الموضوع: النيو سيراتو...ما لها وما عليها

المشاركة الأصلية كتبت بواسطة normal

الباور
ربما بردو أحد عوامل عدم تميز العربيه كان يبقى أفضل لو كهربا زى أختها الصغيره وأنا شايف أنه مش ناعم الصراحه ومش خشن بردو لكنه من الاخر مش مميز

الفرامل

مسافه التوقف قليله جدا وتحس طول منتا ماشى أنها مستعده تقف فى أى وقت بس أنت قشر
أول مجبت العربيه كانت زى مقلت بتفرمل لوحدها "العفريت :)" كنت أرعش الفرامل بس
أبقى حاسس بيها تحت رجلى كدا و فجأه ملقاش الدواسه تحتيه!!!
نزلت لوحدها بس كانت بتعجبنى مش فاهم ليه :)
من الاخر مفيش نص كلمه تتقال على فرامل العربيه لأنها مفهاش الهوا
ولاحظ انى حتى معنديش abs


يعنى بجد بحط فيها حاجات كتير جدا جدا وأنا بتسوق وعمرها مقالت لأ

التكييف
تكييف العربيه جيد جدا مش ممتاز
متشتكيش منه الصراحه لكن يعيبه صوت المروحه المرتفع من أول 3
وعلشان هو مش ممتاز هتحتاج تطلع ل3 بالضروره وساعتها هتحس بأزعاج المروحه

التوكيل
طبعا أحد مميزات العربيه التوكيل المحترم والضمان الكبير
5 سنين و100 ألف حاجه محترمه بجد
كمان تعامل التوكيل مميز مع الناس
ناس محترمه ومحترفه عملها أسعارهم مش عالبه أوى ولا حنينه بردو
لكن الخدمه جيده جدا وتحس ان عربيتك فى أيد أمينه

الحمد لله رب العالمين
شكرا

بسم الله الرحمن الرحيم

شكرا علي التقييم الجميل دا
بس انا بصراحه ليا شويه ملاحظات ,, انا العربيه معايا عامله 8000 كيلو دلوقتي

* الباور*

بالنسبه للباور الكهربا فعلا و عن تجربه مش تمام ,,, انا معايا النترا لمده سنه و نص ,, فعلا علي السرعات العربيه مش ثابته و لازم تكلبش في الدركسيون و حاسس اني سابق عربيه لعبه ,, باور السيراتو تقيل و ثابت ,, و في نفس الوقت مفيش اي مجهود علشان الف الدركسيون

*الفرامل*

فعلا موضوع الفرامل دا غريب ,, انا بردو اول ما بدوس فرامل بحس انها بتتشد لتحت لوحدها ,, و بردو موضوع الديسكات ورا و قدام بيخلي العربيه تقف في ثواني بالاضافه لل abs طبعا (معايا sx)

*التكييف*

بالنسبه للتكييف انا معاك انو ابتداء من سرعه 3 صوتو بيكون عالي ,,, بس بصراحه انا مش بحتاج اشغلو اكتر من 2 خالص

*التوكيل*

بالنسبه للتوكيل ,,, و بما اني خليجي ,, فانا شايف انو مش محترم خالص
بسبب ال 4000 جنيه اللي عاوزين يضربوهم غصب و اقتدار علي الخليجي ,, و كمان يا ريتهم موفرين عربيات في الوكيل و احنا اللي مشتريناش لا دا اصلا مفيشو كمان بيزلو اي حد يفكر يجيب توكيل بالانتظار 3 و 4 و 5 اشهر

س دا كان كل تعليقي علي الكلام الجميل اللي انت قولتو

المشاركة الأصلية كتبت بواسطة hamadahosni

تقييم هايل و مميز و شرح لكل حاجة في العربية المميزات و العيوب
و لو إني شايف انه مع كل المميزات اللى موجودة العيوب تكون ثانوية و بسيطة , ما عدا بس نقطة العفشة الناشفة شويه
و لو إنها بعد 20000 كم انا شايف انها اتحسنت كتير جدا عن الأول و ده بشهادة ناس كتير بيركبوا معايا مش بس رأي أنا

