على حسب طريقة النصيحة يافندم ممكن اقبلها وادعيلة وممكن اشتمة واتخانق معاة
مثال بسيط شارع فية بيت قديم والبيت دة فى بلكونة بيقع منها طوب او المحارة واهل الشارع طبعا عارفين الموضوع دة ومش بيمشوا تحتيها
انا دلوقتى رايح لواحد صاحبى ساكن جنب البيت الى بيقع دة
وانا ماشى رايح لصاحبى ماشى تحت البيت الى بيقع لقيت واحد جالى وقالى حاسب ياريس ماتمشيش من هنا لان البيت دة بيوقع طوب احسن طوبة تقع عليك(واحد بينصحنى)اكيد انا هشكرة وهدعيلة
نفس الموقف الى حصل فوق بس لقيت واحد جايلة بيقولى اية يابا انت اتعميت انت اتهبلت مش شايف ان البيت بيوقع وانت ماشى تحتية لو مش بتشوف كويس ابقى ركب نضارة(واحد بينصحنى)هتقبل منة النصيحة؟؟؟؟؟؟
ادى الفرق بين النصيحة الاولى والنصيحة التانية
اى شخص هيقبل ان الشخص الاولانى ينصحة
اى شخص هيرفض يسمع النصيحة من الشخص التانى
والشخص التانى هو الى موجود فى المنتدى والناس مش عايزة تسمعة ومش طايقاة