ايووووووووة بقى يا نورمال اصلى يا بوبو وحببتينى فى العربية اكتر ما انا حببها ربنا يحفظهلنا ياررررررررب
عرض للطباعة
ايووووووووة بقى يا نورمال اصلى يا بوبو وحببتينى فى العربية اكتر ما انا حببها ربنا يحفظهلنا ياررررررررب
أخيرا لا أجد مطلقا أى سياره فى فئتها تتفوق عليها فى الشكل لا خارجيا ولا داخليا فى أى شىء لا كورى ولا يبانى ولا حتى أوروبى زى اللينيا مثلا
هههههه مش عارف ليه بتعز اللينيا اوى كده بس عموما هيا ازواق و مش هاعلق على كلامك منعا للمناقشات المكررة زى ما حضرتك بتقول
و شكرا على التقييم الجامد ده يا باشا خلتنى اعرف حاجات كتير عن العربية زى ما اكون قاعد جواها بالظبط و بجرب بنفسى :satelite:
شكرا يا باشا وبلاش تجيب فى سيرة اللينيا كتير هه
يخرب عقلك يانورمال :S_thum1[1]:
دانت ولللللللللللد :Ta_clap[1]::Ta_clap[1]:
تسلم إيدك ودماغك والله وأنت خلصت كل الكلام فى حبيبة الكل ( سوسو ) :Oc_sun1[1]:
ومفيش قول بعد قولك ياكبير :B4_611:
لو سمحت لو سمحت لو سمحت ... روح اقف قدام المراية ... دور على أى حد معدى من جنبك ... خليه يبوسك على خدك بالنيابة عنى ... اييييييييييييييه الجمال ده ... تسلم دماغك و ايدك على الموضوع ده - الموضوع ده متثبتش ازاى لحد دلوقتى ... بغض النظر عن إنه فيه مواضيع كتييرة من اللى متثبتة فوق دى مينفعش تتثبت على حساب الموضوع الجميل ده
احب بقى أديك انطباعى و انا برضه EX زيك بس خليجى
أولا الجنط: انا الجنط بتاعى 15 Alloy مش عارف لو فيه فرق بين ال 15 Alloy و ال 15 العادى ولا لأ فى الثبات و النشوفية... بس عايز أقول إن ده أحلى جنط نزل للسيراتو كحجم لأنى بصراحة مش شايف إن أى جنط أكبر من كدة يبقى ماشى على شكل العربية حتى لو هيجى على حساب بعض الكماليات اللى كنت أتمنى حاجة أو 2 منها اللى هم فتحة السقف و السمارت كى ... بس الحمد لله كدة فلة أوى ... و بالمناسبة أحب أقولك ليه والدى رفض يجيب سيراتو بفتحة سقف ... لأن عربيته فيها فتحة سقف و مش بنستعملها فقاللى بلاش أحسن ... بالإضافة لصاحب المعرض اللى نصحنا بإنه بلاش الجنط ال 16 ولا 17 .... إلا إنى لازلت أحمل ضغينة من بتوع ال SX علشان اللهب المتوهج بتاع العداد اللى انا كمان زيك بتمناه و فى يوم من الأيام هوصله بإذن الله:ma:
ثانيا العفشة الخلفية: بص هقوللك على حاجة ... المرة الوحيدة اللى حسيت فيها إن العفشة دى ناشفة و بنت ستين تيييييييييييييييييت هى يوم لما العربية جت لأنى كنت لسة مظبتش الكاوتش ... إنما بعد كدة - و انا على مشارف ال 8700 كيلو دلوقتى - العفشة طرية بشكل مختلف تماما ... و العفشة دى مش بيبان حسناتها إلا بعد أما تعدى ال 100 .... زمان لما كان معايا لانوس كنت أوصل لل 110 أقول كدة حلو أوى 120 ماشى إنما أكتر من كدة يبقى غشومية و تبدأ بقى تتشاهد على روحك .... إنما دلوقتى انا بقيت بوصل ل 140 و 150 و محدش من اللى راكبين حاسس بحاجة ... و العربية - لهواه الجرى يعنى - حلوة أوى لحد 160 ... ممكن تجيب أكتر من كدة بس هتبدأ تقلق بس ده مش معناه إن الثبات بيبقى أوحش و دى قد تكون ميزة الجنط السبور Alloy
