لسه نازل اروح الشغل لقيت الفردتين علي الأرض

**the-hero** · 15-06-2010 10:58 AM

من راي تعمل محضر وتستدعيهم فى الاقسم وهناك تتنازل وتتصالحوا مجرد قرصة ودن وعفا الله عما سلف

**M.Zaher** · 15-06-2010 12:38 PM

اعمل محضر طبعا و ان شاء الله تاخد حقك

بس في المواقف دي لازم الواحد يتنح و ياخدها بالدراع لان البلد كلها ماشيه كده

انا تحت الشغل عندي فيه محل و الراجل بتاع المحل بيركن دايما مكاني و بيسيب ادام محله فاضي فلما باجي انا بروح راكن ادام محله الاقيه طالعلي ويقولي اركن بعيد كده من غير حتى لو سمحت من فضلك مردتيش عليه و ركبت العربيه و عملت نفسي هاطلع و رحت محضن العربيه على الرصيف على الاخر و اخدت ادام محله و زنقت في العربيه بتاعته اللى ادامي و اللي ورايا عشان محدش يعرف يعدي
و هوه بقى يا بشمهندس يا استاذ و لا معبره
بقي دلوقتي يركن ادامي اركن ادامه و مايفتحش بقه و كدده يعني

**shaddadfalcon1** · 15-06-2010 01:36 PM

انا لسه مراتي طلعه من تحت وبتقولي العجل منفوخ نزلت بصيت لقيته منفوخ فعلا اتاري السروجي اللي في وشي شافها العجل نايم قام نفخهم من نفسه انا قلتله بتنفخه ليه انا كنت عايز اعمل محضر قللي ياعم كبر دماغك المهم خبطت علي صاحب المحل طلعتلي مراته ست كبيره جدا وفضلت تقولي مش احنا والعربيه نشيلها في دماغنا ووالله لما بنلاقي عربيه بنسال علي صاحبها مش عارف - دولقتي مينفعش اعمل محضر ويمكن فعلا مش هما جايز اي بني ادم تاني مؤذي مع ان الواد الصغير اللي في الورشه لما مراتي سالته قالها هما اللي منيمينه

**أحمد كمال** · 15-06-2010 02:39 PM

شكلهم قلقوا و لموا الدور ..... خلاص فكك :)

**الغزالى** · 15-06-2010 04:12 PM

المشاركة الأصلية كتبت بواسطة shaddadfalcon1

انا لسه مراتي طلعه من تحت وبتقولي العجل منفوخ نزلت بصيت لقيته منفوخ فعلا اتاري السروجي اللي في وشي شافها العجل نايم قام نفخهم من نفسه انا قلتله بتنفخه ليه انا كنت عايز اعمل محضر قللي ياعم كبر دماغك المهم خبطت علي صاحب المحل طلعتلي مراته ست كبيره جدا وفضلت تقولي مش احنا والعربيه نشيلها في دماغنا ووالله لما بنلاقي عربيه بنسال علي صاحبها مش عارف - دولقتي مينفعش اعمل محضر ويمكن فعلا مش هما جايز اي بني ادم تاني مؤذي مع ان الواد الصغير اللي في الورشه لما مراتي سالته قالها هما اللي منيمينه

طيب تصدق دة راجل اصلى والله العظيم السروجى دة وشكلة راجل محترم جدا

**M.Osman** · 15-06-2010 04:30 PM

انا عندي الحل اللي هيريحك و يريح كل اللي بيشوفوا البلاوي دي

هاجر

**shaddadfalcon1** · 15-06-2010 05:19 PM

انا كنت ممكن اعمل محضر بمنتهي السهوله وحبايبي هناك كتيير وكانو هيقومو بالواجب الفكره كلها اني مشفتش حد ومقدرش اقول ان صاحب المحل هو اللي عملها بصراحه خفت اظلم حد واعمل عداوه ملهاش لازمه وخصوصا بعد مامراته اعتذرت وحلفت 100 يمين انهم مش بيعملو كده السروجي راجل ذوق جدا ومن نفسه والله وحتي قاللي ملوش لازمه محاضر ووجع دماغ يلا بقي جت سليمه المره ده - اديني اخدتلي يوم اجازه حلو طبعا لو في تلبس والله ماكنت عتقه بس الطيب احسن