ناوى تغير سيارتك امتى؟

**R A N A** · 10-07-2008 09:49 AM

المشاركة الأصلية كتبت بواسطة amgad29

الموضوع كله مبني علي الناحية الإقتصادية معايا فلوس هغير للأحسن بس طبعا بالعقل (مش مجرد ماتيجي فلوس أغير و خلاص يعني) معييش أفضل ماشي بالمعايا. معييش قوي و محتاج فلوس أغير للأقل
قاعدة هامة في حياتي هتدفع كام مقابل ايه؟ Cost benefits analysis

انا مع الكلام ده 100% اصل تغيير العربية عشان المنظرة بصراحة يعتبر اسراف وربنا هايحاسبنا عليه اكيد وفي حاجات كتير اهم من المنظرة نصرف فيها فلوسنا.

لكن لو حالة العربية كويسة ومريحاني مفيش داعي للتغيير الا اذا كنت هاجيب مثلا عربية مكيفة ترحمني من الحر ويكون فيها بعض الكماليات المهمة زي عوامل الامان أو لو عربيتي ضيقة ومحتاجة عربية اوسع عشان الاسرة مثلا أو لو بسافر كتير فمحتاجة عربية تستحمل معايا السفر

كده يعني وطبعا وجود الفلوس الزايدة عن الحاجة الاساسية هو اللي بيحكم كل المواقف دي.

يعني الفلوس تيجي الاول وبعدين نفكر في التحسين والكماليات :)

**مواطن مصرى** · 10-07-2008 01:30 PM

لما يكون معايا فلوس زياده مش عابزها و العربيه بدات تعمل مشاكل

العربيه ما هى الا وسيله انتقال تبعدنا عن قرف المواصلات و ليست وسيله للمنظره و الوجاهه تتغير مع كل موديل جديد

هذا رأييى المتواضع

**mohamed ibiza** · 10-07-2008 01:38 PM

بصراحة مش ناوي اغير الابيزا :):):) و لو جبت هجيب معاها مش هيبعها

**El Prince** · 10-07-2008 03:26 PM

الفلوس ممكن تتدبر
بس فين النفس ( بكسر النون ) بسبب البلد و اللى فيها
خلاص هاطق من جنابى

**Scent7104** · 11-07-2008 12:06 AM

يا جماعة : أحوال البلد و الظروف الاقتصادية بتخليها حسبة بجد و كأن الواحد بيعمل دراسة جدوى بس كمان من غير معطيات كافية...

أنا رأيي الشخصي انك تحسب مصاريف العربية الي معاك مع اضافة بدل التعب عند الميكانيكية و استخدام المواصلات في حالة أعطال العربية او في حالة السفر (علشان خايف تعطل بيك على الصحراوي) و تقسمه على السنة شوف هيطلع كام في الشهر

و احسب لو عربية جديدة هتبتدي تصرف عليها بعد كام سنة ( و اعتقد ان لو في صيانة دورية مش هتبتدي تصرف قبل 6-7 سنين) و قسم تمنها على عدد السنين لحد ما تبتدي تصرف شوف هيطلع كام في الشهر

لو طلعت العربية اللي معاك مصاريفها الشهرية حتى 70% من تمن الجديدة ( توكل على الله و هات الجديدة ) لأن الاعتمادية عليها هتبقى لفترة اطول ده غير قطع غيارها اللي هتلاقيها و الضمان اللي هتخده عليها و ممكن تأمن كمان...

و ده كله علشان نتفادى التبذير و المنظرة وووو من الكلام اللي مش بيجيب تمنه ده

**Ahmed_Elkhateb** · 06-11-2008 11:28 AM

المشاركة الأصلية كتبت بواسطة sh_masry

ارجو تقبل كلامى عن موضوع ليس له علاقه بالأستفتاء ......بس اصلى متعاظ علشان الاقى الموضوع شوهد 55 مره لغايه دلوقتى و كل اللى صوتوا فى الأستفتاء 8 اشخاص !!!! ليه مش فاهم ؟؟؟
هى الناس دى حتى مكسله تختار اجابه بزرار الماوس ؟؟؟؟ انا بجد مش عارف الناس اللى بتدخل من غير ما تشارك فى اى حاجه كده ليه ؟؟؟؟؟ و ارجو ان واحد منهم يفهمنى .....................

a7'ookom
Sherif

عارف لييييييه علشان الناس لما بتخش وتقرى الموضوع مثلا مش بيكون ذات اهميه بالنسبه لهم بس

**shanodaa** · 06-11-2008 03:46 PM

حسب الظروف الماديه
علي اد لاحفك مد رجليك علشان محدش يقول لك هات اللي عليك

**mada121977** · 08-11-2008 02:34 AM

ان شاء الله لو كان فيه عمر وربنا رزقنا يبقى كمان 5 سنين وانا بطبعى عشرى وبحب اى حاجه خاصه بيا جدااا وبرتبط بيها نفسيا ومبقدرش استغنى عنها بسهوله .. لما جيت ابيع الشاهين ماكنتش هاينه عليا وكنت مش متخيل انها هاتبعد عنى . بس هيا دى سنه الحياه

**Nour_Peugeot** · 08-11-2008 03:23 AM

انا عن راي لما الاقي ان العربيه بدات ادائها يقل و تعباني معاها

هغير غير كده لا

انا بحب عربيتي و محافظ عليها و معمره معايا الحمد لله

**karimone** · 28-01-2009 02:28 PM

الموضوع بيعتمد في الاول و في الاخر علي الفلوس و حالة العربيه

لو في فلوس زياده و حالة العربيه مش كويسه او مش بتديني اللي انا محتاجه منها ساعتها بس ممكن اغيرها

مشاهدة نتائج الإستطلاع: ناوى تغير سيارتك امتى؟

الموضوع: ناوى تغير سيارتك امتى؟

LinkBack

أدوات الموضوع

عرض

-

-

-

-

-

المواضيع المتشابهه

امتى ميجان تغير علبة شكمان ؟؟

كيف تغير بوجيهات سيارتك بالفيديو

كيف تغير بوجيهات سيارتك بالفيديو

اخر دفعة كارينز دخلت الوكيل كانت امتى والدفعة الجديدة امتى الرجاء الافادة

اخر دفعة كارينز دخلت الوكيل كانت امتى والدفعة الجديدة امتى الرجاء الافادة

الكلمات الدلالية لهذا الموضوع

المفضلات

المفضلات

ضوابط المشاركة