ثالثا الباور: المفروض - و مش عارف إذا كان افتراضى ده صح ولا غلط - إن الجنط بتاعك عادى لأن ال 15 Alloy مش بينزل غير للسيراتو الخليجى ... يعنى المفروض الدركسيون عندك يكون أخف من عندى ... بس انا شايف إنه مش عبء مطلقا على ذراعى ...بس هو مش خفيف زى الباور الكهرباء اللى بينزل فى معظم العربيات بس هو يمتاز بإنه أكثر ثبات و خصوصا مع الجنط الثقيل و مش بتحس بيه غير لما تيجى تركن العربية و بتفادى الموضوع ده إنى محركش الدركسيون إلا مع حركة العربية إنما عمرى ما أحرك الدركسيون و العربية واقفة
رابعا استهلاك البنزين:هى على الطريق لمسافات طويلة و سرعات عالية فوق ال 120 حلوة و معقولة و ممكن توصل بيها لمعدلات عبيطة زى 6 و 7 لتر فى ال100 كيلو .... إنما جوة المدينة انا معاك إنها بتستهلك بنزين بس متنساش إنك سايق - زى ما قلت - وحش ... و الوحوش مش بياكلوا فول زينا:B4_237: لأ دا موتور الله أكبر Gamma DOHC 124HP يعنى رفاهية عالية ... و ليكن إن شركة كيا مش عاملة تكنولوجيا لتوفير البنزين زى بى ام و مرسيدس .... لو هنتكلم على الزمن فالتفويلة بتقعد معايا اسبوعين تتضمن مشاوير كل يوم فى المدينة و على الطريق لو هنعتبر كوبرى اكتوبر و المحور الصبح بدرى قبل الزحمة دول طريق ... بتعمل حوالى 510 كيلو ... و انا أعترف إنى بحرق و ممكن أجيب أقل من كدة بس زى ما قلت العفريت بينزل على الواحد مننا يخليه مش بس يحرق لأ دا يولع فى أم الموتور:36_1_2[1]:
تسلم ايديك يا هندسة من زمان مشوفناش تقييم متكامل عن العربية زى ال انت عملته
أنا معاك فى أن ال يقدر ينقل تجربة العربية لازم يكون ساقها فترة موش مجرد خدها مشوار من واحد صاحبة ويرجع يقول رايه حتى لو الراى دا لصالح العربية
وفاضل ع الحلو تكه ونبقى من ملاك كيداهم انشاء الله
عموما ربنا يوفقك ف امتحاناتك :3_3_102[1]:
معلش ليه في حدة جامدة وانت بتعمل التقييم متقول المميزات والعيوب وخلاص ليه اعضاء السيراتو حتى وهو بيعمل تقييم لازم يعمله بحدة ويمنع منعا باتا اي حد يقول رايه في العربية لمجرد انه ممتلكهاش لازم تتقبل الراي الاخر برضه
وشكرا
الله ينور عليك يا normal من خلال متابعتي للمنتديات و تتبعي للسيارة - ان شاء الله اكون من ملاكها - تقرير وافي شافي كامل مكمل
السيد morasystem ممكن من خلال استعمالك اليومي للسيارة لو مشوار من اكتوبر الى مدينة نصر و تحديدا رابعة العدوية
العربية بتستهلك كام بنزين في زحمة متوسطة مع ملاحظة ان من اكتوبر الى ميدان لبنان طريق مفتوح
مع خالص تحياتي
أبو ليلى حبيب قلبى :))
دا أحنا مستقصدينك بقى هههههه
بس أنا أجى فين فى مقالاتك الجميله يا أبو ليله
بجد يا ريت تكمل الموضوع وتعمله لأنى متأكد أنه هيفيدنا جدا
فياريت متحرمناش منه بجد
ومنور دايما يا أبوليلى
ربنا يخليك يا مجدى باشا دا بس من ذوقك
ربنا يخليك يا وليد وشكرا على كلامك
