط طبعاً على القتيس ، بس الفتيس مش هيتأثر من مرة واحدة

المشاركة الأصلية كتبت بواسطة hesham_7amza

مفيش اى مشاكل خالص طالما الفتيس على البارك ( p ) ,,حتى لو نزلت فرامل اليد العربيه مش هتتحرك ,,
بس بلاش تنقل ورجلك على البنزين ...

مش عارفه هي ممكن تنقل وانا دايسه بنزين ولا لأ
انا كنت فاكره ان لو نزلت فرامل اليد العربيه هتتحرك والفتيس يتكسر من قوة العزم
مش الوضع ده كأني بزقها وهي على الp

المشاركة الأصلية كتبت بواسطة skybird

بلاش امركه مرة تانيه بالعربية يا ساره

وان شاء الله محصلش حاجه

ردك موتني من الضحك

امركة ايه؟ انا لسه في كي جي وان سواقه :b4_592:

**sara2001** · 15-06-2010 04:26 PM

المشاركة الأصلية كتبت بواسطة nadeen

انا فرحانة اوى بسؤالك يا سارة ، اصلك حسستينى انى مش لوحدى اللى بعمل حاجات غريبة فى العربية ، أنا لسة بسوق جديد وعربيتى اوتوماتيك وبعمل نفس اللى بتعملية او يمكن اكتر شوية وهتلاقينى بسأل اسئلة شبه كده هنا فى المنتدى بس بصراحة احيانا بكون مشفقة على الأعضاء من مجرد قراءة اسئلتى وببقى هتجنن علشان اطمن على العربية حصل فيها ايه بس بسكت وخلاص :)

طيب ياريت تسألى وتشاركينى الأسئله العجيبه بتاعتي علشان أحسن ان في حد معايا
الإسبوع ده كله عندي التركيز ضايع
مشيت بالعربيه شارع كامل وفرامل اليد مرفوعه
وانا بركن بدل ما اجيب ال d علشان اعدل العربيه جبت الr وكنت خلاص هأخبط اللي ورايا