الموضوع: فولكس بولو ٩٦ - بعد عشر دقائق سواقة النقل من جير لجير بيعض

ايه اخبار زيت الفتيس والعربيه معاك من زمان ولا لسه شاريها

هل ممكن تكون مشكلة زيت الفتيس؟ على العموم هكشف على الزيت اولاً! العربية بقالها معايا ٤ سنين

هو أنت مغيرتهوش قبل كده ولا ايه ولو غيرته حطيط زيت ايه ، لما تغير حط زيت إسو 90 ده احسن حاجه ومتحطش غيره

بقولك يا هشام هو زيت الفتيس دا الى علبته صغيره كدا وغطاها أصفر و شمال أربة مياة تبريد الماتور المكورة دى ولا إلى غطاها أخضر شمال الماتور عشان عايز أكشف علية هو وزيت الباور ؟

وال الفتيس إيسو 90 بيتحط أد إيه ؟
وزيت الباور إسمة إيه وبيتحط أد إيه ؟

لا ده بيبقى طبه فى جانب الماتور من الاسفل وبيتاخد تقريباً 3 لتر وشويه انا جبت 4 جراكن فاضل فى واحد نصه تقريباً والواد وقع حبه فى الارض عشان كده مش عارف المقاس بالظبط انا لسه مغيره من شهرين حسب كلام الراجل انه كان الاصلي بتاع العربيه :))

زيت الباور اوعك تحط زيت باور احمر ، حط ابيض امريكاني اسمه جانك بيعمل من 45 إلى 55 أنت وحظك وقى الاخضر بتاع فولكس بس صعب تلاقيه الاحمر سعره 14 جنيه تقريباً وفى الاصل هوه مش بتاع باور ده بتاع فتيس اوتوماتيك

ليه هو الجركن بتاع الإيسو بيبقى كام لتر ؟ دا أنا فكرى علبة كدا صغيره عشان زيت الفتيس مش بيحتاج زيت كتير على ما أعتقد

وبالنسبة لزيت الباور كان فى زيت أصلى كان origenal ( أسامه ) قالى عليه الى هو أسمه ( G 004 000 m2 ) ودا بيبقى أخضر شفاف وكان سعره تقريباً 75 جنيه ( إلى أنت تقريباً قصدك علية )
اما بالنسبة لزيت الفتيس فكان قالى على Esso 75w90 ( وجايز برده دا إلى يكون قصدك علية )

بس على فكرة ممكن يكون أماكن وجود علب الزيوت مختلف بين عربياتنا زى أختلاف العدادات إلى فات , طب قولى كدا كمان على علبة زيت الباور عندك فين ممكن برده تبقى حاجه تانية والله أعلم

غيرت الزيت, المشكلة لسه موجودة بس قللت نسبة العض بعد عشر دقائق, سألت ميكانيكى فولكس على مشكلتى قالى ده عيب دسك و انا محتاج طقم دبرياج جديد. المشكلة بتحصل لما الدسك بيسخن و داه مش عيب سلك ابدا, هل فى حد ممكن يأكد الكلام ده لان طقم الدبرياج عملية مكلفة قوى!؟