أهلا بالفياتوايه :))
منورين
بردو مفيش فايده فى موضوع اللينيا :))
ولاون رأيي واضح فيها إلا أنى متكلمتش غير عن الانتريور بتعاعها
قصدقوا الانتريور حلو....بس كده
أحلى أنتريور ومش محتاج أى لمسه :ma: ولا تزعلوا
ومتشكر على كلامك يا ميدو :satelite:
حمدى باشا والله منورنى
وشكرا على كلامك يا كبير
ودايما رافع من معنوياتى كدا :ma:
والله يا مورا مشاركه جميله وتقرير جميل
وشكرا جدا على على كلامك يا باشا دا بس من ذوقك
ربنا يخليك يا فندم
وإن شاء الله نباركلك قريب على العربيه إن شاء الله
طيب أولا أذا كان قصدك على التقييم نفسه فيه حده فأنا مش شايفها
فى مهاجمه منى على الى بيهاجموا العربيه ودا طبيعى
لكن لو قصدك على كلامى الى فى الاخر فأنا معاك فى حده منى أعتذر عنها
بخصوص تجارب غير الملاك أنا قلت قبل كدا
الموضوع دا بالذات الى أحنا فيه دا مخصص فقط لتجارب الملاك
أيه الى يخلى الى مش مالك وعنده تجربه لازم يتكلم هنا
ميعمل موضوع لوحده حتى أفضل ليه
هو موضوع واحد داخل القسم الى هو دا مخصص فقط لتجارب الملاك
ليه
علشان أنا عايز الى ميعرفش حاجه عن العربيه أو عايز يعرف عنها
يبقى فيه موضوع يفتحه يلاقى كلام واقعى مبنى على تجربه لأشهر فى ظروف شتى
ميلقيش تجربه منقوله لا يعلم صحتها إلا الله
أنا بقول لو واحد ساق العربيه يوم وعايز يشكر فيها مليون مره
بردو ميقولش تجربته هنا علشان دا للملاك فقط
يعنى ميهمنيش هيخش يهاجم ولا يمدح
أنا عايز غير المالك ميتضللش
لا يلاقى واحد بيهاجم على تجربه يوم ولا حتى واحد يشكر على تجربه يوم
نورت
شكرا يا فندم
وإن شاء الله نباركلك قريبا إن شاء الله
وربنا يوفقك للأفضل
ماشي يا نورمال اسيبك يومين الاقي الدنيا مقلوبة بسبب مواضيعك - هههههههههههههههه
ايه الجمال دة كلو يا معلم - انا بس مشغول يومين كدة وحرجعلك ونهيص
انا معنديش نص كلمة علي تقريرك الرهيييب دة بس ليا طلب
ممكن ابقي اعمل تقريري عن ال sx هنا معاك عشان يبقي الموضوع واحد ومرجع لكل الملاك ؟
دة طبعا بعد اذنك - انا ممكن اعمل موضوع منفصل بس انا بتمحك في موضوعك الجامد دة
برنس الانتاج الفنى فى المنتدى نورمال باشا
عتريس بجد واحشنى جدا جدا
يا باشا دا أنا ليه الشرف أن تقريرك يبقى فى موضوعى
بجد مفيش حاجه هتخلينى أسعد من كدا
وأنا كدا كدا مستنى لما الموضوع يهدى وكل مالك يقول رأيه وتقريره
هطلب من الاداره أنها تنقل كل التقارير تحت بعضها
علشان الى داخل يقرا كل التقارير تحت بعضها كدا
منورنى دايما يا عتريس
يا باشا ربنا يكرمك على كلامك الجامد دا
وشرفتنى بردك
بص يا باشا ... الأول هنصفر عداد الTrip ... دور العربية ... سخنها لمدة 30 ثانية زى ما الكتاب ما قال ... هتلاقى متوسط الاستهلاك بقى 13.8 لتر فى ال 100 كيلو و لسة مطلعناش .... بعد كدة اطلع على المحور هتلاقى المعدل عمال يقل يقل يقل لحد ما هيوصل على أخر المحور ل 9.2 لتر فى ال 100 كيلو هنبدأ ندخل فى الزحمة و المعدل ممكن يزيد لحد 9.8 لتر فى ال 100 كيلو ... هنرجع تانى على اكتوبر و المعدل هيبدأ يقل تانى لأننا على الرابع دلوقتى و لمسافة طويلة بسرعة عالية ... فى النهاية بعد ما هنوصل هتلاقى المعدل حوالى 9.5 لتر فى ال100 كيلو ... ده بالنسبة للاستخدام الشبابى للناس اللى بتحب تحرق و كدة
