النيو سيراتو...ما لها وما عليها

**M.almaghraby** · 15-06-2010 03:38 PM

وصلت وجهة نظرك ياباشا

**NoRmAl** · 15-06-2010 03:38 PM

المشاركة الأصلية كتبت بواسطة m073med

يسعدني اكون اول واحد يرد على الموضوع وشكرا على الحيادية في المقارنة وتقرير جميل وحيادي نقلا عن تجربتك الشخصية وربنا يباركلك في السيراتو

متشكر لذوقك شكرا

المشاركة الأصلية كتبت بواسطة Cutevampire

اعتقد استهلاك البنزين مش عيب جامد قوي في العربية
الاستهلاك عندي اقل شوية منك يمكن فرق طريقة السواقة
انا بالنسبة ليا العفشة اسوء شئ في العربية

والله يا كيوت جربت بس بردو نفس الاستهلاك
وشكرا على أبداء رأيك

المشاركة الأصلية كتبت بواسطة Beeso

يسلم عليك يا normal بجد موضوع جميل جدا ويشرفني إني أكون أول واحد يرد عليه

المشاركة الأصلية كتبت بواسطة Beeso

يا خسارة ملحقتش أكون أول واحد :) الناس مركزة قوي هنا

يا بيسو أنت كفايه أنك دخلت
منور يا باشا

المشاركة الأصلية كتبت بواسطة hamada_sivo

شكرا يا باشا على التقرير .. و طبعا الحيادية و التفاصيل من اجمل مميزات التقرير .. و ربنا يباركلك فيها ..و بجد هى احسن صفقة من اعتمادية و سعر و كماليات فى السوق المصرى حاليا ..

العفو يا باشا نورت

المشاركة الأصلية كتبت بواسطة memo_p910

موضوع مميز ومرجع عن العربيه وفعلا اللي ينقل تجربه لازم تكون عن خبره وامينه

بالنسبه للاستهلاك خليك هادي شويه هايظبط معاك

شكرا وحاضر يا باشا شكرا على النصيحه

المشاركة الأصلية كتبت بواسطة ahmed_su

ولا كلمة غلط ...

الله ينور يا "هندزة" ...

تقبل تحياتى على التقيم المميز

أستاذ أحمد

ربنا يكرمك والله بنتعلم منك
وشكرا لكلامك

**M.Hosni** · 15-06-2010 03:48 PM

تقييم هايل و مميز و شرح لكل حاجة في العربية المميزات و العيوب
و لو إني شايف انه مع كل المميزات اللى موجودة العيوب تكون ثانوية و بسيطة , ما عدا بس نقطة العفشة الناشفة شويه
و لو إنها بعد 20000 كم انا شايف انها اتحسنت كتير جدا عن الأول و ده بشهادة ناس كتير بيركبوا معايا مش بس رأي أنا

**M.ABDEEN** · 15-06-2010 03:55 PM

الله ينور يا انجينيير ....... تقرير فيه حيادية كبيرة واهم شيىء انه عن تجربة

**Hamdy Masria** · 15-06-2010 03:58 PM

بصراحة الموضوع هايل ... واكتر حاجة عجبانى فكرة انك تنفع بية الناس سواء مالك السيارة او اللى بيفكر يشتريها

خير الناس انفعهم للناس ... الله ينور عليك

**hoksha** · 15-06-2010 04:16 PM

بجد انا اعير احترامي للعربية ده
ولصاحب الموضوع الجميل

**amr mokhtar** · 15-06-2010 04:18 PM

تقرير ممتاز فعلآ
بس انا برضه مش شايف إن إستهلاكها فى البنزين مرتفع
ده العادى فى معظم 1600 سى سى و اوتوماتيك
انا سألت واحد صاحبى معاه اوبترا و اوتو و قاللى إن الإستهلاك فى حدود 10 لتر لل100 كم
واحد صاحبى معاه إسبرنزا 516 مانيوال طبعآ و برضه الإستهلاك فى نفس الحدود

**bassemforever** · 15-06-2010 04:23 PM

احب ابشرك يا نورمال وابشر كل الى جايب العربية جديد وبيشتكى من العفشة بما انك لسة عامل 7 الاف انا عامل 18 الف والعربية عفشتها اتحسنت بطريقة ملحوظة جدا دلوقتى مبقتش احس بالنشوفية زى الاول واهم حاجة انك تعمل نيتروجين وتخلى الضغط ميزيدش عن 30 وتقيسها عند حد كويس زى بريدج ستون او محل كاتوتش محترم يكوت مقاس ديجتال والعربية فعلا مع الوقت بتخليك تحبها اكتر موتورها ممتاز شكلها رائع صوت السي دى فيها جميل واوبشنز حلوة تحكم من الطارة ويو اس بى واسعة من جوة شطنها حجمها حلو فوق دة كله قطع غيار مناسبة جدا خصوصا للشباب الى زينا وفعلا زى مانت قلت بالظبط ان مفيش فرق بين يابانى وكورى دلوقتى فى الموديلات الجديدة بالعكس كرولا مثلا فيها عيوب وعفشتها ناشفة وتيدا شكلها مش بيعجبنى و خلاص معندهم جديد وطبعا الى فارق الاوربى والالمانى بالذات لكن فرق السعر كبير جدا وكمان الصيانة وقطع الغيار اضعاف الكورى فعلا العربية دى حققت معادلة صعبة بسعرها وامكنايتها ومبروك على كل الكياوية و ربنا يبارك فيها والكمال لله واحده مفيش حاجة كاملة

**geeg_2006** · 15-06-2010 04:26 PM

ربنا يباركلك فيها ياباشا ولكل ملاكها
هي فعلا عربيه مميزه ومحترمه

**M!SHO** · 15-06-2010 04:35 PM

شكرا" على التقييم ,,,
واحمد ربنا انها بتعمل 100 كيلو فى ال 10 لتر ,انا عندى ال 50 جنيه (27 لتر تقريبا")بتعمل 170 كيلو بالكتير اوى اوى(طبعا جوه البلد ) ومستنى لما اخلص امتحانات واروح التوكيل اشوف فيه ايه ....
ربنا يباركلك فيها ويبعد عنك العين( وعنى انا كمان برغم ان شكلها اتحفظ )

الموضوع: النيو سيراتو...ما لها وما عليها

LinkBack

أدوات الموضوع

عرض

-

-

-

-

-

المواضيع المتشابهه

ايه الفرق بين النيو سيراتو الLx الاوتوماتيك والنيو سيراتو ال Ex الاوتوماتيك

الاشياء اللي هاشيك عليها وانا بستلم النيو اكسنت؟؟؟

النيو النترا ولا النيو سيراتو

مالكى النيو سيراتو وحاجزى النيو سيراتو

الكلمات الدلالية لهذا الموضوع

المفضلات

المفضلات

ضوابط المشاركة