شكرا يا باشا ربنا يخليك
وفعلا أنا عندى العفشه مش زى الاول ومنتظر الافضل بإذن الله

المشاركة الأصلية كتبت بواسطة m.abdeen

الله ينور يا انجينيير ....... تقرير فيه حيادية كبيرة واهم شيىء انه عن تجربة

عابدين باشا نورت
وكل سنه وأنت طيب أهو من قبليها بأسبوع :))

المشاركة الأصلية كتبت بواسطة hamdymsr

بصراحة الموضوع هايل ... واكتر حاجة عجبانى فكرة انك تنفع بية الناس سواء مالك السيارة او اللى بيفكر يشتريها

خير الناس انفعهم للناس ... الله ينور عليك

كتر خيرك يا باشا وشكرا على كلامك

المشاركة الأصلية كتبت بواسطة hoksha

بجد انا اعير احترامي للعربية ده
ولصاحب الموضوع الجميل

يا باشا ربنا يخليك وشكرا جدا على ذوقك والله

المشاركة الأصلية كتبت بواسطة amr mokhtar

تقرير ممتاز فعلآ
بس انا برضه مش شايف إن إستهلاكها فى البنزين مرتفع
ده العادى فى معظم 1600 سى سى و اوتوماتيك
انا سألت واحد صاحبى معاه اوبترا و اوتو و قاللى إن الإستهلاك فى حدود 10 لتر لل100 كم
واحد صاحبى معاه إسبرنزا 516 مانيوال طبعآ و برضه الإستهلاك فى نفس الحدود

نورت يا عمرو
وهحاول أتعايش مع الاستهلاك بقى طالما طبيعى
وجريت أنت مقلتش أى حاجه :)))

المشاركة الأصلية كتبت بواسطة bassemforever

احب ابشرك يا نورمال وابشر كل الى جايب العربية جديد وبيشتكى من العفشة بما انك لسة عامل 7 الاف انا عامل 18 الف والعربية عفشتها اتحسنت بطريقة ملحوظة جدا دلوقتى مبقتش احس بالنشوفية زى الاول واهم حاجة انك تعمل نيتروجين وتخلى الضغط ميزيدش عن 30 وتقيسها عند حد كويس زى بريدج ستون او محل كاتوتش محترم يكوت مقاس ديجتال والعربية فعلا مع الوقت بتخليك تحبها اكتر موتورها ممتاز شكلها رائع صوت السي دى فيها جميل واوبشنز حلوة تحكم من الطارة ويو اس بى واسعة من جوة شطنها حجمها حلو فوق دة كله قطع غيار مناسبة جدا خصوصا للشباب الى زينا وفعلا زى مانت قلت بالظبط ان مفيش فرق بين يابانى وكورى دلوقتى فى الموديلات الجديدة بالعكس كرولا مثلا فيها عيوب وعفشتها ناشفة وتيدا شكلها مش بيعجبنى و خلاص معندهم جديد وطبعا الى فارق الاوربى والالمانى بالذات لكن فرق السعر كبير جدا وكمان الصيانة وقطع الغيار اضعاف الكورى فعلا العربية دى حققت معادلة صعبة بسعرها وامكنايتها ومبروك على كل الكياوية و ربنا يبارك فيها والكمال لله واحده مفيش حاجة كاملة

تمام يا باسم وفى أنتظار تحسن كمان فى أداء العفشه

المشاركة الأصلية كتبت بواسطة geeg_2006

ربنا يباركلك فيها ياباشا ولكل ملاكها
هي فعلا عربيه مميزه ومحترمه

ربنا يكرمك يا باشا وأنت الى مميز ومحترم والله

المشاركة الأصلية كتبت بواسطة hesham_7amza

شكرا" على التقييم ,,,
واحمد ربنا انها بتعمل 100 كيلو فى ال 10 لتر ,انا عندى ال 50 جنيه (27 لتر تقريبا")بتعمل 170 كيلو بالكتير اوى اوى(طبعا جوه البلد ) ومستنى لما اخلص امتحانات واروح التوكيل اشوف فيه ايه ....
ربنا يباركلك فيها ويبعد عنك العين( وعنى انا كمان برغم ان شكلها اتحفظ )