لو هنحرص قوى و نقرط أوى و بعد كل نقلة نرفع رجلنا من على دواسة البنزين علشان العربية تنقل للغيار الأعلى يبقى ممكن نعمل المشوار كله رايح راجع بمتوسط استهلاك حوالى 9 لتر فى 100 كيلو و هو حاجة قياسية جدا جدا جدا بالنسبة لموتور 1600 سى سى داخل شوارع القاهرة
و الحكم فى النهاية للمشوار ككل ... هو أخر قراية لمتوسط الاستهلاك بعد ما تنزل من العربية لأن الكمبيوتر بتاع العربية بيحسب اوتوماتيك معدل الاستهلاك فى كل كيلو العربية بتمشيه و يجمعهم على بعض أولا بأول إنما القراية بتاع العداد مش قراية لحظية
هايل يا نورمال بجد
وبعدين انت زعلان من استهلاك 10 لتر لكل 100 كيلو
انا الفترة اللي فاتت بلاقي الاستهلاك 11.5 و12 وأرقام غريبة كدة
بس اجمالاً بعد استخدام 15000 كيلومتر
العربية ظريفة مش مدايقني غير العفشة (مدايقاني أوي بيني وبينك)
شكراً يا كبير على المواضيع الجامدة
توبك رائع ومشاركات اكثر روعة شكرا لمجهودك
جميل جداً normal - تقرير وافى واسلوب جذاب فى الوصف والتعبير .... يا ريتنى أعرف اعمل وحد زيه للكارينز
طالما القلب واحد (الموتور) .... فالاستهلاك فى الحدود الطبيعية ولو ان الكارينز معايا بتوصل 13 كم / لتر
اية الجمال دة والحلاوة دية
بصراحة تسلم اديك وتفكيرك المنطقى
ودايما مواضيعك الجميلة لفائدة اعضاء المنتدى
ربنا يبارك فيك :3mla:
اما بخصوص البنزين انا عندى داخل القاهرة بتعدى 12 لتر 100
اما خارج القاهرة / اسكندرية 10 لتر لكل 125
عمرو باشا منورنى والله
وعايزين تقرير منك كدا علشان الموضوع يكمل
أستاذ خالد ربنا يخليك و والله أنت تعرف تعمل أحسن منه ومستنين منك تقرير عن الكارينز بقى من أكبر ملاكها
ربنا يبارك فيك يا باشا نورت الموضوع
أنا بصراحة ركبت مع واحد صاحبي Cerato معرفش EX باين, مش ديه أول فئة ؟اقتباس:
التكييف
تكييف العربيه جيد جدا مش ممتاز
متشتكيش منه الصراحه لكن يعيبه صوت المروحه المرتفع من أول 3
وعلشان هو مش ممتاز هتحتاج تطلع ل3 بالضروره وساعتها هتحس بأزعاج المروحه
مبيأثرش بصوره ملحوظه على سحب أو أداء العربيه تقدر تجرى وتحرق وتشد مع التكييف وهتلاقى الاستجابه
لسه طالع من واحد sx نحاسى على مصر السويس وأنا راجع "مفيش غير سيراتو فى الشوارع بنبلطج على بعض بقى :))" وكنت مشغل التكييف محستش بفرق
الخلاصه تكييف قوى لكن مزعج على 3 غير مؤثر على العربيه ولا أعتبره من عيوب العربيه
المهم شغل التكييف في مشوار طويل بتاع ساعة كده, وعلى طريق مش زحمة يعني طريق سالك ومع ذلك التكييف تبريده كان ضعيف جدا مع إن درجة التبريد كانت عالآخر, بس التكييف كان يادوب كاسر سخونة الجو وماكانش مبرد خالص.
ده تجربتي مع تكييف ال Cerato
وشكرا عالموضوع الهايل والمحايد.
