حالة انسانية بحاجة لتعلم الكمبيوتر هل من مساعد؟
سلام عليكم ورحمه الله
معلش عندي حالة النهاردة محتاجة بس مش محتاجة فلوس
بس في منكم كتير يقدرو يساعدوها ان شاء الله
هي بنت عندها حالة اعاقة (شلل اطفال) ومن وضع مادي فقير جدا وقاعدة في غرف مش في شقة وليها اختها قاعدة في الغرفة اللي جنبها
هي جابت كمبيوتر وعايزة حد يجبلها برامج تعليم ولو قدر يعلمها يبقي كتر خيرة
طبعا عشان الحرمانية هايكون فيه محرم معاها
بس هو اللي هايروحلها
هي عايزة تشتغل من البيت
عايزة تتعلم ورد واكسيل
تكتب لمكاتب ولو بالورقة
عايزة تتعلم فوتوشوب لو في امكانية
عايزة حد يساعدها انها تفتح باب رزق لنفسها بدل ماتمد ايدها لحد
يا باغي الخير اقبل
اتعشم اني الاقي بينكم اللي يقدر يساعدها بتعليمها
خيركم من تعلم العلم وعلمه
وهي دي الصدقة الجارية الصح
علم ينتفع به
تاجر بالنيات ودي اعظم تجارة
تعمل صدقة جارية لنفسك
تعلم مسلم يستفيد منك
تقضي وقتك في عمل صالح
تساعد غيرك على كسب العيش
وتساعد غيرك على انه مايمدش ايده وانه يصرف على نفسه
هي ساكنة في منطقة الوايلي
اللي عايز يساعد
يقدر يبعتلي ياخد بيانتها من على الخاص
الحالة طرف مهندسة منار عقل اسرة المنار