الحمد لله فعلا هحاول اتعايش بقى :)
نورت الموضوع

المشاركة الأصلية كتبت بواسطة Hesham_77

أيوا بقى يا normal شكلك خلصت إمتحانات :)) تقرير جامد جداًوعلى رأي الشاعر إلي راكب cerato بيقول للمش راكبين "خدو عيني شوفو بيها"

إتش حبيب قلبى :))
منور يا باشا وكلامك فى الجون

المشاركة الأصلية كتبت بواسطة Tamer86

كفيت و وفيت يا صاحبي ( قلت كل اللي نفسي قولو)

بس لو تسمح عايز أعلق حبة:

- الثبات زي ما قلت ممتاز و انا بجيب 170 مش بس خط مستقيم
( في شوارع سريعة و فيها انحناءات و نزول و طلوع معقولين)
و السيطرة جيدة جدا

- العفشة قلت رأيي بيها قبل كدة انها رياضية و دة اللي بيديها النشوفية دي و ده مش عيب دي ميزة للي يحب الاداء الرياضي
( أي حد معاه غير السيراتو و بدل العفشة بتاعت عربيتو بعفشة رياضية هيفهم قصدي)

-الفرامل:
هي تاج لميزات العربية زي ما قلت
بس فعلا هي ليه دواسة الفرام ساعات بتكون طرية كدة و ساعات ناشفة ؟؟؟


- الاستهلاك : هو ده متوسط استهلاك 1600 cc مظنش ده كتير عليها (مانت لو عايز قوة يبقى هتصرف و دي معادلة معروفة) بس برضو معقولة.

- نظام الصوت أكتر من رائع
الصوت نقي جدا و عالي و ممتع فعلا

بس كده

و اشكرك عالمجهود الجامد يا جامد

و ابقا قلنا ازاي كان الامتحان؟؟

تحياتي..

تامر ربنا يخلك شكرا على كلامك
خد بالك بس أنك عندك esp أحنا مش قدك يا عم :))
وشكرا على نقلك للتجربه

المشاركة الأصلية كتبت بواسطة medoxmedox

بسم الله الرحمن الرحيم

شكرا علي التقييم الجميل دا
بس انا بصراحه ليا شويه ملاحظات ,, انا العربيه معايا عامله 8000 كيلو دلوقتي

* الباور*

بالنسبه للباور الكهربا فعلا و عن تجربه مش تمام ,,, انا معايا النترا لمده سنه و نص ,, فعلا علي السرعات العربيه مش ثابته و لازم تكلبش في الدركسيون و حاسس اني سابق عربيه لعبه ,, باور السيراتو تقيل و ثابت ,, و في نفس الوقت مفيش اي مجهود علشان الف الدركسيون

*الفرامل*

فعلا موضوع الفرامل دا غريب ,, انا بردو اول ما بدوس فرامل بحس انها بتتشد لتحت لوحدها ,, و بردو موضوع الديسكات ورا و قدام بيخلي العربيه تقف في ثواني بالاضافه لل abs طبعا (معايا sx)

*التكييف*

بالنسبه للتكييف انا معاك انو ابتداء من سرعه 3 صوتو بيكون عالي ,,, بس بصراحه انا مش بحتاج اشغلو اكتر من 2 خالص

*التوكيل*

بالنسبه للتوكيل ,,, و بما اني خليجي ,, فانا شايف انو مش محترم خالص
بسبب ال 4000 جنيه اللي عاوزين يضربوهم غصب و اقتدار علي الخليجي ,, و كمان يا ريتهم موفرين عربيات في الوكيل و احنا اللي مشتريناش لا دا اصلا مفيشو كمان بيزلو اي حد يفكر يجيب توكيل بالانتظار 3 و 4 و 5 اشهر

س دا كان كل تعليقي علي الكلام الجميل اللي انت قولتو

تمام يا ميدو وشكرا على كلامك

المشاركة الأصلية كتبت بواسطة bolok

بارك الله فيك يا نورمل .. تقرير ممتاز ومجهود رائع

bolok عامل أيه؟
ربنا يخليك يا باشا كله من ذوقك