غريبه يا راؤل أنه كان مشغله على الاخر أنا عايز أقولك أنا لو هتسلق مش هجيبه على 4 لأنه هيبقى مزعج جدا جدا
على أى حال أنا راضى عن التكيف جدا ولسه عامل مشوار للهرم رايح جى فى عز الشمس عامله على 2 وسقعان
قله يكشف عليه بردو
والعفو يا باشا نورتنى
ومبروك على البروتون
بجد تقرير اكتر من رائع وفعلا فيه مجمل كل حاجه في العربيه بحياديه تامه
وفعلا اكتر حاجه بتارقني في العربيه ومزعلاني البنزين مش عارف ومش مستوعب هو استهلاكه حلو بس بالنسبه لي انا حرام علياه يفرق معايا بقيت بحطلها بنزين 90 يا راجل بس هو في العادي بالنسبه لاي حد تاني يعتبر ازيد من المعدل الطبيعي
هنجامل اكتر حاجه مزعلاني وخلاص :d
قرأت هذا الموضوع الرائع اليوم فقط.. كاتبه عقلية نقدية لا تتكرر كثيرا في منتدى كهذا ومصادرته على التعليقات المجانية في محلها تماماً.
تقرير تحفه يانورمال باشا واسمحلي اقول ملاحظه صغيره العربيه بصراحه تحفه ودا الي خلاني عاوز اجيبها تاني بعد ما بعتها مع العلم اني ركبت بعدها تويوتا 2010 (ياباني) بس بجد كنت مرتاح في السيراتو اكتر كتيييير بس قبل ما ابعها كنت بسمع صوت تزيق خفيف في العفشه(جنط 15) ولمبة الارباج نورت فجأة بس عموما العربيه مميزات العربيه أكتر كتير من عيوبها واسف ع الاطاله
موضوع مهم و مفيد
اكثر من رائع
تسلم على التقرير
بس كنت عايز اعرف لو في فرق بين عفشه السيراتو الsx الجنط ال17 و الكوبkoup؟؟
يا أستاذ نورمال الموضوع لازم يدوم لسببين أولهم علشان أنت اللي كاتبه باسلوبك المميز الحيادي الرائع الواعي
و ثاانياً إنه عن معشوقة العالم مش بس المصريين .. السيراتو
أنا من مالكي أفقر فئة من السيراتو الlx
الفاضية تماماً لا إير باج و لا abs ولا فرش جلد ولا أي حاجة
كنت الأول بعاني من حدفة شمال و الحمد لله ركبت الكاوتش في الخلف زي ما نصحتني و راحت
بس أحب أضيف حاجة صغيرة
نصيحة لكل الملاك سواء للسيراتو أو غيرها
أرجوكم بلاش تجري بالسيارة قوي لأنها خداعة جداً انا ماحستش على طريق الأسكندرية أول يوم رمضان قبل الإفطار على طول
وكنت عاوز ألحق الفطار مع أهلي في اسكندرية إلا وأنا ماشي 190 لفترة و كان معايا زوجتي و إبني
ماكنتش حاسس بالسرعة والثبات مع الزجاج المغلق زي الفل و الطريق لسة معمول
بس لن أكرر هذا أبداً إن شاء الله
المشكلة اللي مقابلاني حالياً هي ريحة الإسطوانة في الزحام و مطلع الكباري .. لأني واخد على قديمو و مش بدوس فرامل و مريح رجلي على الدبرياج و خصوصاً انك مش بتسوق أنت بتصارع مع التكسيات و ميكروباصات الجمعية و الإلترامكو ( من سكان الهرم و شغلي في المهندسين ) رايح راجع معاهم
و أخيراً أشكرك علي الموضوع المميز لثاني مرة
يا باشا شكرا على كلامك وذوقك العالى والله
وأنا بجد مستحقش كل دا
شكرا مره تانيه
وخد بالك فعلا لأن السرعه ساعت مبنحسش بيها فعلا
وبخصوص الاسطوانه حاول ترعش بس كدا متضغطش عليها أوى
أنا طبعا متفهم السواقه خصوصا فى الزحمه
نورت الموضوع يا باشا وشكرا مره تانيه على ذوقك