الحمد لله ان هى جت على كدا يا معلم والحمد لله ان انت محصلكش حاجة وان شاء الله تكون العربية رجعت احسن من الاول وشكرا خاص للاستاذ كريم ولتكنو وان ولكل العاملين هناك على المجهود اللى عملوه
رقم العضوية : 54071
تاريخ التسجيل : 28Nov2009
المشاركات : 1,777
النوع : ذكر
الاقامة : nasr city & 3`amra
السيارة: skoda a4
السيارة[2]: kia new cerato high line
دراجة بخارية: no
الحالة :
الاول قبل اي حاجه انا بعتذر عن تأخري عن الموضوع كان المفروض اكتبه من يوم الجمعه بس اعذروني معلش والله بعد ما استلمت العربيه يوم الجمعه باظت تاني ف مروح بتنا الساعه 12.30 والله و بعد كده كان عندي دروس كل يوم مكونتش بشوف قدامي والله و كان عندي امتحان امبارح مره تانيه بعتذر
#ff0000
احكي بقي الي حصل يوم المقابله العالمي
كان المفروض نتقابل يوم المقابله ده انا و محمد الجيزي و ابو ليلي و حمدي و د\احمد سامي
انا كان عندي امتحان في اليوم ده و كنا متفقين ان احنا هنتقابل بعد الامتحان المهم انا نزلت الامتحان عادي ووصلت قدام الجامعه وعاوز ادخل الجراج وطبعا عارفين جامعه عين شمس بيبقي قدامها ميكروباصات قد ايه المهم امشي الميكروباص جمبي يمشي اقف علشان يعدي وادخل من ورا علشان ادخل الجراج يقف قمت مديها كيك داون علشان اعدي منه وهوب بقيت فوق الرصيف هي لحظه من بعد الكيك داون دوست فرامل فيها علي الاخر بس للاسف ملحقتش من السرعه وفي اللحظه دي شريط حياتي كله شفته بيعدي من قدام عنيا عمره كله شفته في لحظه و سلمت للموت خلاص وفجأه لقيت الاير باج الاتنين ضربو و دخان والناس بتفتحلي الباب الحمد لله انك بخير طبعا انا مكنتش مصدق اني لسه عايش ولا فاهم حاجه في ايه و ايه الي حصل نزلت ابص العربيه مفيهاش حاجه من قدام افتح الكبوت دخان و الفانوس الشمال واقع و العجله الشمال فوق الرصيف و اليمين من قوه الفرمله مطلعتش و الرصيف وقفها تحت بس زنقت في الرفرف و طبقت حته منه والفرده اتعوجت وفخد الشاسيه لزق في سير الكاتينه
بقيت واقف في الشارع مش فاهم حاجه و مش عارف اعمل ايه اتصلت ب محمد الجيزي علشان كان هيعدي عليا بعد الامتحان قلتله علي الي حصل وقلتله اتصل ب الناس قولوهم اني مش هقدر اجي و احكلهم الي حصل وقفلت معاه و في لحظه قررت اني مش هدخل الامتحان وكان معايا واحد صاحبي مكانش عاوز يدخل هو كمان بس انا اصريت انه يدخل الامتحان ودخلته و كان الوقت بدأ
وبقيت واقف في الشارع حيران و مش عارف اعمل ايه و مش فاهم حاجه خالص ولا عارف اكلم مين ولا اعمل ايه ولا فاهم حاجه كلمت بن عمتي كنت لسه سايبه قبل ما انزل الامتحان لقيته قافل موبايلو شديت في شعري ده انا لسه سايبك من نص ساعه اتصلت بواحد صاحبي في الشارع قلتله خبط علي بن عمتي و هاته و تعالالي عند الكليه طيب في ايه يا ابني انت بتتخانق اتصل ب حد اجيبه معانا
قلتله لأ يا ابني مبتخانقش تعالالي بس عند الكليه المهم جولي هما الاتنين ايه يا ابني الي حصلك ده قلتلهم زي ما انتم شايفين هعمل ايه انا مش عارف حاجه قالي يا اما تدخلها الجراج يا اما توديها المركز علي طول قالي شوفلك ونش بقي و اول مره اشوف ظابط محترم في حياتي لقيته بيقولي انا هجبلك ونش بس شوف هتعمل ايه قلتلع هدخلها جوه الجراج لحد ما اشوف هعمل ايه المهم الظابط جابلي الونش و دخلت العربيه جوه الجراج و فضتها من الحاجه الي كانت فيها و حطيتها في عربيه ابن عمتي و قمت ماشي لقيت محمد الجيزي بيكلمني قالي انا جايلك دلوقتي المهم جه و فضل قاعد معايا لحد الساعه 11 بليل
