هاقول لحضرتك حاجة
موضوع التكييف دة وفك التابلو موضوع حساس قوى علشان تابلوهات العربيات بتاعت زمان دى مش عايزة حل وتركيب كتير
وحضرتك عارف انة تابلو الريجاتا ضعيف ومش عايز حد يتعافى علية وطبعا عندنا الصنيعية الله يخرب بيوتهم واحد واحد قادر يا كريم
بيقومو كاسرين حتة من التابلو مثلا ويقولك لامؤاخذة يا استاذ دى مش مهمة قوى يعنى حضرتك
المهم
واضح ان البلاور عندك عايز يتنضف والتلاجة نفسها عايزة تتنضف بردة
وعلشان توصل للاتنين دول اكيد هايبقى فيها حل تابلو
فدور على كهربائى شاطر ومايكونش جزار ولا عربجى وبيتعامل مع الحاجة بغشمية
لان اول حاجة هايقولك عليها بتاع التكييف دى مش شغلتى يا استاذ دى شغلة الكهربائى
روحلة يحللك التابلو ويطلع التلاجة والبلاور
وطبعا كلة بحسابة
فلو حضرتك شايف ان الموضوع يستاهل حل وتركيب ومصاريف يبقى اتكل على الله وابدا فية
وجايز مايطلعش فية حاجة غير انة عايز يتنضف بس ويتشحن ويبقى كدة تمام قوى وفضل ونعمة من ربنا
هوة حضرتك ساكن فين
المفضلات