لفت نظري كثرة الواعظين بالمنتدى
مثلا
واحد يتكلم على الكورة ........التاني يقول تشمت ليه في اخوانك المسلمين والعرب
واحد يتكلم عن احدث عروض السينما ....... التاني يقول عملت ايه لاخوانك في غزة
واحد يتكلم عن المطبات في الشوارع ....... التاني يقول انت سبت الفساد والسرقة والنهب وتتكلم على المطبات
ليه دايما نخلط المواضيع مع بعض
وليه ندخل الدين دايما في كل حاجه
ليه دايما نفترض ان الطرف الاخر قاصر او حتى عديم الفهم
انا تابعت منتديات اجنبية عمري ما قريت زي اللي يحصل عندنا
يا ترى ايه السبب ؟
ويا ترى انت مع هذه الظاهرة ام لا ؟

سأبدأ بوجهة نظري بدون الوقوع في فخ هدف الموضوع
انا شخصيا لا احب ادخال الدين في كل شئ
ليس لان الدين غير مرغوب فيه حاشا لله
ولكن لان مساحة الاوامر والنواهي هي مساحه محدوده جدا في الحياه على رغم اهميتها وهناك مجال واسع جداً اسمه العفو
احنا ليه دايما بننسى العفو اللي هو كل شئ لم يتطرق اليه الدين بشئ من الاوامر والنواهي
وما كان ربك نسيا