قضينا اليوم عندي في الكليه شويه و بعدين كل شويه نتصل بيهم في المركز علشان نشوفهوم هيعملو ايه خلصو ولا لسه اصل الباقي كانو في تكنو وان بيعملو الصيانه واتأخرو بسبب المشكله بتاعت ابو ليلي الي هو كان حكي عليها الي هي بتاعت الفتيس ف احنا مكناش فاهمين في ايه لحد ما زهقنا و قمنا رايحينلهم بصراحه كان يوم حلو الواحد اتعرف علي رجاله زي العسل والله بجد اذا كان محمد الجيزي الي قضي معايا اليوم كله ولا ابو ليلي و لا د\احمد سامي ولا عمرو عبد السلام ولا حمدي حبيبي واخيرا الاستاذ الكبير بتاعنا كلنا كريم منير بجد الناس دي زي العسل وبجد الناس دي كلها رجاله بجد رجاله مسبونيش لحظه من يوم الحادثه لحد النهارده معايا علي طول و بيطمنو عليا علي طول ومتابعاني اول بأول بجد ربنا يخليهم
واتفقت و انا هناك مع المهندس احمد الشحات اني هجيب ونش و اداني رقمه و هجيب العربيه تاني يوم علي طول وا\كريم منير بصراحه وصي عليا يوميها كتير اوي
وفعلا تاني يوم روحت جبت الونش واخدت العربيه و علي المهندس احمد في تكنو وان علي طول وكنت كل يومين بنطلهم علشان اشوف الاخبار و ايه الي حصل والحمد لله خلصت يوم الاتنين الي فات بس انا مكنتش فاضي اجبها علشان الامتحانات و روحت جبتها يوم الجمعه الحمد لله كانت مفيهاش حاجه و رجعت زي الاول و كان الحساب 8800 و 10% ضريبه مبيعات وانا كنت هتجنن من موضوع الفلوس ده و كان اسلوب الكلام كمان مش لذيذ مع المهندس احمد كان بيتكلم بطريقه مش لذيذه خالص اتصلت يوم الخميس ب ا\كريم منير حكيتله كل الي حصل بجد الراجل ده شخصيه محترمه جدا و قالي ولا يهمك و متتضايقش وانا هحللك الموضوع و فعلا ا\كريم ربنا يخليه بجد الراجل ده ربنا يجعله كل حاجه كويسه في ميزان حسناته اتصل بيا بليل يوميها و قالي انا شلتلك 1000 جنيه الي هما ال 10 % وقالي روح استلم بكره و لو في حاجه كلمني
فعلا روحت الجمعه استلمت و فعلا العربيه رجعت احسن من الاول والله و شغلهم لا يعلي عليه بس كان ليا ملحوظه ان العربيه كانت عاوزه تتظبط زوايا بس و المهندس احمد قالي تعالي عدي عليا بعد اسبوع علشان نراجع المستويات ونربط عفشه و هظبطهالك وكل حاجه المهم قلتله ان شاء الله هعدي عليك بكره علشان اخد الحاجه الي اتغيرت علشان علبال ما استلمت العربيه كانت الساعه عدت 8 و العمال مشيو ف المهم روحت ب العربيه عادي والحمد لله العربيه تمام مش ناقصها بس غير انها الاير باج ضاربين و مستني لما الاقي سعر كويس وللاسف مفيش كلاكس ولا زراير الدركسيون شغاله الملتي فانكشن علشان كلهم مرتبطين ب الاير باج فروحت و نزلت تاني قلت اروح اجيب ملازم بقي علشان اذاكر و انا رايح لقيت قريبي بيكلمني بيقولي العربيه بتنقط حاجه المهم كنت علي الكوبري و انا نازل لقيت الدركسيون قفش قمت راكن اول ما نزلت من الكوبري وفتحت الكبوت لقيت زيت الباور كله في الارض وعلبه الباور فاضيه كان جمبي بنزينه جبت زيت باور و حطيت و مشيت لحد البنزين كانت بعدي ب 10 متر لقيت الدركسيون قفش تاني و الزيت برده في الارض جبت ميكانيكي مفهمش حاجه قالي امشي بيها كده كل شويه انزل حط زيت باور
فعملت كده لح\ ما وصلت ل جراج بعد حوالي 50 متر واتصلت ب ا\كريم و اتصلت ب المهندس احمد الشحات و بصراحه الراجل متأخرش اول لما عرف الي حصل قالي انا جايلك وفعلا 10 دقايق و كان عاندي جه و قالي احتمال يكون عليه الدركسيون علشان احنا صلحناها بس مرضتش اغيرهالك وبعت جاب ونش و خد العربيه و وداها المركز وفعلا اتصلحت و وكان المفروض اروح استلمها امبارح بس انا مانجي عنجي امتحان ف روحت نمت و صحيت من شويه ف النهارده ان شاء الله هروح اخدها
ودي شويه صور بعد الحادثه
#ff0000
ودي الاسعار
قنطره 1750
مقص يمين 550
صدر 1200
كوتشه كوبلن 75
قاعده فتيس 245
خرطوم باور +4مسمار 450
مساعد امامي شمال 650
زيت باور 100
جركن مياه حمراء 55
اصلاح ريداتير 150
اعمال خراط 45
زرجينه + ظبط زوايا 130
اعمال شحن تكييف 250
اصلاح كوبلن 150
اصلاح علبه دركسيون 350
مصنعيات ميكانيكا 900
مصنعيات سمكره و دهان 1250
اعمال فيبر 200
اعمال كهرباء 150
ونش 150
الاجمالي 8800
انا دفعت 8600
وا\كريم منير شالي 1000 جنيه
#ff0000
