السلام عليكم
اخوانى الاعزاء لدى استفسار عايز اطرحه عليكم
هل يمكن السفر بالسيارة من مصر الى السعودية ( وذلك لأداء العمرة )
وما هى الاجراءات الرسمية المطلوبة لذلك
وهل الموضوع يتطلب رخصة قيادة دولية
وشكرا
عرض للطباعة
السلام عليكم
اخوانى الاعزاء لدى استفسار عايز اطرحه عليكم
هل يمكن السفر بالسيارة من مصر الى السعودية ( وذلك لأداء العمرة )
وما هى الاجراءات الرسمية المطلوبة لذلك
وهل الموضوع يتطلب رخصة قيادة دولية
وشكرا
[justify][mark=#f7ff00]وأنا كمان عندي نفس السؤال..
في انتظار ردود ونصائح الأخوة الأعضاء الكرام :ask: [/mark][/justify]
اولا الموضوع يتطلب رخصة قيادة دولية .. و دى بتطلع من نادى السيارات و الرحلات المصرى
ثانيا لازم يكون معاك دفتر تريبتيك .. تقريبا تجيبه من الجمارك
ثالثا الاجراءات ممكن تعرفها من نادى السيارات و الرحلات المصرى ..
رابعا للوصول للسعودية ممكن تروح نويبع و تركب عبارة حاتنزلك فى العقبة - الاردن .. ومنها تطلع برى الى السعودية
ممكن تروح سفاجا و تركب عبارة الى ميناء ضبا و ده فى السعودية حوالى 8 ساعات
ممكن تركب من الغردقة العبارة السريعة الى ميناء ضبا حوالى 3 ساعات
ممكن تركب عبارة سريعة من سفاجا الى جده .. اقل من يوم
ممكن تركب عبارة عادية من سفاجا الى جده .. حوالى 30 ساعة
بالنسبة للاسعار ممكن تسأل على اسعار العبارات فى مكاتب الحجز اللى فى ميدان التحرير او طلعت حرب
بس عموما الارخص نويبع العقبة لانها 3 ساعات .. عبارة عادية .. شركة الجسر العربى
بعدها عبارة عادية سفاجا - ضبا .. العبارة الجماع
بعدها عبارة عادية سفاجا - جده .. العبارة ادرياتيكا
بعدها عبارة سريعة الغردقة ضبا .. الشركة المتحدة للعبارات او الشركة الدولية للعبارات
اغلاهم عبارة سريعة سفاجا جدة .. العبارة القاهرة او العبارة الرياض
مدة القيادة:
اقصرها: قيادة القاهرة سفاجا - عبارة الى جده - قيادة من جدة الى مكة و المدينة
بعدها: قيادة الى سفاجا - عبارة الى ضبا - قيادة من ضبا الى مكة او المدينة
بعدها: قيادة الى نويبع (طريق موت) - عبارة الى العقبة - قيادة من الاردن الى مكة او المدينة
يارب اكون فيدتكم .. و ماتنسوناش بالدعاء
إيه هو دفتر التربتك داه ، ولو أنا برة مصر وعايز أنزل مصر أجيبه منين من برة
شكرا للأخ الكريم mrsailor على المعلومات المفيدة
بس حضرتك تعنى ايه ( طريق موت ) بالنسبة لطريق نويبع
هل طريق سانت كاترين - نويبع وعر لهذه الدرجة
الطريق من بعد النفق لايصلح للاستخدام الادمى .. زى ما الاخ amrelsaqqa ذكر .. اولا ضيق و منحنيات مطالع و منازل .. ثانيا معظم الطريق لو حد جاى فى وشك مفيش اختيارات كتير قدامك .. هما اختيارين .. ياتلبس بالوش او تخرج برة الاسفلت .. الاختيار التانى اصعب لان برة الاسفلت اما الجبال او وديان عميقة يعنى حاتنط فى بير او تلبس فى الجبل .. وده حوالى 80% من الطريق .. الاسواء انه بيمشى عليه نقل و اتوبيسات سياحة .. لان الطرق هناك بتخدم ميناء نويبع او المناطق السياحية فى سيناء
هذا بالاضافة الي مشاقة الطريق و الاجهاد من القيادة
الطريق مش وحش قوي كده يا جماعه
بالعكس انا مشيت عليه من سنتتين و كان كويس جدا
هما حوالي 20 كيلو قبل نوبيع منحنيات خطيره في وسط الجبل ... تمشي براحتك وتستمع بالمنظر