وفي النهايه احب اشكر ا\كريم منير علي وقفته معايا بجد و الخصم الجامد الي عملهولي
واشكر كل حبايبي الي وقفو معايا و كانو بيسألو علشا علي طول
محمد الجيزي و محمد حمدي و د\احمد سامي و حبيبي ابو ليلي وعمرو عبد السلام
ونورمال و ياسر ومجدي الي كانو مستنين الموضوع و خايفين يكون حصلي حاجه وعتريس و كل حبايبي
وبرده مش المفروض ننسي تكنو وان ولا المهندس احمد الشحات ناس محترمه بجد و بجد في منتهي السرعه
شكر خاص لتكنو وان ولكل العاملين هناك علي الشغل التمام و السرعه في الاداء بعد اسبوعين كانت خلصت
رقم العضوية : 33117
تاريخ التسجيل : 16Feb2009
المشاركات : 4,097
النوع : ذكر
الاقامة : 6 Of October
السيارة: Peugeot 508 GT Max
السيارة[2]: Range Rover Velar
دراجة بخارية: VTX 1800
الحالة :
الحمد لله ان هى جت على كدا يا معلم والحمد لله ان انت محصلكش حاجة وان شاء الله تكون العربية رجعت احسن من الاول وشكرا خاص للاستاذ كريم ولتكنو وان ولكل العاملين هناك على المجهود اللى عملوه
رقم العضوية : 54071
تاريخ التسجيل : 28Nov2009
المشاركات : 1,777
النوع : ذكر
الاقامة : nasr city & 3`amra
السيارة: skoda a4
السيارة[2]: kia new cerato high line
دراجة بخارية: no
الحالة :
رقم العضوية : 53845
تاريخ التسجيل : 24Nov2009
المشاركات : 8
النوع : ذكر
الاقامة : Egypt
السيارة: no
السيارة[2]: KIA Cerato sx 2010
الحالة :
حمد لله على سلامة العربية يا باشا و الحمد لله انك كنت سليم بعد الحادثة وفداك ألف عربية .....
وربنا يسترها معانا .... وشد حيلك يا باشا في المذاكرة وربنا معانا جميعا في الامتحانات
رقم العضوية : 9524
تاريخ التسجيل : 24Apr2008
المشاركات : 6,381
النوع : ذكر
الاقامة : Cairo
السيارة: Tempra_1996
السيارة[2]: Cerato _2008_Auto
دراجة بخارية: NO
الحالة :
حمدا لله على السلامة ....
فداك كل حاجة المهم انك بخير
Eng.Ahmed Ismail
You Can't Never Ever to Keep a Nice Car in This Country....!!! S.O.S
[sor2]http://www.wasit.net/alrowad/images/hit.gif[/sor2]
كل شيء عن السيراتو
_______________
اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..
اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..
اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك
______________________
[shfaf2]http://www7.0zz0.com/2011/11/29/23/575740455.gif[/shfaf2]
رقم العضوية : 54071
تاريخ التسجيل : 28Nov2009
المشاركات : 1,777
النوع : ذكر
الاقامة : nasr city & 3`amra
السيارة: skoda a4
السيارة[2]: kia new cerato high line
دراجة بخارية: no
الحالة :
رقم العضوية : 54071
تاريخ التسجيل : 28Nov2009
المشاركات : 1,777
النوع : ذكر
الاقامة : nasr city & 3`amra
السيارة: skoda a4
السيارة[2]: kia new cerato high line
دراجة بخارية: no
الحالة :
رقم العضوية : 24515
تاريخ التسجيل : 08Nov2008
المشاركات : 69
النوع : ذكر
الاقامة : القاهرة
السيارة: كارينز
السيارة[2]: لانوس
الحالة :
الفالف مليون سلامة وحمدالله علي سلامتك يازواوي
[all1=#ff0000]سبحانك اللهم وبحمدك استغفرك واتوب اليك[/all1]
رقم العضوية : 54071
تاريخ التسجيل : 28Nov2009
المشاركات : 1,777
النوع : ذكر
الاقامة : nasr city & 3`amra
السيارة: skoda a4
السيارة[2]: kia new cerato high line
دراجة بخارية: no
الحالة :
رقم العضوية : 67989
تاريخ التسجيل : 15Apr2010
المشاركات : 614
النوع : ذكر
الاقامة : EL-HARAM
السيارة: SUNNY SUPER SALON&Ex 2006
السيارة[2]: KIA CERATO EX 2010
دراجة بخارية: haven`t
الحالة :
حمدالله على سلامتك يا زواوى وقول الحمدالله
بس زى ما قلتلك قبل كدة ما تسبش موضوع الايرباج دة كتير ولا تسيو فى الشمس عشاان الطابلوم ميعملش فرق
ولا انتا هتغير الطبلوة كلو؟؟
المفضلات